រាជធានីភ្នំពេញ ៖ កាលពីពេលថ្មីៗនេះ តារាចម្រៀងជើងចាស់ ឡេង មុនីរចនា បានទទួលសិទ្ធិពេញលេញជាប៉ូលិសក្របខណ្ឌរដ្ឋហើយ។ ការបង្ហាញនេះធ្វើឱ្យគ ចាប់អារម្មណ៍ និងមិននឹកថា…
រាជធានីភ្នំពេញ ៖ កាលពីពេលថ្មីៗនេះ តារាចម្រៀងជើងចាស់ ឡេង មុនីរចនា បានទទួលសិទ្ធិពេញលេញជាប៉ូលិសក្របខណ្ឌរដ្ឋហើយ។ ការបង្ហាញនេះធ្វើឱ្យគ ចាប់អារម្មណ៍ និងមិននឹកថា នាងមានចំណូលចិត្តបែបនេះ តាំងពីពេលណានោះទេ។ យ៉ាងណា តំណែងមួយនេះ ធ្វើឱ្យ ឡេង មុនីរចនា សម្តែងក្តីអំណរ ក្រោយពេលបំណងខំពុះពារ ដើរដល់ចំណុចចង់បាន។
បើមើលទៅលើរូបរាងរបស់ ឡេង មុនីរចនា ឃើញថា មានភាពប្រែប្រួល ដោយកាត់សក់ខ្លីឱ្យស៊ីជាមួយតំណែងថ្មីនេះ។ ការងារថ្មីដែលក្តាប់បានធ្វើឱ្យក្រុមគ្រួសា ទាំងមូល មានឪពុកនាង និងបងប្អូនបានមកចូលរួមអបអរលើកទឹកចិត្ត។ ប៉ុន្តែអ្វីដែលមិននឹកដល់ នាងបានអាក់ខានវត្តមានម្តាយជាទីស្រឡាញ់របស់នាងមិនបានចូលរួម ព្រោះតែបានបាត់បង់ជីវិត កាលពីច្រើនខែមុន។
មកទល់ពេលនេះ ឡេង មុនីរចនា ស្ថិតក្នុងភាពមេម៉ាយ ដោយបរាជ័យស្នេហា មិនសមប្រកបម្តងហើយម្តងទៀត ដែលអាចជាផ្ទាំងខ្មៅមួយធ្វើឱ្យ ឡេង មុនីរចនា ឆ្អែតចិត្ត រហូតលែងចង់ភ្លក់រសជាតិនេះនាំតែចម្បែងកាយ។
ធ្លាប់តែជាតារាចម្រៀងយេរៗលេចធ្លោកាលពីច្រើនឆ្នាំមុន ពេលនេះ រចនា ហាក់ស្ងប់ឈឹងតែម្តង លើអាជីពមួយនេះ ទោះជានាងនៅតែប្រកាន់ភ្ជាប់តួនាទីមិនចោលសិល្បៈ នៅតែមានកម្រិតខុសពីអតីតកាល ដែលលាន់ឭ។ (កែសម្រួលដោយ ៖ បុប្ផា)
ចែករំលែកព័តមាននេះ