ខេត្តបន្ទាយមានជ័យ ៖ មន្ត្រីបសុព្យាបាលបានចាប់ឃាត់រថយន្ត២គ្រឿងដោយឡែកពីគ្នា ដែល១គ្រឿងជារថយន្តសេ៊រីទំនើបដឹកជ្រូក៨ក្បាល និង១គ្រឿងទៀតដឹកមាន់រស់៩៦០ក្បាល លួចនាំចូលពីថៃតាមច្រករបៀង ក្នុងភូមិសាស្គ្រស្រុកថ្មពួក និងស្រុកម៉ាឡៃ ។ ប្រធានការិយាល័យផលិតកម្មនិងបសុព្យាបាលខេត្ត…
ខេត្តបន្ទាយមានជ័យ ៖ មន្ត្រីបសុព្យាបាលបានចាប់ឃាត់រថយន្ត២គ្រឿងដោយឡែកពីគ្នា ដែល១គ្រឿងជារថយន្តសេ៊រីទំនើបដឹកជ្រូក៨ក្បាល និង១គ្រឿងទៀតដឹកមាន់រស់៩៦០ក្បាល លួចនាំចូលពីថៃតាមច្រករបៀង ក្នុងភូមិសាស្គ្រស្រុកថ្មពួក និងស្រុកម៉ាឡៃ ។
ប្រធានការិយាល័យផលិតកម្មនិងបសុព្យាបាលខេត្ត លោក ហ៊ុយ ទូច ថ្លែងថា នេះជាអនុវត្តការណែនាំរបស់ក្រសួងកសិកម្ម រុក្ខាប្រមាញ់ និងនេសាទ និងអភិបាលខេត្ត ក៏ដូចជាវិធានការរបស់ប្រធានមន្ទីរ ក្នុងការទប់ស្កាត់ការនាំចូលសត្វពីប្រទេសជិតខាង ដើម្បីពង្រឹងទីផ្សារសត្វក្នុងស្រុក ។ ជាក់ស្ដែង កាលពីវេលារំលងអធ្រាត្រឈានចូលថ្ងៃទី២១ ខែមិថុនា ឆ្នាំ២០២០ បានចាប់ឃាត់រថយន្តសេ៊រីទំនើប១គ្រឿង ម៉ាកអាល់ហ្វាត ពណ៌ស ពាក់ផ្លាកលេខភ្នំពេញ ២BD-២១៥៣ ដឹកជ្រូករស់ចំនួន៨ក្បាល តាមផ្លូវជាតិលេខ៥៩ ក្នុងស្រុកថ្មពួក ដែលឈ្មួញលួចនាំចូលតាមច្រករបៀងទន្សាយអើត ។
លោក ហ៊ុយ ទូច ថ្លែងទៀតថា ដោយឡែកកាលពីយប់ថ្ងៃទី១៧ ខែមិថុនា ឆ្នាំ២០២០ មន្ត្រីបសុព្យាបាលបានចាប់ឃាត់រថយន្តធុនធំ១គ្រឿងគ្មានផ្លាកលេខ ដឹកមាន់រស់ចំនួន១២០តាកា
ស្មើនឹង៩៦០ក្បាល ដែលឈ្មួញលួចនាំចូលតាមច្រករបៀង ក្នុងភូមិសាស្ត្រស្រុកថ្មពួកដែរ ។
ក្រោយពេលចាប់ឃាត់ ទាំងរថយន្តនិងវត្ថុតាង ត្រូវបាននាំយកមកការិយាល័យផលិតកម្ម និងបសុព្យាបាលខេត្ត ដើម្បីយកសំណាកវិភាគទៅពិនិត្យ បើគ្មានរោគសញ្ញាទេនឹងធ្វើការផាកពិន័យ និងណែនាំឲ្យធ្វើកិច្ចសន្យាតាមច្បាប់ ហើយប្រគល់ជូនម្ចាស់វិញ ៕ (កែសម្រួលដោយ ៖ បុប្ផា)
ចែករំលែកព័តមាននេះ