រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា រថយន្ត ២៩០ គ្រឿងដែលទិញយកមកពីប្រទេសចិន កាលពេលថ្មីៗនេះមិនបានចំណាយថវិកាជាតិអស់មួយរៀលនោះទេ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា រថយន្ត ២៩០ គ្រឿងដែលទិញយកមកពីប្រទេសចិន កាលពេលថ្មីៗនេះមិនបានចំណាយថវិកាជាតិអស់មួយរៀលនោះទេ ពោល គឺមិនដូចការលើកឡើងរបស់មន្ត្រីប្រឆាំងមួយចំនួនឡើយ ។
ការលើកឡើងរបស់សម្តេចតេជោហ៊ុន បន្ទាប់ពីមតិមួយចំនួនបានលើកឡើងថា រាជរដ្ឋាភិបាលកម្ពុជាបានចំណាយថវិកាជាតិទៅទិញរថយន្តដោយមិនចាំបាច់ ខណៈប្រទេស កំពុងតែរងប៉ះពាល់ដល់សេដ្ឋកិច្ចជាតិ ដោយសារជំងឺកូវីដ១៩ ។
សម្តេចតេជោ បានបញ្ជាក់ថា ក្នុងពិធីចុះពិនិត្យការដ្ឋានសាងសង់អាកាសយានដ្ឋានអន្តរជាតិនៅខេត្តកណ្តាល ដែលសាងសង់ដោយក្រុមហ៊ុនប្រទេសបារាំង នាព្រឹកថ្ងៃទី២២ ខែមិថុនា ឆ្នាំ២០២០យ៉ាងដូច្នេះថា៖«ខ្ញុំសូមបញ្ជាក់ថា ទិញរថយន្តពីប្រទេសចិន២៩០គ្រឿងនេះ ខ្ញុំបានបញ្ជាទិញយូរហើយ ពោល គឺតាំងពីរពេលទឹកជំនន់បានប្រហារភូមិប្រជាជននៅជាប់ព្រំដែនជាមួយប្រទេសឡាវមកម្ល៉េះ ដោយថវិកាទាំងនោះមិនបានយកថវិកាជាតិមួយរៀលទេ សុំបញ្ជាក់ ។ ថវិកាទាំងគឺបានមកខ្ញុំពីការអំពាវនាវដល់សប្បុរសជនគេជួយបន្តិចៗម្នាក់» ៕
ចែករំលែកព័តមាននេះ