ប៉ូលិសនៅខេត្តព្រះសីហនុម្នាក់ ត្រូវបណ្តេញចេញពីក្របខ័ណ្ឌមន្ត្រីនគរបាលជាតិ
- ព្រះសីហនុ
រាជធានៅភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្ងៃទី១៩ ខែមិថុនា ឆ្នាំ២០២០…
រាជធានៅភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្ងៃទី១៩ ខែមិថុនា ឆ្នាំ២០២០ ថ្មីៗនេះ បានសម្រេចអនុវត្តវិន័យចំពោះលោកអនុសេនីយ៍ទោ ស វាសនា អត្តលេខ៦៨០៤១ មន្ត្រីនៃស្នងការដ្ឋាននគរបាលខេត្តព្រះសីហនុ ក្រោមរូបភាពដកហូតឋានន្តរស័ក្តិ និង បណ្តេញចេញពីក្របខ័ណ្ឌមន្ត្រីនគរបាលជាតិ ដោយសារមូលហេតុ ជួញដូរដោយខុសច្បាប់នូវសារធាតុញៀន ។
នេះបើយោងតាមប្រកាសស្តីពីការបណ្តេញចេញពីក្របខណ្ឌមន្ត្រីនគរបាលជាតិ កាលពីថ្ងៃទី១៩ ខែមិថុនា ឆ្នាំ២០២០ ។
(ប៉ូលិសម្នាក់ដែលបោះឯកសណ្ឋានចោល ស្នងការខេត្តព្រះសីហនុ បណ្តេញចេញពីក្របខ័ណ្ឌ)
កាលពីរសៀលថ្ងៃទី១២ មិថុនា ២០២០នេះ ស្នងការដ្ឋាននគរបាលខេត្តព្រះសីហនុ បានបំភ្លឺថា អតីតមន្ត្រីនគរបាលម្នាក់ បានយកឯកសណ្ឋាននគរបាលរបស់ខ្លួន បោះចោលនៅការ៉ាស់សាំង sokimex និងTela នោះ ត្រូវបានលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានដាក់បទបញ្ជាអោយការិយាល័យបុគ្គលិក ធ្វើការណែនាំ ជាច្រើនដងរួចមកហើយ និងបានធ្វើការបណ្តេញចេញពីក្របខ័ណ្ឌនគរបាលជាតិ នៃស្នងការដ្ឋាននគរបាលខេត្តព្រះសីហនុ ផងដែរ ៕
ចែករំលែកព័តមាននេះ