លោក Carlo Ancelotti រងការចោទប្រកាន់ពីបទគេចពន្ធ
ប្រទេសអង់គ្លេស ៖ លោក Carlo Ancelotti គ្រូបង្វឹកក្លិប Everton ត្រូវបានចោទប្រកាន់ដោយព្រះរាជអាជ្ញានៅប្រទេសអេស្ប៉ាញ ពីបទគេចមិនបានបង់ពន្ធចំនួន ១…
ប្រទេសអង់គ្លេស ៖ លោក Carlo Ancelotti គ្រូបង្វឹកក្លិប Everton ត្រូវបានចោទប្រកាន់ដោយព្រះរាជអាជ្ញានៅប្រទេសអេស្ប៉ាញ ពីបទគេចមិនបានបង់ពន្ធចំនួន ១…
ប្រទេសអង់គ្លេស ៖ លោក Carlo Ancelotti គ្រូបង្វឹកក្លិប Everton ត្រូវបានចោទប្រកាន់ដោយព្រះរាជអាជ្ញានៅប្រទេសអេស្ប៉ាញ ពីបទគេចមិនបានបង់ពន្ធចំនួន ១ លានអឺរ៉ូ (ប្រមាណជាង ១,១លានដុល្លារអាមេរិក) នេះបើតាមការចុះផ្សាយពី BBC។
ការចោទប្រកាន់នេះ ត្រូវបានការិយាល័យរដ្ឋអាជ្ញាសហគមន៍ទីក្រុងម៉ាឌ្រីដ អះអាងថា គ្រូបង្វឹកជនជាតិអ៊ីតាលីវ័យ ៦១ឆ្នាំរូបនេះ បានព្យាយាមលាក់បាំងនូវប្រាក់ចំណូលដែលរកបាន ដោយមានចេតនាចៀសវាងការយកពន្ធរបស់ខ្លួន អំឡុងពេលលោកជាគ្រូបង្វឹករបស់ក្លិប Real Madrid ក្នុងឆ្នាំ ២០១៤-១៥ ។
ជុំវិញបញ្ហានេះ លោក Carlo Ancelotti នៅមិនទាន់មានការឆ្លើយតបនៅឡើយទេ ខណៈដែលក្លិប Everton ដែលដឹកនាំបច្ចុប្បន្នបានបញ្ជាក់ថា ពួកគេមិនមានយោបល់អ្វីទាំងអស់ ជុំវិញបញ្ហាទាំងនេះ។
សូមជម្រាបជូនថាលោក Carlo Ancelotti គឺជាគ្រូបង្វឹកដ៏ជោគជ័យ និងដ៏មានបទពិសោធន៍ម្នាក់ ក្នុងចំណោមគ្រូបង្វឹកកំពូលៗជាច្រើននៅលើពិភពលោក។ លោកធ្លាប់បានដឹកនាំក្លិបកំពូលៗក្នុងនោះមានដូចជា Juventus, AC Milan, Chelsea, PSG, Real Madrid, Bayern Munich និង Napoli ដោយជួយឱ្យក្លិបទាំងនោះឈ្នះពានរង្វាន់ជាច្រើន ក្នុងនោះមានទាំង UEFA Champions League ផងដែរ ៕
ចែករំលែកព័តមាននេះ