រាជធានីភ្នំពេញ ៖ តារាសម្តែង និងជាពិធីការីដ៏មានប្រជាប្រិយភាពនៅក្នុងស្រទាប់យុវវ័យ និងជាមនុស្សស្រីរស់រាយរាក់ទាក់ ណាសាឌី កំពុងតែទទួលបានការគាំទ្រជាច្រើនពីសំណាក់អ្នកគាំទ្រនាពេលបច្ចុប្បន្ននេះ ទៅលើទេពកោសល្យជាពិធីការីមានទឹកដមសម្លែងស្រទន់ ថ្មីៗនេះបានបង្អូតសម្រស់របស់ខ្លួនជាច្រើនសន្លឹកនៅលើទឹកដីអង្គរខេត្តសៀមរាប ។
អតីតស្រីស្អាត Freshie Girl នៅក្នុងឆ្នាំ២០១៥ រូបនេះ បានបង្ហាញសម្រស់ពីធម្មជាតិ នៅក្នុងទឹកដីអង្គរ និងបានផ្តិតយករូបភាពយ៉ាងស្រស់សោភាជាច្រើនសន្លឹក ដោយនៅក្នុងនោះ នាងក៏បានជ្រើសយកឈុតហែលទឹកពណ៍ខ្មៅ ដែលទទួលបានការចាប់អារម្មណ៍ និងប្លែកភ្នែកយ៉ាងខ្លាំងទៅដល់ អ្នកគាំទ្រ ទៅលើរូបរាងដ៏តូចត្រឡឹង និងឈរយ៉ាងមានភាពជឿជាក់បែបនេះ ។
យ៉ាងណាមិញ វាមិនងាយនោះទេ ដែលពិធីការីវ័យក្មេងរូបនេះបង្ហាញសម្រស់នៅក្នុងឈុតហែលទឹកបែបនេះ នៅក្នុងបណ្តាញសង្គម ពីព្រោះកន្លងអ្នកគាំទ្រតែងតែឃើញការថតរូបស្អាតៗ និងការជ្រើសយកសម្លៀកបំពាក់បែបធម្មតាទៅតាមកម្មវិធីតែប៉ុណ្ណោះ ដែលជាហេតុធ្វើអោយអ្នកគាំទ្រសរសើរយ៉ាងខ្លាំង ពីការថែរក្សារាង និងរូបសម្រស់របស់នាងផងដែរ។
គួរបញ្ជាក់ផងដែរថា ចូលនៅក្នុងឆ្នាំ២០២០ កន្លងមកនេះ ស្រីស្អាត ណាសាឌីទទួលបានប្រជាប្រិយភាពឡើងវិញ ដោយនៅក្នុងនោះនាងក៏ទទួលបានឱកាសការងារធំៗដូចជាក្លាយជាអគ្គរាជទូតផលិតផលរបស់ក្រុមហ៊ុនធំមួយ និងក្លាយជាតួឯកនៅក្នុងខ្សែភាគយន្តបែបយុវវ័យផងដែរ ៕
ចែករំលែកព័តមាននេះ