អ្នកភូមិអូរអណ្តូង១ក្នុងសង្កាត់ព្រែកប្រាបានថ្ងួចថ្នូររអ៊ូរទាំផង ភ័យខ្លាចផងព្រោះតែក្រុមចោរធ្វើសកម្មភាពលួចទ្រព្យសម្បត្តិពេលយប់មិនសូវលស់ថ្ងៃ ។ ពួកអ្នកស្រុកបាននិយាយថា ពីមុនមកនៅចំណុចដែលគាត់រស់នៅបានសុខសាន្តណាស់ មិនដែលមានបាតុភាពអ្វីកើតឡើងទេ តែមួយរយៈចុងក្រោយនេះឱ្យតែដល់ពេលយប់ឡើងក្រុមចោរតែងធ្វើសកម្មភាពលួចនេះ លួចនោះ បន្តិចបាត់នេះ បន្តិចបាត់នោះស្ទើរតែរាល់ថ្ងៃគួរឱ្យបារម្ភណាស់…
អ្នកភូមិអូរអណ្តូង១ក្នុងសង្កាត់ព្រែកប្រាបានថ្ងួចថ្នូររអ៊ូរទាំផង ភ័យខ្លាចផងព្រោះតែក្រុមចោរធ្វើសកម្មភាពលួចទ្រព្យសម្បត្តិពេលយប់មិនសូវលស់ថ្ងៃ ។
ពួកអ្នកស្រុកបាននិយាយថា ពីមុនមកនៅចំណុចដែលគាត់រស់នៅបានសុខសាន្តណាស់ មិនដែលមានបាតុភាពអ្វីកើតឡើងទេ តែមួយរយៈចុងក្រោយនេះឱ្យតែដល់ពេលយប់ឡើងក្រុមចោរតែងធ្វើសកម្មភាពលួចនេះ លួចនោះ បន្តិចបាត់នេះ បន្តិចបាត់នោះស្ទើរតែរាល់ថ្ងៃគួរឱ្យបារម្ភណាស់ ។
ជាក់ស្តែងដូចកាលពីរំលងអធ្រាត្រចូលថ្ងៃទី២៣ ខែមិថុនា ភូមិអូរណ្តូង១ ក្នុងសង្កាត់ព្រែកប្រាត្រង់ចំណុចផ្លូវលំចូលទៅរោងចក្រទឹកកកឌុងវីង ម្តុំរោងចក្រធ្វើនំបញ្ចុក ក្រុមចោរបានធ្វើសកម្មភាពលួចយករ៉ឺម៉កម៉ូតូមួយគ្រឿងពីក្រុមគ្រួសារមួយមានប្រពន្ធកូនប្រកបមុខរបរលក់នំផ្លែអាយ ឯបុរសជាប្តីរត់រ៉ឺម៉កម៉ូតូខណៈដែលគាត់ចតចាក់សោទុកនៅអែបជញ្ជាំងផ្ទះយ៉ាងត្រឹមត្រូវ ហើយក្រុមចោរបានលួចយករ៉ឺម៉កម៉ូតូនេះទៅដោយសុវត្ថិភាព ។
បុរសម្ចាស់រ៉ឺម៉កបាននិយាយថា សព្វថ្ងៃនេះគ្រួសារប្តីប្រពន្ធគាត់ឈ្លោះប្រកែកគ្នាដោយសារតែជំពាក់លុយគេ ហើយពេលនេះត្រូវបាត់រ៉ឺម៉កទៀត ដូចកាត់ជើងគាត់ទាំងពីរដូច្នោះដែរ គឺផ្តាច់អាជីពគាត់តែម្តង ។
អ្នកភូមិអូរអណ្តូង១បានសំណូមពរទៅសមត្ថកិច្ច សូមឱ្យជួយអន្តរាគមន៍កម្ចាត់ក្រុមចោរទាំងនោះផង ពួកគាត់រស់នៅមិនបានសុខទេរាល់ថ្ងៃនេះ បើអស់លោកនៅតែមិនរវល់សុខទុក្ខរបស់ពលរដ្ឋ មិនខ្វល់នឹងភូមិសង្កាត់មានសុវត្ថិភាពទៀត ច្បាស់ជានឹងត្រូវដំបងអ្នកស្រុកហើយ ។ សាន សារិន
ចែករំលែកព័តមាននេះ