រាជធានីភ្នំពេញ ៖ ជនសង្ស័យជាស្ត្រីជើងកាងមួយរូបបានតដៃ និងក្របួច.កអាវនគរបាលព្រហ្មទណ្ឌកម្រិតស្រាលក្រសួងមហាផ្ទៃ ក្នុងពេលចុះឃាត់ខ្លួនស្ត្រីរូបនេះ តាមដីកាបញ្ជាឲ្យចូលខ្លួន ពីព្រះរាជអាជ្ញានៃអយ្យការសាលាដំបូងរាជធានីភ្នំពេញ លោក កែវ សុធា…
រាជធានីភ្នំពេញ ៖ ជនសង្ស័យជាស្ត្រីជើងកាងមួយរូបបានតដៃ និងក្របួច.កអាវនគរបាលព្រហ្មទណ្ឌកម្រិតស្រាលក្រសួងមហាផ្ទៃ ក្នុងពេលចុះឃាត់ខ្លួនស្ត្រីរូបនេះ តាមដីកាបញ្ជាឲ្យចូលខ្លួន ពីព្រះរាជអាជ្ញានៃអយ្យការសាលាដំបូងរាជធានីភ្នំពេញ លោក កែវ សុធា ពីបទគំរាមកំហែង ជេរប្រមាថសាធារណៈតាមហ្វេសប៊ុកនាពេលកន្លងទៅ ត្រូវបានគេរាយការណ៍ថា មានអ្នករត់ការឲ្យរួចខ្លួននោះ នៅដើរហើរក្រៅប្រព័ន្ធច្បាប់នៅឡើយ មិនព្រមចូលតុលាការតាមដីកាបញ្ជាឲ្យចូលខ្លួន ខណៈដីកាបញ្ជានេះ មានរយៈពេលជាយូរមកហើយនោះ។
ជនសង្ស័យជាស្ត្រី មានចរឹកដូចស្រីជើងកាងនោះមានឈ្មោះ យឹម អេង ភេទស្រី អាយុ៣៨ឆ្នាំ រស់នៅភូមិ១ សង្កាត់បឹងសាឡាង ខណ្ឌទូលគោក រាជធានីភ្នំពេញ ហើយត្រូវបានប្រវាយប្រតប់ជាមួយសមត្ថកិច្ចនគរបាល ខណៈដែលនគរបាលចុះឃាត់ខ្លួននៅព្រឹកថ្ងៃទី១៣ ខែមិថុនា ឆ្នាំ២០២០នេះ នៅចំណុចផ្សារបាត់ដឹងឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ។
មិនទាន់ទាំងចូលខ្លួនតាមដីការរបស់តុលាការរាជធានីភ្នំពេញឲ្យចូលខ្លួនផងនោះ ស្រាប់តែមានមន្ត្រីម្នាក់បានរត់ការទៅក្រសួងមហាផ្ទៃ ដើម្បីស្នើសុំឲ្យស្ត្រីរូបនេះរួចផុតពីទោស ដែលស្ត្រីរូបនេះបានប្រព្រឹត្តនាពេលកន្លងទៅ ដោយសារតែខ្លួនអាងមានលុយច្រើននោះ ហើយជាងនេះទៅទៀតស្ត្រីរូបនេះ នៅបន្តមានសេរីភាព ដើរអួតក្អេងក្អាង ប្រាប់អ្នកដទៃថា ខ្លួនមានខ្នងធំហើយតុលាការ និងនគរបាលមិនហ៊ានធ្វើអ្វីដល់គេនោះទេ។
សូមបញ្ជាក់ថា កាលពីថ្ងៃទី១៣ កន្លងទៅថ្មីៗនេះ មន្ត្រីនគរបាលព្រហ្មទណ្ឌកម្រិតស្រាលរបស់ក្រសួងមហាផ្ទៃបានចុះនាំខ្លួនស្ត្រីដែលមានឈ្មោះខាងលើនេះ គឺបន្ទាប់ពីមានដីកាបញ្ជាឲ្យចូលខ្លួនពីព្រះរាជអាជ្ញានៃអយ្យការសាលាដំបូងរាជធានីភ្នំពេញ លោក កែវ សុធា នាថ្ងៃទី១២ ខែមិថុនា ឆ្នាំ២០២០នេះ ក្រោយពីមានពាក្យបណ្តឹងពីជនរងគ្រោះ ឈ្មោះឡេង ម៉ូវ អាយុ៦៥ឆ្នាំ ជនជាតិខ្មែរ មានអាសយដ្ឋានបច្ចុប្បន្ននៅភូមិបាត់ដឹង ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ។ ខណៈដែលនគរបាលចុះអនុវត្តដីកាស្ត្រីរូបនេះ និងប្តី រួមទាំងបក្សពួកបីបួននាក់ទៀតមកស្រែកឲ្យសមត្ថកិច្ច និងរារាំងកម្លាំងសមត្ថកិច្ចជាដើមនោះ។
យោងតាមពាក្យបណ្តឹងបានបញ្ជាក់ថា ស្ត្រីដែលជាជនសង្ស័យរូបនេះ បានជេរប្រមាថ និងគំរាមកំហែងជាសាធារណៈដល់ជនរងគ្រោះដែលជាមនុស្សចាស់ ដោយសារតែខ្លួនអាងមានលុយ ហើយស្ត្រីម្នាក់នេះក៏ជាអ្នកមានរឿងអាស្រូវជាច្រើនទាក់ទងនឹងករណីដីធ្លីផងដែរ៕ ដោយសហការ
ចែករំលែកព័តមាននេះ