រាជធានីភ្នំពេញ ៖ យោងតាមការបង្ហោះរបស់គណនីហ្វេកប៊ុករបស់គ្រូបង្វឹកប្រដាល់គុនខ្មែរ លោក អេ ភូថង បានបង្ហាញនូវរូបថតមួយសន្លឹករបស់លោក និងប្អូនប្រុស អង្គុយអមសងខាងសពម្ដាយរបស់លោក ដោយភ្ជាប់ជាមួយនឹងសារខ្លីដ៏គួរឱ្យសង្វេគនាមុននេះបន្តិច…
រាជធានីភ្នំពេញ ៖ យោងតាមការបង្ហោះរបស់គណនីហ្វេកប៊ុករបស់គ្រូបង្វឹកប្រដាល់គុនខ្មែរ លោក អេ ភូថង បានបង្ហាញនូវរូបថតមួយសន្លឹករបស់លោក និងប្អូនប្រុស អង្គុយអមសងខាងសពម្ដាយរបស់លោក ដោយភ្ជាប់ជាមួយនឹងសារខ្លីដ៏គួរឱ្យសង្វេគនាមុននេះបន្តិច គឺនៅព្រឹកថ្ងៃទី២៣ ខែមិថុនា ឆ្នាំ២០២០ ថា « ម្ដាយខ្ញុំបានទៅចោលខ្ញុំហើយ»។ នេះគឺជាការបាត់បង់សមាជិកក្នុងគ្រួសារមួយដ៏សំខាន់ ខណៈដែលលោកក៏ត្រូវគេដឹងថា មិនមែនជាកីឡាករដែលមានជីវភាពធូរធាផង។
យ៉ាងណាក្ដី តាមរយៈរូបថតមួយសន្លឹកនេះ លោកមិនទាន់បានបញ្ជាក់នៅឡើយទេថា ម្ដាយរបស់លោកទទួលអនិច្ចកម្មដោយសារអ្វីនោះនៅឡើយទេ។ ប៉ុន្តែតាមរយៈសារខ្លីនេះគឺជាការផ្ដល់ដំណឹងមរណទុក្ខរបស់ម្ដាយលោកជូនទៅដល់បងប្អូន សាច់ញាតិ និងអ្នកគាំទ្រ ឱ្យបានដឹងអំពីដំណឹងដ៏ក្រៀមក្រំមួយនេះ។
យ៉ាងណាមិញ ក៏ឃើញមានមិត្តរួមអាជីព និងបណ្ដាហ្វេនៗជាច្រើនរបស់អតីតអ្នកប្រដាល់គុនខ្មែរដ៏ល្បីរូបនេះ បង្ហោះសាររំលែកទុក្ខ និងលើកទឹកចិត្តដល់លោកជាហូរហែផងដែរ។ (កែសម្រួលដោយ ៖ បុប្ផា)
ចែករំលែកព័តមាននេះ