ប្រទេសអង់គ្លេស ៖ ក្លិប Leicester City នៃលីគកំពូលអង់គ្លេសត្រូវបានរាយការណ៍ថា កំពុងពិភាក្សាលើកិច្ចព្រមព្រៀងនាំយកកីឡាករកូនកាត់ថៃ-បារាំង Thanawat Suengchitthawon នេះបើតាមការចុះផ្សាយពីកាសែត…
ប្រទេសអង់គ្លេស ៖ ក្លិប Leicester City នៃលីគកំពូលអង់គ្លេសត្រូវបានរាយការណ៍ថា កំពុងពិភាក្សាលើកិច្ចព្រមព្រៀងនាំយកកីឡាករកូនកាត់ថៃ-បារាំង Thanawat Suengchitthawon នេះបើតាមការចុះផ្សាយពីកាសែត RMC Sport របស់បារាំង។
អតីតសមាជិកក្រុមជម្រើសជាតិបារាំងអាយុក្រោម ១៧ឆ្នាំ ដែលមានវ័យ ២០ឆ្នាំ បច្ចុប្បន្នជាខ្សែបម្រើប្រយុទ្ធក្នុងឈុតបម្រុងរបស់ក្លិប AS Nancy នៅលីគលំដាប់ទី២បារាំង ដែលកុងត្រានឹងត្រូវផុតកំណត់នៅពេលឆាប់ៗខាងមុខនេះ។
ជាយុវជនពោពេញទៅដោយទេពកោសល្យ ក្លិប Leicester City ដែលមានម្ចាស់ក្លិបជាជនជាតិថៃ ក្រោមការដឹកនាំរបស់គ្រូបង្វឹកលោក Brendan Rodgers នឹងចុះកុងត្រាដើម្បីនាំយកយុវជនរូបនេះ មកកាន់ទឹកអង់គ្លេសដោយគ្មានតម្លៃខ្លួន។
សូមជម្រាបថា គ្រូបង្វឹកជនជាតិអង់គ្លេសវ័យ ៤៧ឆ្នាំខាងលើរបស់ក្រុមរហស្សនាមកញ្ជ្រោង ចង់បន្ថែមជម្រើសជាច្រើន ដើម្បីនាំយកកីឡាករឆ្នើមៗ ត្រៀមសម្រាប់ការប្រកួតប្រជែងនៅរដូវកាលក្រោយ ជាពិសេសការប្រកួតក្នុងក្របខណ្ឌ Champions League រដូវកាលក្រោយ ខណៈបច្ចុប្បន្ន Leicester City កំពុងឈរនៅចំណាត់ថ្នាក់លេខ៣ក្នុងតារាងដោយមាន ៥៣ពិន្ទុតាមពីក្រោយដោយក្រុម Cheslea ដែលមាន ៥១ពិន្ទុ ៕
ចែករំលែកព័តមាននេះ