សាកលវិទ្យាល័យវូហាន ប្រារព្ធពិធីចែកសញ្ញាប័ត្រតាមបែបថ្មីសម័យកូវីដ១៩
ចិន ៖ តាមប្រភពព័ត៌មាន Shanghaiist បានឱ្យដឹងថា នៅចុងសប្តាហ៍នេះ សាកលវិទ្យាល័យវូហាន បានប្រារព្ធពិធីប្រគល់សញ្ញាប័ត្រតាមបែបតូចល្មម និង រក្សាគម្លាតសង្គម…
ចិន ៖ តាមប្រភពព័ត៌មាន Shanghaiist បានឱ្យដឹងថា នៅចុងសប្តាហ៍នេះ សាកលវិទ្យាល័យវូហាន បានប្រារព្ធពិធីប្រគល់សញ្ញាប័ត្រតាមបែបតូចល្មម និង រក្សាគម្លាតសង្គម…
ចិន ៖ តាមប្រភពព័ត៌មាន Shanghaiist បានឱ្យដឹងថា នៅចុងសប្តាហ៍នេះ សាកលវិទ្យាល័យវូហាន បានប្រារព្ធពិធីប្រគល់សញ្ញាប័ត្រតាមបែបតូចល្មម និង រក្សាគម្លាតសង្គម ដោយមានការរំលឹកដល់ជីវិតដែលត្រូវបានបាត់បង់ដោយសារជំងឺកូវីដ១៩ ដែលចាប់ផ្តើមកើតមានឡើងនៅក្នុងទីក្រុងវូហាននៅដើមឆ្នាំនេះ។
ពិធីនេះមានការចូលរួមពីតំណាងនិស្សិតចំនួន ៦៦០នាក់ ខណៈនិស្សិតបញ្ចប់ការសិក្សាផ្សេងទៀតបានចូលរួមតាមអ៊ីនធើរណេត។ អ្នកដែលមិនអាចចូលរួម នឹងអាចដាក់ពាក្យចូលរួមក្នុងពិធីបញ្ចប់ការសិក្សាណាមួយ ក្នុងរយៈពេលបីឆ្នាំខាងមុខ។
ដោយសារតែការផ្ទុះឡើងនៃជំងឺឆ្លងកូវីដ សាកលវិទ្យាល័យចិនភាគច្រើនបានជ្រើសរើសធ្វើពិធីបញ្ចប់ការសិក្សា ដោយមានការកំណត់យ៉ាងតឹងរឹងលើការចូលរួម។ ការស្ទង់មតិថ្មីៗនេះ បានរកឃើញថា ជិត ៨៩% នៃនិស្សិតបញ្ចប់ការសិក្សាថ្មីនៅក្នុងប្រទេសចិន បានមើលពិធីបញ្ចប់ការសិក្សារបស់ពួកគេតាមអ៊ីនធើរណេតក្នុងឆ្នាំនេះ។ អ្នកខ្លះទទួលសញ្ញាប័ត្ររបស់ពួកគេដោយមានជំនួយពីមនុស្សយន្ត។
គួរបញ្ជាក់ផងដែរថា ពេលនេះប្រទេសចិន មានករណីឆ្លងកូវីដ១៩សរុប ៨៣,៤១៨ករណី ករណីឆ្លងថ្មី ២២ករណី ករណីស្លាប់សរុប ៤,៦៣៤ករណី និង ករណីជាសះស្បើយ ៧៨,៤២៥ករណី៕ ដកស្រង់ចេញពីវេបសាយ ៖ shanghaiist (កែសម្រួលដោយ ៖ បុប្ផា)
ចែករំលែកព័តមាននេះ