អ្នកចាត់ការក្លិបម្នាក់ថានឹងធ្វើព្យុះភ្លៀង ដើម្បីប្រជែងពានរង្វាន់រដូវកាលក្រោយ
ប្រទេសអង់គ្លេស ៖ អ្នកចាត់ការក្លិប Manchester City លោក Pep Guardiola បានលើកឡើងថា លោកបានគិតគូរួចរាល់…
ប្រទេសអង់គ្លេស ៖ អ្នកចាត់ការក្លិប Manchester City លោក Pep Guardiola បានលើកឡើងថា លោកបានគិតគូរួចរាល់ សម្រាប់ការធ្វើឱ្យក្រុមមានភាពប្រសើរឡើងវិញ នៅទីផ្សារដោះដូរកីឡាកររដូវក្តៅនេះ ដើម្បីត្រៀមខ្លួនប្រជែងពានរង្វាន់រដូវកាលក្រោយ។
Man City បានបាត់បង់ឱកាសសម្រាប់ការប្រជែងពានរង្វាន់ Premier League រដូវកាលនេះ ជាមួយនឹងកំណត់ត្រាមិនល្អ ដោយតាមពីក្រោយក្រុមកំពូលតារាង Liverpool ដល់ទៅ ២៣ពិន្ទុក្នុងនាមខ្លួនជាក្រុមការពារតំណែងជើងឯក។
បើតាមយោងគេហទំព័រ BBC បានធ្វើការស្រង់សម្តីរបស់លោក Pep Guardiola ដែលបាននិយាយថា «Liverpool នឹងនៅតែជាក្រុមដ៏ខ្លាំងមួយ ប៉ុន្តែនៅពេលយើងរក្សាបានការឈ្នះពានរង្វាន់ក្នុងរយៈពេល ១០ឆ្នាំចុងក្រោយ នោះអ្នកដឹងហើយថា វាលំបាកខ្លាំងប៉ុនណាក្នុងការធ្វើវា» ។
បុរសជនជាតិអេស្ប៉ាញវ័យ ៤៩ឆ្នាំបានបន្តទៀតថា «ក្នុងចំណោមពានរង្វាន់ទាំងប្រាំបួនចុងក្រោយ ដែលយើងបានធ្វើការប្រកួតប្រជែងកន្លងមក ក្នុងនោះយើង បានឈ្នះចំនួន៨ ។ នោះមិនអាក្រក់ទេ។ ហើយខ្ញុំគិតថានៅរដូវកាលក្រោយ យើងនឹងធ្វើបែបនេះម្តងទៀត។ ឥលូវនេះ យើងមានជាគំនិតរួចរាល់ហើយ សម្រាប់ទីផ្សារដោះដូរកីឡាករ ហើយបន្ទាប់មកនៅរដូវកាលក្រោយ យើងនឹងត្រៀមប្រកួតប្រជែងម្តងទៀត»៕ (ដកស្រង់ចេញពី CNA)
ចែករំលែកព័តមាននេះ