វីរបុរសបាល់ទាត់អុីរ៉ាក់ម្នាក់បាត់បង់ជីវិតដោយសារកូវីដ19
ប្រទេសអុីរ៉ាក់ ៖ វីរបុរសបាល់ទាត់អ៊ីរ៉ាក់លោក Ahmed Radhi បានទទួលមរណភាពហើយកាលពីម្សិលមិញ ដោយសារជំងឺរលាកផ្លូវដង្ហើមបណ្តាលមកពីវីរុស COVID-19 ។ លោក…
ប្រទេសអុីរ៉ាក់ ៖ វីរបុរសបាល់ទាត់អ៊ីរ៉ាក់លោក Ahmed Radhi បានទទួលមរណភាពហើយកាលពីម្សិលមិញ ដោយសារជំងឺរលាកផ្លូវដង្ហើមបណ្តាលមកពីវីរុស COVID-19 ។
លោក Ahmed Radhi ដែលបាត់បង់ជីវិតក្នុងវ័យ ៥៦ឆ្នាំត្រូវបានបញ្ជូនទៅកាន់មន្ទីរពេទ្យកាលពីសប្តាហ៍មុន នៅទីក្រុងបាកដាដ បន្ទាប់ពីបានធ្វើតេស្តមាន COVID-19 ។ ហើយបើតាមក្រសួងសុខាភិបាលអ៊ីរ៉ាក់បានបញ្ជាក់ថា លោក Ahmed Radhi បានបាត់បង់ជីវិតនៅព្រឹកថ្ងៃអាទិត្យ។
លោក Ahmed Radhi ត្រូវបានចាត់ទុកជាវីវបុរសបាល់ទាត់ដ៏ល្បីល្បាញម្នាក់ របស់ក្រុមជម្រើសជាតិអ៊ីរ៉ាក់។ លោកបានចូលរួមជាមួយក្រុមជម្រើសជាតិចាប់ពីឆ្នាំ ១៩៨២រហូតដល់ឆ្នាំ១៩៩៧ ដោយបានបង្ហាញខ្លួនចំនួន ១២១លើកស៊ុតបញ្ចូលទី ៦២គ្រាប់ក្នុងតំណែងជាខ្សែប្រយុទ្ធ។
រូបលោកគឺជាកីឡាករអ៊ីរ៉ាក់តែម្នាក់ ដែលអាចរកគ្រាប់បាល់បានតែមួយគ្រាប់គត់ក្នុងព្រឹត្តិការណ៍ FIFA World Cup 1986 នៅប្រទេសម៉ិកស៊ិក ទល់នឹងក្រុមជម្រើសជាតិបែលហ្ស៊ិក។
លោកក៏បានបន្តនាំជម្រើសជាតិអ៊ីរ៉ាក់ឱ្យទទួលបានជ័យជម្នះក្នុងពានរង្វាន់ Arabian Gulf Cup ក្នុងឆ្នាំ ១៩៨៤ និងឆ្នាំ ១៩៨៨។ ហើយរូបលោកក៏ធ្លាប់ឈ្នះការបោះឆ្នោតជា កីឡាករបាល់ទាត់ល្អបំផុតអាស៊ីប្រចាំឆ្នាំផងដែរ៕ (ដកស្រង់ចេញពី Aljazeera)
ចែករំលែកព័តមាននេះ