ខាត់ ស្រីវង កាត់តែខ្លោចចិត្ត ដែលមិនអាចមកបុណ្យឪពុកលើកចុងក្រោយ
- ភ្នំពេញ
រាជធានីភ្នំពេញ ៖ មរណភាពរបស់អ្នកមានគុណ លោកពូ លាវ ខាត់ ដែលបានចែកឋានទៅវ័យ៦៧ឆ្នាំ បង្កឱ្យមហាជនទាំងក្នុង និងក្រៅប្រទេស មានការសោកស្តាយរលីងរលោងទឹកភ្នែក…
រាជធានីភ្នំពេញ ៖ មរណភាពរបស់អ្នកមានគុណ លោកពូ លាវ ខាត់ ដែលបានចែកឋានទៅវ័យ៦៧ឆ្នាំ បង្កឱ្យមហាជនទាំងក្នុង និងក្រៅប្រទេស មានការសោកស្តាយរលីងរលោងទឹកភ្នែក មិនតិចទេ ព្រោះតែអាណិតត្រកូលខាត់។ យ៉ាងណាមិញ ខាត់ ស្រីវង រឹតតែតឹងតែង ព្រោះពេលវេលាដ៏តឹងតែង បែរជាមិនអាចជួបលោកឪពុករបស់ខ្លួនបាន ទាំងអារម្មណ៍ពិតពិបាកធ្វើ នឹងទទួលយកណាស់ ។
ក្នុងចំណោមបងប្អូនទាំង៩នាក់របស់លោកអ៊ុំ លាវ ខាត់ គឺមានតែ ខាត់ ស្រីវង ម្នាក់គត់ ដែលបានចាកចោលសិល្បៈ ហើយចេញទៅរស់នៅអាមេរិកតាមប្តី និងមានកូនចៅនៅទីនោះ។ នាពេលទទួលដំណឹងដ៏រន្ធត់អកុសលស្តីពីលោកឪពុកលាចាកលោក ខាត់ ស្រីវង ក៏សោកសង្រែកយំពីនាយសមុទ្រ ទន់កាយមិនតិចនោះទេ។
នាងប្រហែលជានឹកឃើញរឿងរ៉ាវជាច្រើនជាមួយឪពុក មិនចាញ់បងប្អូននោះឡើយ។ អ្វីដែល ស្រីវង មិនអាចមកបុណ្យ ដើម្បីក្រាបសំពះខមាទោស លោកឪពុកដ៏មហិមាបាន គឺប្រហែលជាមកពីបញ្ហាជំងឺមេរោគកូវីដ១៩ បន្តនៅមានការវាយលុកនៅសហរដ្ឋអាមេរិក។
ម្ល៉ោះហើយ ជើងហោះហើរមួយចំនួនអាចបន្តបិទ ដែលជាហេតុធ្វើឱ្យដំណើររាំងស្ទះមួយ ដ៏តានតឹងបំផុតក្នុងជីវិត ស្រីវង នាពេលនេះ។ នេះជាការតក់ស្លុតមួយរបស់ត្រកូលខាត់ ដែលជាការនឹកស្មានមិនដល់ ព្រោះស្នាមញញឹមកក់ក្តៅ ធ្លាប់តែមានឱ្យគ្នាក្នុងត្រកូលគ្រួសារ។ ពិតណាស់អ្វីៗ ជួបហើយ មិនបែកនោះទេ។
គួរបញ្ជាក់ថា លោក លីវ ខាត់ ក៏ជាសិល្បករជើងចាស់លើកស្ទួយសិល្បៈភ្លេងខ្មែរយូរមកហើយដែរ ។ លោកតាបានបាត់បង់ជីវិតក្នុងផ្ទះថ្មីដែលកូនបង ខាត់ សុឃីម ផ្តល់ធ្វើជូន ទើបរួចរាល់៣ខែ។ ក្នុងចំណោមកូនទាំង៩នាក់ និងភរិយា គ្មានអ្នកណាទាន់ដង្ហើមរបស់លោកតាឡើយ ព្រោះតែជំងឺគាំងបេះដូង។ ហើយពេលនេះសពឪពុក ខាត់ សុឃីម និង បូជានាថ្ងៃពុធ ទី២៤ ខែមិថុនា ឆ្នាំ២០២០ នាស្រុកកំណើតតែម្តង ក្បែរជើងភ្នំបាសិទ្ធ។ (កែសម្រួលដោយ ៖ បុប្ផា)
ចែករំលែកព័តមាននេះ