ចាប់តាំងពីអង្គការសហប្រជាជាតិចូលមកប្រទេសកម្ពុជាកាលពីឆ្នាំ១៩៩១ ដើម្បីរៀបចំការបោះឆ្នោត លុយដុល្លារអាមេរិកក៏ចាប់ផ្តើមហូរចូល ក្នុងប្រទេសកម្ពុជា ។ ដុល្លារត្រូវបានគេឃើញចាយគ្រប់ទីកន្លែងរហូតមកទល់ពេលនេះ ដោយរួមទាំងការបើកប្រាក់ខែតាមបណ្តាក្រុមហ៊ុនផង ។ ដុល្លារបានក្លាយជាលុយដែលគេចាយបានគ្រប់ទីកន្លែងក្នុងប្រទេសកម្ពុជា ។…
ចាប់តាំងពីអង្គការសហប្រជាជាតិចូលមកប្រទេសកម្ពុជាកាលពីឆ្នាំ១៩៩១ ដើម្បីរៀបចំការបោះឆ្នោត លុយដុល្លារអាមេរិកក៏ចាប់ផ្តើមហូរចូល ក្នុងប្រទេសកម្ពុជា ។
ដុល្លារត្រូវបានគេឃើញចាយគ្រប់ទីកន្លែងរហូតមកទល់ពេលនេះ ដោយរួមទាំងការបើកប្រាក់ខែតាមបណ្តាក្រុមហ៊ុនផង ។ ដុល្លារបានក្លាយជាលុយដែលគេចាយបានគ្រប់ទីកន្លែងក្នុងប្រទេសកម្ពុជា ។
ជិតបីទស្សវត្សរ៍នៃការចាយលុយដុល្លារយ៉ាងទូលំទូលាយ សេដ្ឋកិច្ចកម្ពុជាបានចាប់ផ្តើមចង់រំដោះខ្លួនអោយរួចពីការពឹងផ្អែកខ្លាំងទៅលើលុយដុល្លារ ។ ឥឡូវនេះកម្ពុជាកំពុងតែជំរុញការប្រើប្រាស់លុយរៀល ។
ទន្ទឹមពេលជាមួយគ្នានោះ កម្ពុជា និងចិនក៏កំពុងប្រឹងប្រែង ដើម្បីរំដោះខ្លួនចេញពីការប្រើប្រាស់លុយដុល្លារនៅក្នុងពាណិជ្ជកម្មរវាងប្រទេសទាំងពីរ ។
ការជំរុញការចាយលុយរៀល និងការទូរទាត់ជាប្រាក់រៀលនៅក្នុងប្រទេសកម្ពុជា និងការជំរុញការប្រើប្រាស់ប្រាក់រៀល និងលុយយន់របស់ចិនបានកំពុងតែព្យាយាមរុញលុយដុល្លារអោយចេញបន្តិចម្តងៗ ពីការប្រើប្រាស់នៅក្នុងប្រទេសកម្ពុជា ។ជំនួសមកវិញ លុយយ៉ន់ចិន និងអាចដើរតួនាទីសំខាន់មួយនៅក្នុងទីផ្សារសេដ្ឋកិច្ចកម្ពុជា ។
ធនាគារជាតិនៃកម្ពុជាបានកំពុងជំរុញឲ្យមានការប្រើប្រាស់ប្រាក់រៀលរបស់កម្ពុជា និងប្រាក់យ៉ន់របស់ចិនក្នុងការទូតទាត់ពាណិជ្ជកម្មប្រទេសទាំងពីរ ។
ប្រាក់រៀលប្រើសម្រាប់ទិញកសិផលពីកសិករ ហើយប្រាក់យ៉ន់ទូទាត់ការបង់ប្រាក់របស់ឈ្មួញចិនមកកម្ពុជា ។ ដំបូងគេការទូតទាត់រូបិយវត្ថុប្រទេសកម្ពុជា និងចិនក្នុងជំនួញនេះ ធ្វើឡើងក្នុងវិស័យ ស្រូវអង្ករ ដោយសារចិនបានទទួលទិញអង្ករកម្ពុជាកើនឡើង គួរឲ្យកត់សម្គាល់ នៅដើមឆ្នាំ២០២០នេះ ។
តំណាងធនាគារជាតិកម្ពុជា និងតំណាងសហព័ន្ធស្រូវអង្ករកម្ពុជាបានជួបពិភាក្សាគ្នាលើការប្រើប្រាស់រូបិយវត្ថុ សម្រាប់ទូទាត់ពាណិជ្ជកម្មកម្ពុជា និងចិន កាលពីពេលថ្មីៗនេះ ។
លោកឧកញ៉ា ចាន់ សុឃាំង អនុប្រធានសហព័ន្ធស្រូវអង្ករកម្ពុជា (ស.អ.ក) បានគាំទ្រលើការចាយវាយប្រាក់រៀល និងប្រាក់យ៉ន់ក្នុងជំនួញប្រទេសទាំងពីរ ។
អនុប្រធានសហព័ន្ធស្រូវអង្ករកម្ពុជាបន្តថា «ការជំរុញការទូទាត់ជាប្រាក់យ៉ន់ ចិនដោយផ្ទាល់នេះ នឹងជួយសម្រួលដល់ដំណើរការ ក៏ដូចជាផ្តល់នូវ ភាពចំណេញ និងងាយស្រួលដល់ពាណិជ្ជករកម្ពុជានិងចិន និងអាចជួយពង្រីក ទីផ្សារអង្ករ កម្ពុជាទៅប្រទេសចិនបន្ថែមទៀតផងដែរ ។ ចំពោះការជំរុញការទូទាត់ជាប្រាក់រៀល គឺជាយន្តការបន្ទាប់សម្រាប់ទូទាត់ការទិញលក់ស្រូវអង្ករក្នុងស្រុក ជាពិសេស ជាមួយកសិករ»។
ខណៈដែលចិនជាដៃគូរពាណិជ្ជកម្មធំជាមួយកម្ពុជានោះ ការប្រើប្រាស់ លុយរៀល កម្ពុជា និងលុយយ៉ន់ចិនក្នុងការទូរទាត់ពាណិជ្ជកម្មនឹងជាការបោះជំហានមួយ ដើម្បីដកខ្លួនជាបណ្តើរៗពីការពឹងផ្អែកខ្លាំងលើលុយដុល្លារ ។ ប៉ុន្តែវានៅតែជាសំនួរនៅឡើយថា តើកម្ពុជានឹងប្រើពេលវេលាយូរប៉ុណ្ណា ដើម្បីរំដោះខ្លួនចេញពីការពឹងផ្អែកខ្លាំងលើលុយដុល្លារ ហើយថា តើអនាគតទៅលុយយ៉នចិននឹងមានឥទ្ឋិពលខ្លាំងយ៉ាងណានៅក្នុងសេដ្ឋកិច្ចកម្ពុជា ៕
ចែករំលែកព័តមាននេះ