បែកប្លោកនោម៣កន្លែង ក្រោយមិនបានទៅនោមជាង១០ម៉ោង
ចិន ៖ តាមប្រភពព័ត៌មាន Oddity Central បានឱ្យដឹងថា បុរសអាយុ៤០ឆ្នាំម្នាក់នៅក្នុងប្រទេសចិន ត្រូវបានគេរាយការណ៍ថា បានបែកប្លោកនោម៣កន្លែង ក្រោយពីផឹកស្រាបៀរ…
ចិន ៖ តាមប្រភពព័ត៌មាន Oddity Central បានឱ្យដឹងថា បុរសអាយុ៤០ឆ្នាំម្នាក់នៅក្នុងប្រទេសចិន ត្រូវបានគេរាយការណ៍ថា បានបែកប្លោកនោម៣កន្លែង ក្រោយពីផឹកស្រាបៀរ ១០កំប៉ុង និងមិនបាននោមនៅ១៨ម៉ោងក្រោយ។
កាលពីដើមខែនេះ បុរសដែលត្រូវបានគេស្គាល់ថាជា លោកហ៊ូ បានរាយការណ៍ថា បានផឹកស្រាបៀរចំនួន១០កំប៉ុងក្នុងមួយយប់ មុនពេលត្រឡប់មកផ្ទះវិញ ហើយបានដេកលក់ ដោយមិនបានងើបនោមនោះទេ។ គាត់គ្មានអារម្មណ៍ឈឺនោមបន្តិចណាឡើយ ព្រោះតែសុរាធ្វើឱ្យគាត់គ្មានអារម្មណ៍អ្វីទាំងអស់។ ពេលងើបឡើងវិញ ស្រាប់តែមានការឈឺចាប់យ៉ាងខ្លាំងនៅក្នុងពោះ ហើយក៏ត្រូវបានរថយន្តសង្គ្រោះបន្ទាន់យកទៅមន្ទីរពេទ្យ។ តាមរយៈការថត MRI បានឱ្យឃើញថា មានស្នាមរហែកលើប្លោកនោមចំនួន៣កន្លែង។
ក្រុមគ្រូពេទ្យបានធ្វើការវះកាត់ជាបន្ទាន់ ដោយសារតែមានពោះវៀនលូនចូលទៅតាមស្នាមរហែកលើប្លោកនោម។ ពេលនេះ លោកហ៊ូមានស្ថានភាពល្អប្រសើរហើយ។
គ្រូពេទ្យបានប្រាប់ថា មនុស្សគ្រប់គ្នាគួរតែមានការប្រុងប្រយ័ត្នពេលពិសារគ្រឿងស្រវឹង។ វាអាចធ្វើឱ្យយើងគ្មានអារម្មណ៍ឈឺនោម ហើយអាចនឹងមានកើតឡើងដូចករណីរបស់លោកហ៊ូ៕ ដកស្រង់ចេញពីវេបសាយ ៖ odditycentral (កែសម្រួលដោយ ៖ បុប្ផា)
ចែករំលែកព័តមាននេះ