ខេត្តកំពត ៖ នគរបាល និងមន្ត្រីគយនៅច្រកទ្វារព្រំដែនអន្តរជាតិព្រែកចាក កំពុងជំរិតទារប្រាក់ទ្វេដងពីប្រជាពលរដ្ឋអ្នកដឹកទំនិញតាមម៉ូតូ តាមរ៉ឺម៉ក និងរថយន្តដឹកជញ្ជូនពីប្រទេសវៀតណាម ហើយបានដឹកឆ្លងតាមច្រកទ្វារនេះ ស្របពេលនឹងមានការបិទច្រកព្រំដែនមិនឱ្យមានមនុស្សឆ្លងកាត់ពីប្រទេសមួយទៅប្រទេសមួយ។
ពាក់ព័ន្ធនឹងពលរដ្ឋជាអ្នកមានរបរដឹកអីវ៉ាន់មកពីប្រទេសវៀតណាម ហើយមន្ត្រីគយ និងកងនគរបាលត្រួតពិនិត្យច្រកទ្វារ ទារលុយទ្វេដងនេះ បើតាមពលរដ្ឋម្នាក់ឈ្មោះ អ៊ុក ឡេះ ភេទប្រុស អាយុ31ឆ្នាំ រស់នៅភូមិស្វាយផ្អែម ឃុំបឹងសាលាខាងត្បូង ស្រុកកំពង់ត្រាច បាននិយាយប្រាប់ឱ្យដឹងថា ចាប់តាំងពីបិទព្រំដែន ដោយសារតែផ្ទុះរឿងជំងឺកូវីដ១៩នោះ គ្រាន់តែចូលទៅដឹកអីវ៉ាន់រ៉ឺម៉ក់ទទេសោះ នគរបាលអង្គុយផ្លូវបិទ បើពីខាងជើងបានយកលុយ5ពាន់រៀល។ ហើយចូលទៅដឹកអីវ៉ាន់បានត្រឹមតែបង្គោលលេខ313 ទេ គឺខាងវៀតណាម គេដឹកមកឱ្យពលរដ្ឋខ្មែរតែត្រឹមហ្នឹង។
ប្រជាពលរដ្ឋរូបនេះនិយាយថា ពេលដឹកអីវ៉ាន់ត្រឡប់ចូលមកវិញ នគរបាលត្រួតពិនិត្យច្រកទ្វារបានយកលុយចំនួន5ម៉ឺនរៀលក្នុងរ៉ឺម៉ក់មួយគ្រឿង។ អ្នកដឹកទំនិញរូបនេះនិយាយថា ពីមិនទាន់បិទព្រំដែនរ៉ឺម៉ក់1គ្រឿងគាត់យកតែ2ម៉ឺនរៀលប៉ុណ្ណោះ។
អ្នកដឹកទំនិញនិយាយបន្តថា បើមិនឱ្យលុយគេទេ គឺគេមិនអនុញ្ញាតឱ្យដឹកចេញទេ ព្រោះគេបិទព្រំដែនផ្ទុះជំងឺកូវីដ១០ ។ បន្ទាប់ពីបង់លុយនគរបាលហើយ មន្ត្រីជំនាញសុខាភិបាលបានយកលុយ3ពាន់រៀល លើការបាញ់សម្លាប់មេរោគកង់ម៉ូតូ ឬកង់ឡានបន្ទាប់មកបង់ឱ្យគយ10ម៉ឺនរៀល លុះបន្តមកទៀតបង់លុយឱ្យមន្ត្រីសាលាខេត្តកំពត5ពាន់រៀលទៀត ។ ចំណែកគយចល័តត្រឹមតែ1ម៉ឺន5ពាន់រៀលតែប៉ុណ្ណោះ និងបង់ឱ្យទាហានការពារព្រំដែនគោក និងកងនគរបាលការពារដែនគោគ។
អ្នដឹកទំនិញម្នាក់ទៀតសុំមិនបញ្ចេញឈ្មោះនៅភូមិកោះស្នូក ឃុំបឹងសាលាខាងត្បូង បាននិយាយថា ខ្លួនមានរបរដឹកទំនិញតាមរ៉ឺម៉ក់នេះជាយូរឆ្នាំហើយ ប៉ុន្តែម្ដងនេះទាំងនគរបាលទាំងមន្ត្រីត្រូវបានទាលុយទ្វេដង បើពេលយប់វិញមិនឃើញគយអង្គុយចាំយកលុយទេ ឃើញចៃគយទាលុយរ៉ឺម៉ក់ដឹកទំនិញ15ម៉ឺនរៀល ដោយគេមិនដឹងថា អ្នកយកលុយនោះគយឱ្យយក ឬក៏ចៃគយចាំយកដាក់ហោប៉ាវខ្លួនក៏មិនដឹង ប៉ុន្តែមានគេខ្សិបថា គយច្រកទ្វារបង្កើត «ចៃគយ» ចាំប្រមូលលុយឱ្យខ្លួន។
បើយោងតាមប្រភពមួយបានឱ្យដឹងថា រថយន្តធំៗដឹកទំនិញសុទ្ធតែត្រូវបានបង់ឱ្យគយតែបើត្រឹមតែ20ម៉ឺនរៀល ដែលចៃគយអ្នកប្រមូលទុកចែកគ្នាតែប៉ុណ្ណោះ។
មន្ត្រីគយសុទ្ធតែត្រូវបាននិយាយថា ដឹកទំនិញធំៗតាមរថយន្តគេបានបង់ចូលថវិការដ្ឋអស់ហើយ។ ចំណែកឯនគរបាលត្រួតពិនិត្យច្រកទ្វារព្រំដែនអន្តរជាតិព្រែកចាក សុទ្ធតែបាននិយាយថា មិនឱ្យអ្នកកាសែតឆ្លងកាត់ទេ តែត្រង់ទំនិញដឹកចេញបានទាំងថ្ងៃទាំងយប់។ ពិតណាស់កន្លងមក អ្នកកាសែតគ្រាន់តែចូលក្នុងបរិវេណផ្លូវមនុស្សដើរឆ្លងកាត់ព្រំដែននោះ ក៏មិនអនុញ្ញតឱ្យយចូលដែរ ព្រោះខ្លាចអ្នកកាសែតឃើញមន្ត្រីទីនោះ ទារលុយគេដាក់ហោប៉ាវ ។ តែបើក្រៅពីអ្នកកាសែត សូមចេញ-ចូលម៉ាសេរី៕
ចែករំលែកព័តមាននេះ