Novak Djokovic ពោលពាក្យសុំទោស ក្រោយឆ្លងកូវីដ១៩
អន្តរជាតិ ៖ កីឡាករវាយកូនបាល់ (Tennis) លំដាប់លេខ ១ ពិភពលោក Novak Djokovic បានពោល…
អន្តរជាតិ ៖ កីឡាករវាយកូនបាល់ (Tennis) លំដាប់លេខ ១ ពិភពលោក Novak Djokovic បានពោល…
អន្តរជាតិ ៖ កីឡាករវាយកូនបាល់ (Tennis) លំដាប់លេខ ១ ពិភពលោក Novak Djokovic បានពោល សុំទោស និងបង្ហាញការសោកស្តាយយ៉ាងខ្លាំង បន្ទាប់ពីក្លាយជាកីឡាករ Tennis ចុងក្រោយដែលតេស្តវិជ្ជមានកូវីដ១៩ ក្រោយលេងកម្មវិធី Adria Tour របស់ខ្លួន។
រឿងហេតុដែលនាំឱ្យផ្ទុះការឆ្លងវីរុសនេះ បន្ទាប់ពីកីឡាករ Tennis លំដាប់ពិភពលោកជាច្រើន បានចូលរួមកម្មវិធីប្រកួតសប្បុរស ដែលបង្កើតឡើងដោយកីឡាករ Novak Djokovic ផ្ទាល់តែម្តង។
កំពូលកីឡាករជនជាតិស៊ែបខាងលើគឺជាកីឡាករចុងក្រោយ បន្ទាប់ពីកីឡាករ Grigor Dimitrov, Borna Coric និង Viktor Troicki ដែលសុទ្ធតែបានឆ្លងវីរុរនេះ ក្រោយធ្វើការប្រកួតប្រជែងក្នុងកម្មវិធី Adria Tour ។
កីឡាករ Novak Djokovic បានបង្ហោះសារមួយលើបណ្តាញសង្គម Twitter របស់ខ្លួន ដោយបាននិយាយថា «យើងបានធ្វើខុស។ វាពិតជាលឿនពេកហើយ ដើម្បីរៀបចំការប្រកួតនេះ។ ខ្ញុំពិតជាសោកស្តាយយ៉ាងខ្លាំង ចំពោះការប្រកួតរបស់យើង ដែលបានបង្កឱ្យមានបញ្ហាកើតឡើង»។
សូមជម្រាបជូនថា កម្មវីធី Adria Tour ត្រូវបានអ្នករៀបចំសម្រេចលុបចោលតែម្តង បន្ទាប់ពីទទួលបានដំណឹងពីការឆ្លងរបស់កីឡាករ Grigor Dimitrov ដំបូងគេ។
Djokovic បានបន្ថែមថា «ជាអកុសលដោយសារតែព្រឹត្តិការណ៍ទាំងអស់បានកើតឡើង យើងបានសំរេចថា អ្វីដែលសំខាន់បំផុតនៅពេលនេះ គឺការធ្វើឱ្យមានស្ថេរភាពនៃការរាតត្បាត ក៏ដូចជាការព្យាបាលអ្នកឆ្លងវីរុសនេះ ឱ្យបានជាសះស្បើយ» ៕ (ដកស្រង់ចេញពី៖ BBC)
ចែករំលែកព័តមាននេះ