ខេត្តកំពត ៖ ឯកឧត្តមជាវ តាយ អភិបាលនៃគណអភិបាលខេត្តកំពត អមដំណើរលោកអភិបាលរងខេត្តរួមទាំងលោកប្រធានក្រុមប្រឹក្សាខេត្តកំពត និងប្រធានមន្ទីរផ្សេងៗទៀត កាលពីព្រឹកថ្ងៃទី២៣ មិថុនា បានចុះទៅពិនិត្យមើលជាក់ស្ដែងស្ពានធ្វើអំពីដើមត្នោតមួយកន្លែង…
ខេត្តកំពត ៖ ឯកឧត្តមជាវ តាយ អភិបាលនៃគណអភិបាលខេត្តកំពត អមដំណើរលោកអភិបាលរងខេត្តរួមទាំងលោកប្រធានក្រុមប្រឹក្សាខេត្តកំពត និងប្រធានមន្ទីរផ្សេងៗទៀត កាលពីព្រឹកថ្ងៃទី២៣ មិថុនា បានចុះទៅពិនិត្យមើលជាក់ស្ដែងស្ពានធ្វើអំពីដើមត្នោតមួយកន្លែង ដែលមានសភាពចាស់ទ្រុឌទ្រោម ស្ថិតនៅក្នុងភូមិខ្ជាយខាងកើត ឃុំទទុងស្រុកដងទង់ ខេត្តកំពត ។
បន្ទាប់ពីលោកអភិបាលខេត្តបានពិនិត្យជាក់ស្ដែង នូវទិដ្ឋភាពរួមទាំងមន្ត្រីជំនាញបានចុះសិក្សារួចរាល់ ក៏បានប្រកាសប្រាប់ពលរដ្ឋនៅភូមិខ្ជាយខាងកើតថា ក្រុមការងារនិងក្នុងនាមជាថ្នាក់ដឹកនាំខេត្តសុំធ្វើការសាងសងស្ពានបេតុងថ្មីជូនដល់ប្រជាពលរដ្ឋនៅឃុំទទុង និងឃុំដំណាក់សុក្រំ ក្នុងស្រុកដងទង់។
លោកបន្តថា ការសង់សា្ពនតូចល្មមជូនប្រជាពលរដ្ឋឆ្លងកាត់នេះ គិតចាប់ពីថ្ងៃ១០ កក្កដា ខាងមុខនេះតទៅហើយ ។
លោកជុំ សុខុន ប្រធានឃុំទទុងបានប្រាប់អោយដឹងថា ស្ពានធ្វើអំពីដើមត្នោតនេះ ប្រជាពលរដ្ឋនាំគ្នាធ្វើ ដើម្បីងាយស្រួលឆ្លងកាត់ទៅផ្សាស្រុកដងទង់ និងងាយស្រួលដឹកដំដាំកសិផលផ្សេងៗទៅកាន់ទីផ្សារតែប៉ុណ្ណោះ ។
លោកប្រធានឃុំទទុងនិយាយប្រាប់ឯកឧត្តមជាវតាយ និងមន្ត្រីឯទៀតៗថា នេះប្រាំងទេ មានការលំបាកឆ្លងកាត់ប៉ុណ្ណឹងទៅហើយទំរាំដល់ខែវស្សាទឹកជន់លិចផ្លូវវិញ តើប្រជាពលរដ្ឋមានការពិបាកដល់កំរិតណា?
ចែករំលែកព័តមាននេះ