ADផ្ទាំងផ្សព្វផ្សាយពាណិជ្ជកម្ម

Picture

រុះ​រើ​សំណង់​លើ​ផ្លូវ​បេតុង​ភូមិ​អង្គ ក្នុង​សង្កាត់​ចោមចៅ៣ ក្រោយ​ហាម​លែង​ស្ដាប់​

3 ឆ្នាំ មុន
  • ភ្នំពេញ

រាជធានី​ភ្នំពេញ ​៖ ​អ្នក​ភូមិ​មួយ​ចំនួន​បាន​នាំ​គ្នា​សង់​តូប​លក់ដូរ​ក៏​ដូច​ជា​ធ្វើ​សំ​យ៉ាប​ផ្ទះ និង​ផ្ទះបាយ​ជាដើម​រំលោភ​លើ​ផ្លូវ​បង្ក​ឲ្យ​មាន​លក្ខណៈ​តូច​ចង្អៀត​ពិបាក​ក្នុង​ការ​ធ្វើ​ដំណើរ​ចេញចូល ហើយ​ជា​ការ​មិន​ពេញចិត្ត​ដល់​អ្នកដំណើរ​ទូទៅ​ជា​ខ្លាំង ដោយឡែក​អាជ្ញាធរ​សង្កាត់​ចោម​ចៅ​ទី​៣ បាន​ជូនដំណឹង​ដល់​អ្នក​ដែល​សង់​រួច​ត្រូវ​រុះរើ​ចេញ​ដោយ​ខ្លួនឯង​ជា​បន្ទាន់ ព្រមទាំង​ហាមឃាត់​មិន​ឲ្យ​​មាន​អ្នក​សាងសង់​ថ្ម​ឡើយ​ ។ ​ប៉ុន្តែទោះ​បីជា​​ខំ​ហាមឃាត់​យ៉ាងណា​ក៏​មិន​ឈ្នះ​ដែរ…

រាជធានី​ភ្នំពេញ ​៖ ​អ្នក​ភូមិ​មួយ​ចំនួន​បាន​នាំ​គ្នា​សង់​តូប​លក់ដូរ​ក៏​ដូច​ជា​ធ្វើ​សំ​យ៉ាប​ផ្ទះ និង​ផ្ទះបាយ​ជាដើម​រំលោភ​លើ​ផ្លូវ​បង្ក​ឲ្យ​មាន​លក្ខណៈ​តូច​ចង្អៀត​ពិបាក​ក្នុង​ការ​ធ្វើ​ដំណើរ​ចេញចូល ហើយ​ជា​ការ​មិន​ពេញចិត្ត​ដល់​អ្នកដំណើរ​ទូទៅ​ជា​ខ្លាំង ដោយឡែក​អាជ្ញាធរ​សង្កាត់​ចោម​ចៅ​ទី​៣ បាន​ជូនដំណឹង​ដល់​អ្នក​ដែល​សង់​រួច​ត្រូវ​រុះរើ​ចេញ​ដោយ​ខ្លួនឯង​ជា​បន្ទាន់ ព្រមទាំង​ហាមឃាត់​មិន​ឲ្យ​​មាន​អ្នក​សាងសង់​ថ្ម​ឡើយ​ ។ ​ប៉ុន្តែទោះ​បីជា​​ខំ​ហាមឃាត់​យ៉ាងណា​ក៏​មិន​ឈ្នះ​ដែរ ឯ​អ្នក​សង់​មុន​រួចរាល់​ហើយ​ក៏​មិន​ព្រម​រុះរើ​ចេញ​​ទៀត​ ទើប​អាជ្ញាធរ​ខាងលើ​ដាក់​កម្លាំង​ចុះ​ទៅ​ធ្វើការ​រុះរើ​តែ​ម្ដង ដោយ​មិន​បាន​ទទួលខុសត្រូវ​លើ​ការ​ខូចខាត​អ្វី​ទាំងអស់​។

ប្រតិបត្តិការចុះរុះរើ​ខាងលើ​​នេះដែរ​​បាន​ធ្វើ​ឡើង​កាលពី​វេលា​២​រសៀល​ថ្ងៃ​ទី​២៣ ខែមិថុនា ឆ្នាំ​២០២០ នៅ​តាម​ផ្លូវ​បេតុង ក្នុងភូមិ​អង្គ សង្កាត់​ចោម​ចៅ​ទី​៣ ខណ្ឌ​ពោធិ៍​សែន​ជ័យ រាជធានី​ភ្នំពេញ ក្រោម​ការ​ដឹកនាំ​ដោយ​លោក​វ៉ា សា​វឿ​ន ចៅសង្កាត់​ចោម​ចៅ​ទី​៣ និង​លោក​សុទ្ធ សុ​ជាតិ ព្រមទាំង​លោក​អុ​ឹ​ម វ​ណ្ណា ដែល​ជា​ចៅ​ង្កា​ត់រង​សង្កាត់​ចោម​ចៅ​ទី​៣ និង​មានការ​ចូលរួម​ពី​មន្ត្រី​ក្រុមប្រឹក្សា​សង្កាត់​នេះ​ផង​ដែរ​។

អាជ្ញាធរ​សង្កាត់​ខាងលើ​បាន​និយាយ​ថា ប្រជាពលរដ្ឋ​មួយ​ចំនួន​នៅ​តែ​រំលោភ​បំពាន​ផ្លូវ​សាធារណៈ​ដោយ​ការ​សាងសង់​ផ្ទះ តូប​លក់ដូរ ផ្ទះបាយ សំ​យ៉ាប​ផ្ទះ ឬ​របង​ផ្សេង​ៗ ដែល បង្ក​លក្ខណៈ​លំបាក​ដល់​អ្នក​ដ​ទៃ​ដែល​ជា​អ្នក​ប្រើប្រាស់​ផ្លូវ ខ្លះ​មួរ​ម៉ៅ​ក្ដៅក្រហាយ ​ព្រោះតែ​ផ្លូវ​តូច​ចង្អៀត​ទើសមុខ​ទើស​ក្រោយ ហើយ​អ្វី​ដែល​ត្រូវ​តែ​គិតគូ​ថែម​ទៀត​នោះ​ ពេល​មាន​ហេតុការណ៍​សង្គ្រោះ​បន្ទាន់​ផ្សេង​ៗ​មិន​ងាយ ​និង​ចូល​ទៅ​ទាន់​ពេល​ឡើយ​ ។ ​ដោយឡែក​ផ្លូវ​មួយ​ខ្សែ​ខាងលើ​នេះ​ត្រូវ​បាន​​ប្រជា​ពលរដ្ឋ​​មួយ​ចំនួន​នាំ​គ្នា​សង់​រំលោភ​ជា​បន្តបន្ទាប់ ទោះបី​ជា​អាជ្ញាធរ​ទាំង​សង្កាត់​និង​ភូមិ​បាន​ទប់ស្កាត់​យ៉ាងណា​ក៏​មិន​ព្រម​ស្ដាប់​តាម​ដែរ ដោយ​ពួក​គាត់​អត់​ខ្វល់​ចំពោះ​ការ​ណែនាំ​អ្វី​ទាំងអស់ ដែល​បាន​ធ្វើ​ឲ្យ​ផ្លូវ​នោះ​ពោរពេញ​ទៅ​ដោយ​ផ្ទះ សំ​យ៉ាប​ផ្ទះ និង​តូប​លក់ដូ​រ ហើយ​បើ​គ្មាន​ការ​គិតគូ​រ​ទេ​ និង​ត្រូវ​បាត់បង់​ផ្លូវ​នៅ​ថ្ងៃ​អនាគត​។

តាម​ប្រភព​ដដែល​បាន​បន្ត​ទៀត​ថា ក្រោយ​ពេល​ទប់ស្កាត់​អត់​បាន​ ទើប​អាជ្ញាធរ​ចាត់វិធានការ​ជូនដំណឹង​ឲ្យ​ពួក​គាត់​រុះរើ​ចេញ​ដោយ​ខ្លួនឯង ហើយ​អ្នក​ដែល​កំពុង​ចាប់ផ្ដើម​សាងសង់​ត្រូវ​ផ្អាក​ឬ​ឈប់​ជា​បន្ទាន់ ។​ ប៉ុន្តែ​ការ​ជូនដំណឹងហាក់​ដូច​​ឥតប្រយោជន៍​គឺ​ដូច​ពាក្យចាស់​លោក​ពោល​ថា​«​កោ​ក​ៗ​សឹក​មាត់​ត្រដោក​ឆ្អែត​ពោះ​ក្របី​»​នោះ​មិន​ខុស​ឡើយ​គឺ​ពួក​គាត់​មិន​ព្រម​ស្ដាប់​និង​រុះរើ​ឡើយ ទើប​ពេល​នេះ​អាជ្ញាធរ​សង្កាត់​បាន​ប្រើ​ធម៌​ក្ដៅ​ដាក់​កម្លាំង​ចុះ​ទៅ​ធ្វើការ​រុះរើ​ដោយ​មិន​ទទួលខុសត្រូវ​លើ​ការ​ខូចខាត​ឡើយ​។

​តាម​ប្រភព​ខាងលើ​បាន​បន្ត​ថា ក្រោយ​ពេលចុះ​​ទៅ​ដល់​ កម្លាំង​សមត្ថកិច្ច​ធ្វើការ​រុះរើ​បាន​តូប​លក់ដូរ​និង​ផ្ទះបាយ​មួយ​ចំនួន ហើយ​មិន​មានការ​រារាំង​ឬ​ជំទាស់​ពី​ម្ចាស់​តូប​ទាំងនោះ​ឡើយ កម្លាំង​សមត្ថកិច្ច​បាន​អនុវត្ត​ការងារ​សម្អាត​ផ្លូវ​មួយ​នេះ​បាន​ដោយ​រលូន ប៉ុន្តែ​នៅ​ជា​ច្រើន​តូប​ទៀត​ដែល​ត្រូវ​ប្រើ​ពេល​ច្រើន​ថ្ងៃ​ដើម្បី​ធ្វើការ​រុះរើ​ ។ ​មិនតែប៉ុណ្ណោះ​នៅ​ក្នុង​ខណៈនោះ​មាន​ម្ចាស់ផ្ទះ​និង​តូប​ខ្លះ​បាន​សំណូមពរ​សុំ​ធ្វើការ​រុះរើ​ដោយ​ខ្លួនឯង ដើម្បី​ចៀសវាង​ការ​ខូចខាត​របស់​របរ​​ផ្សេង​ៗ ហើយ​ក្រោយ​ពី​ប្រតិបត្តិការ​រយៈពេល​ជាង​១​ម៉ោង​អាជ្ញាធរ​ក៏​បាន​ដក​កម្លាំង​ថយ​សិន​ និង​រង់ចាំ​ឲ្យ​ពួក​គាត់​រុះរើ​ដោយ​ខ្លួនឯង ហើយ​បើ​មិន​ព្រម​រុះ​ទេ​ អាជ្ញាធរ​លែង​យោគយល់​និង​ទុក​ពេល​ឲ្យ​តទៅ​ទៀត​ហើយ​៕​ (កែសម្រួលដោយ ៖ ធីតា​)

អត្ថបទសរសេរ ដោយ

កែសម្រួលដោយ