អង់គ្លេស ៖ តាមប្រភពព័ត៌មាន CNN បានឱ្យដឹងថា មេដឹកនាំនៃវេជ្ជសាស្ត្រថែទាំ និងសុខភាពសាធារណៈរបស់ចក្រភពអង់គ្លេស កំពុងទទូចដល់រដ្ឋាភិបាលអង់គ្លេស ឱ្យបង្កើតការត្រួតពិនិត្យអន្តរភាគី ដើម្បីត្រៀមសម្រាប់រលកឆ្លងកូវីដ១៩ ទី២។ នេះបើយោងតាមទស្សនាវដ្តីវេជ្ជសាស្ត្រអង់គ្លេស (BMJ) កាលពីថ្ងៃអង្គារ៍។
លិខិតនោះ អំពាវនាវឱ្យមានការពិនិត្យឡើងវិញជាបន្ទាន់ ដែលវាយតម្លៃការត្រៀមលក្ខណៈរបស់ចក្រភពអង់គ្លេស ក្នុងការដោះស្រាយជាមួយមេរោគឆ្លងមុនពេលចូលដល់រដូវរងារ។ មេដឹកនាំសុខាភិបាលបានសរសេរថា៖ «ក្នុងនាមជាភាគីពាក់ព័ន្ធនឹងអ្នកដឹកនាំវិជ្ជាជីវៈពេទ្យ និង សុខភាពសាធារណៈ ចក្រភពអង់គ្លេស យើងជម្រុញឱ្យមានអ្នកបង្កើតការពិនិត្យវាយតម្លៃបែបនេះ។ យើងគិតថា មានករណីចាំបាច់សម្រាប់ការវាយតម្លៃជាបន្ទាន់ នៃការត្រៀមខ្លួនរបស់ជាតិ ដោយលទ្ធផលដំបូងមិនមាននៅខែសីហាទេ ហើយថាការងារទាំងអស់គួរតែត្រូវបញ្ចប់នៅចុងខែតុលា»។
មេដឹកនាំសុខាភិបាលបានសរសេរថា ការពិនិត្យឡើងវិញគួរតែមើលទៅអនាគតជាជាងការស្តីបន្ទោសចំពោះកំហុសកន្លងមក ហើយគួរតែផ្តោតលើចំណុចខ្សោយទាំងនោះ ដែលត្រូវការសកម្មភាពជាបន្ទាន់ ដើម្បីការពារការបាត់បង់អាយុជីវិត និងស្តារសេដ្ឋកិច្ចឱ្យបានពេញលេញនិងឆាប់រហ័ស។
លិខិតនោះត្រូវបានចុះហត្ថលេខាដោយប្រធានមហាវិទ្យាល័យវេជ្ជសាស្ត្រ Royal នៃទីក្រុងឡុងដ៍ លោក Andrew Goddard ដែលជានាយកមហាវិទ្យាល័យ Royal Nursing លោកស្រី Anne Marie Rafferty ដែលជាប្រធានក្រុមប្រឹក្សានៃសមាគមវេជ្ជសាស្ត្រអង់គ្លេស លោក Chaand Nagpaul ដែលជានិពន្ធនាយកនៃទស្សនាវដ្តីវេជ្ជសាស្ត្រ Lancet និង លោក Richard Horton ដែលជានិពន្ធនាយកនៃ BMJ៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ