ប្រទេសអង់គ្លេស ៖ ក្រុមកាំភ្លើងធំ Arsenal បានរបូតបាត់ ៣ពិន្ទុនៅចុងម៉ោងក្នុងការប្រកួតសប្តាហ៍ទី៣០ ដោយក្រុមក្បែរតំបន់ដែលត្រូវកាត់ចោល Brighton។ ការប្រកួតដែលបានធ្វើឡើងក្នុងកីឡដ្ឋានគ្មានអ្នកទស្សនា Falmer…
ប្រទេសអង់គ្លេស ៖ ក្រុមកាំភ្លើងធំ Arsenal បានរបូតបាត់ ៣ពិន្ទុនៅចុងម៉ោងក្នុងការប្រកួតសប្តាហ៍ទី៣០ ដោយក្រុមក្បែរតំបន់ដែលត្រូវកាត់ចោល Brighton។
ការប្រកួតដែលបានធ្វើឡើងក្នុងកីឡដ្ឋានគ្មានអ្នកទស្សនា Falmer ក្រុមភ្ញៀវ Arsenal បានបើកការនាំមុខមុននៅនាទី៦៨ ដោយខ្សែបម្រើប្រយុទ្ធ Nicolas Pépé ហើយលទ្ធផល ១-០ បានរក្សារហូតដល់ចប់វគ្គទីមួយ។ ឈានចូលវគ្គទីពីរ ក្រុមម្ចាស់ផ្ទះបានតាមស្មើមកវិញ ពោលគឺនៅនាទី៧៥ ដោយខ្សែការពារ Lewis Dunk មុនពេលខ្សែប្រយុទ្ធ Neal Maupay បន្ថែមមួយគ្រាប់ទៀត ដែលជាគ្រាប់ជ័យជម្នះនៅនាទី ៩០+៥ ។ ចប់ការប្រកួត Brighton ២-១ Arsenal ។
បរាជ័យនេះ បានធ្វើឱ្យក្រុមរបស់លោក Mikel Arteta បន្ថែមគម្លាតពីក្រុមប្រជែងកៅអីពានរង្វាន់ Europa League រដូវកាលក្រោយ ដោយបច្ចុប្បន្នពួកគេកំពុងស្ថិតនៅចំណាត់ថ្នាក់លេខ១០ មាន៤០ពិន្ទុតាមពីក្រោយក្រុមលេខ៥ Manchester United ចំនួន ៦ពិន្ទុ។
ក្នុងការប្រកួតកាលពីយប់មិញ មានការប៉ះទង្គិចគ្នាជាច្រើន ពោលនៅបញ្ចប់ការប្រកួតរវាងកីឡាករ Arsenal និងកីឡាករ Neal Maupay របស់ក្រុម Brighton បន្ទាប់ពីខ្សែប្រយុទ្ធបារាំងរូបនេះ បានធ្វើឱ្យអ្នកចាំទី Bernd Leno របួសជង្គង់ធ្ងន់ធ្ងរនៅក្នុងការប្រកួត ដែលត្រូវសែងចេញពីទីលាននៅនាទី ៤០ ក្នុងវគ្គទីមួយ៕
ចែករំលែកព័តមាននេះ