អង្គការសុខភាពពិភពលោក ៖ អគ្គលេខាធិការអង្គការសុខភាពពិភព WHO បានអំពាវនាវកាលពីថ្ងៃទី២២ មិថុនា ឲ្យបង្កើនផលិតកម្មពិភពលោកថ្នាំ DEXAMETHASONE ជាថ្នាំព្យាបាលការរលាកធ្ងន់ធ្ងរនៃគ្រួសារថ្នាំ STEROIDE…
អង្គការសុខភាពពិភពលោក ៖ អគ្គលេខាធិការអង្គការសុខភាពពិភព WHO បានអំពាវនាវ
កាលពីថ្ងៃទី២២ មិថុនា ឲ្យបង្កើនផលិតកម្មពិភពលោកថ្នាំ DEXAMETHASONE ជាថ្នាំព្យាបាលការរលាកធ្ងន់ធ្ងរនៃគ្រួសារថ្នាំ STEROIDE ដែលជួយកាត់បន្ថយអត្រាស្លាប់របស់បណ្ដាអ្នកជំងឺឆ្លងវីរុស COVID-19 ។
ប្រមុខ WHO លោក TEDROS ADHANOM GHEBREYESUS ប្រកាសថា ក៏ទោះបីបណ្ដាទិន្នន័យនៅបឋមក្ដីក៏ការរកឃើញនាពេលថ្មីៗនេះថា ថ្នាំ DEXAMETHASONE អាចជួយ
សង្គ្រោះអាយុជីវិតបណ្ដាអ្នកជំងឹឆ្លងវីរុសស្ថិតក្នុងស្ថានភាពធ្ងន់ធ្ងរបានផ្ដល់ហេតុផលពីភាពចាំបាច់នៃការប្រើថ្នាំនោះ ។
លោកបន្តថាការបង្កើនផលិតកម្មព្រមទាំងការចែកចាយថ្នាំនោះដោយឆាប់រហ័ស និងមានលក្ខណៈស្មើភាពលើពិភពលោកទាំងមូល តំណាងឲ្យភាពចាំបាច់មួយ ។ សំណើត្រូវបានធ្វើរួចហើយក្រោយពិនិត្យឃើញលទ្ធផលវិជ្ជមាននៃការសាកល្បងដែលធ្វើនៅប្រទេសអង់គ្លេស ។ ពិតជារីករាយដែលនោះជាថ្នាំដែលមិនមានតម្លៃខ្ពស់ ហើយមានក្រុមហ៊ុនផលិតជាច្រើនលើពិភពលោកទាំងមូល ដែលនាំឲ្យយើងមានជំនឿជាក់ថា ក្រុមហ៊ុនទាំងនោះអាចជម្រុញផលិតកម្ម។
ទោះបីយ៉ាងណាប្រមុខ WHO រំឭកថា វាសំខាន់ដែលត្រូវត្រួតពិនិត្យគុណភាពផលិតកម្ម ព្រោះមានគ្រោះថ្នាក់ខ្ពស់ដែលបណ្ដាផលិតផលក្លែងក្លាយឬមិនឆ្លើយតបតាមបណ្ដាបទដ្ឋានអាចបន្លំលក់នៅលើទីផ្សារ ។ តម្លាភាពនិងការត្រួតពិនិត្យជាប់ជាប្រចាំនឹងចាំបាច់ ។ ម្យ៉ាងវិញទៀតថ្នាំ DEXAMETHASONE ត្រូវប្រើប្រាស់សម្រាប់តែបណ្ដាអ្នកជំងឺធ្ងន់ឬកំពុងស្ថិតក្នុងស្ថានភាពដុនដាបក្រោមការតាមដានសង្គ្រោះបន្ទាន់ ។ ពុំមានភស្ដុតាងណាមួយដែលថាថ្នាំនេះមាន
ប្រសិទ្ធភាពសម្រាប់បណ្ដាអ្នកជំងឺស្រាលឬសម្រាប់បង្ការឡើយ ។
នាថ្ងៃទី២២ មិថុនាដែរប្រមុខ WHO បានព្រមានថា លើរណសិរ្សវីរុស COVID-19 ដំណឹងល្អនានាទទួលបានពីប្រទេសមួយចំនួន តែក៏មិនត្រូវធ្វេសប្រហែសព្រោះលើពិភពលោកការឆ្លង
វីរុសនោះនៅមិនទាន់ចុះថយឡើយ និងនៅបន្តឆ្លងលឿន ។ លោកថាត្រឹមជាង៣ខែ ចំនួនអ្នកឆ្លងមានដល់១លាននាក់ដំបូង ហើយអ្នកឆ្លង១លាននាក់ចុងក្រោយមានត្រឹមតែអំឡុងពេល៨ថ្ងៃ
ប៉ុណ្ណោះ ។ បែបនេះបង្ហាញថាការឆ្លងបន្តមានលឿន ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ