កូនស្រីសែងម្តាយអាយុ១០០ឆ្នាំទៅធនាគារ ដើម្បីដកលុយប្រហែល២០ដុល្លារ(វីដេអូ)
ឥណ្ឌា ៖ តាមប្រភពព័ត៌មាន The Sun បានឱ្យដឹងថា ស្ត្រីចំណាស់ Gunja Dei អាយុ៧០ឆ្នាំ…
ឥណ្ឌា ៖ តាមប្រភពព័ត៌មាន The Sun បានឱ្យដឹងថា ស្ត្រីចំណាស់ Gunja Dei អាយុ៧០ឆ្នាំ ចង់ដកប្រាក់ ១៥០០រូពី (ប្រហែល២០ដុល្លារអាមេរិក) ពីគណនីរបស់ម្តាយឈ្មោះ Labhe Baghel ដែលមានអាយុ១០០ឆ្នាំ ប៉ុន្តែត្រូវបានបដិសេធ ខណៈដែលសាខាធនាគារ បានអះអាងថា ត្រូវតែមានវត្តមានរបស់ម្តាយទើបអាចដកបាន។
ប្រាក់នៅក្នុងគណនីធនាគារនេះ គឺបានមកពីជំនួយរបស់រដ្ឋាភិបាលប្រទេស ដែលបានជួយដល់ចាស់ៗ កំឡុងពេលចាក់សោរប្រទេសទប់ស្កាត់ និងការរីករាលដាលនៃកូវីដ១៩។ ម្តាយរបស់ស្ត្រីចំណាស់អាយុ៧០ឆ្នាំ គឺជាម្ចាស់គណនីរបស់គម្រោង Jan Dhan Yojana ដែលជាការផ្តួចផ្តើមរបស់រដ្ឋាភិបាលឥណ្ឌា។
នៅពេលគាត់បានទៅធនាគារនៅថ្ងៃទី៩ ខែមិថុនា ដើម្បីដកប្រាក់ពីជំនួយជំនួសម្តាយ ស្រាប់តែខាងធនាគារបានបដិសេធ ហើយទាមទារឱ្យម្តាយដែលជាម្ចាស់គណនីមកដោយផ្ទាល់។ គាត់បានប្រាប់ថា ម្តាយរបស់គាត់ពិការ ហើយមិនអាចងើបពីគ្រែមកដកលុយបានទេ។ ខាងធនាគារថា នឹងទៅជូនលុយដល់ផ្ទះ តែគ្មាននរណាបានទៅទេជាក់ស្តែង។
នៅថ្ងៃបន្ទាប់ ស្ត្រីជាកូនបានដាក់ម្តាយរបស់គាត់នៅលើគ្រែតូច ហើយអូសតាមផ្លូវចម្ងាយប្រហែល ៤០០ម៉ែត្រ ទៅកាន់ធនាគារ។ វាពិតជាកំសត់មែនទែន នៅពេលដែលឃើញដូចនេះ ព្រោះតែលុយ២០ដុល្លារ ត្រូវអូសម្តាយដាក់លើគ្រែមកធនាគារ។
គេបានបញ្ជាក់ថា វាគឺជាបញ្ហាទំនាក់ទំនងរវាងធនាគារ និងអតិថិជន។ គេនឹងធ្វើការស៊ើបអង្កេតបន្ថែមទៀត៕ ដកស្រង់ចេញពីវេបសាយ ៖ thesun (កែសម្រួលដោយ ៖ បុប្ផា)
ចែករំលែកព័តមាននេះ