រាជធានីភ្នំពេញ ៖ តារាចម្រៀង និងជាពិធីករដែលមានកេរ្តិ៍ឈ្មោះបោះសម្លេងមួយរូបនៅកម្ពុជានិងជារៀមច្បងនៅក្នុងផលិតកម្មថោន លោក ករុណា ពេជ្រ បានធ្វើអោយមហាជនភ្ញាក់ផ្អើលយ៉ាងខ្លាំង បន្ទាប់ពីលោកបានទម្លាយការពិតនៃទ្រព្យសម្បត្តិខ្ទង់លានដុល្លារអាមេរិករបស់លោកដូចសព្វថ្ងៃនេះ។
តារាចម្រៀងរូបនេះត្រួវបានមហាជនគត់សំគាល់ឃើញថា លោកជាតារាមួយរូបដែលមានទ្រព្យសម្បត្តិហូរហៀរ លេងខ្លួនហ៊ឺហារ ផ្ទះវីឡាស្កឹមស្កៃ មានរថយន្តម៉ាកទំនើបដែលខ្លួនកំពុងប្រើប្រាស់ជាប្រចាំ និងមានដីធ្លីជាច្រើនកន្លែងថែមទៀតផង ដែលជាហេតុធ្វើអោយមហាជនឆ្ងល់ថា តើតារាចម្រៀងប្រុសរូបនេះប្រកបមុខអ្វីខ្លះទើបមានទ្រព្យស្តុកយ៉ាងនេះ?
ខណៈមហាជនស្ងើចសរសើរពីរូបសម្រស់ស្រស់សង្ហារ និងជាបុរសសំបូរព្រទ្យ តែមិនដែលមាននរណាម្នាក់បានដឹងថា លោករកចំណូលតាមវិធីណាបានជាធូរធាយ៉ាងនេះនោះ ស្រាប់តែថ្មីៗនេះមហាជន និងអ្នកគាំទ្រតារាប្រុសសង្ហារូបនេះសង្កេតឃើញថា លោក ករុណា ពេជ្រ ហាក់បង្ហាញពីមុខរបរថ្មី ដែលខ្លួនកំពុងតែមានភាពមមាញឹក និងកំពុងរវល់ខ្លាំងទៅលើការប្រកបរបររកស៊ីជា អ្នកលក់អចលនទ្រព្យ។
លោក ករុណា ពេជ្រ ដែលមានសាច់សខ្ចីដូចជាមនុស្សស្រីនោះបានបង្ហោះសារលើបណ្តាញសង្គមហ្វេសប៊ុកថា «និយាយមែន បើគ្មានបង់រំលោះ ខ្ញុំគ្មានបានផ្ទះនៅទេ បទពិសោធន៍របស់ខ្ញុំ។ បងប្អូនមានលទ្ធភាពរំលោះ គួរសាកល្បងរំលោះទៅ កុំខ្លាចការប្រាក់ ព្រោះការប្រាក់តិចជាង លុយចំណេញពេលយើងលក់វិញទេ»។
ជាការពិតណាស់ លោក ករុណា ពេជ្រ តែងតែបង្ហោះ និងឡាយលក់អចលនទ្រព្យផ្សេងៗ នៅតាមបណ្តាញសង្គមហ្វេសប៊ុករបស់លោកជាប្រចាំ ហើយនេះក៏ដោយសារតែលោក ទទួលបានការចំណេញពីការកស៊ីអចលទ្រព្យទាំងនោះ ទើបលោកអាចមានលទ្ធភាព ទិញផ្ទះ មានដី និងឡានម៉ាកទំនើបជិះបែបនេះ។
គួរបញ្ជាក់ផងដែរថា លោកករុណា ពេជ្រ បានបាត់មុខពីសិល្បៈមួយរយៈពេលជិត២ឆ្នាំហើយ និងមិនមានបទចម្រៀងថ្មីរបស់លោកនៅក្នុងផលិតកម្មថោនទេ ពីព្រោះតែលោកយកពេលវេលាទៅមើលថែជំងឺឪពុក ដែលឈឺជំងឺលើសឈាម ហើយដាច់សរសៃឈាមក្នុងខួរក្បាល ។
ចុះប្រិយមិត្តយល់យ៉ាងណាដែរ ដែលអាយដលលោកអ្នកលើកទឹកចិត្តឲ្យបង់រំលោះជាមួយនឹងផ្ទះ ក៏ដូចជាអចលទ្រព្យផ្សេងៗនោះ ?
ចែករំលែកព័តមាននេះ