រាជធានីភ្នំពេញ ៖ បន្ទាប់ពីស្ថានភាពជំងឺកូវីដ ១៩ នៅក្នុងប្រទេសកម្ពុជា មានសភាពធូរ ស្រាលឡើងវិញ ភ្ញៀវទេសចរក្នុងស្រុកបានសម្រុកចេញទៅកម្សាន្តនៅតំបន់រមណីយដ្ឋាន នានាក្នុងប្រទេសកាន់តែច្រើន ក្នុងនោះគេមើលឃើញថា…
រាជធានីភ្នំពេញ ៖ បន្ទាប់ពីស្ថានភាពជំងឺកូវីដ ១៩ នៅក្នុងប្រទេសកម្ពុជា មានសភាពធូរ ស្រាលឡើងវិញ ភ្ញៀវទេសចរក្នុងស្រុកបានសម្រុកចេញទៅកម្សាន្តនៅតំបន់រមណីយដ្ឋាន នានាក្នុងប្រទេសកាន់តែច្រើន ក្នុងនោះគេមើលឃើញថា តំបន់ទេសចរណ៍ នៅខេត្តមណ្ឌ លគិរីក៏បានទាក់ទាញភ្ញៀវទេសចរពីរាជធានីភ្នំពេញ និងតាមខេត្តនានាច្រើនផងដែរ ក៏ប៉ុន្តែដោយសារកំណើនផ្ទះសំណាក់ និងសណ្ឋាគារកាន់តែច្រើនឃើញថា ភ្ញៀវមានភាព ងាយស្រួលក្នុងការរកបន្ទប់ស្នាក់នៅ ។
បើតាមលោក រាជ សំណាង ម្ចាស់ផ្ទះសំណាក់ ម៉ារី សំណាង នៅក្នុងខេត្តមណ្ឌល គិរី បានឱ្យដឹងថា ចាប់តាំងពីកូវីដ ១៩ រាងធូរស្រាលបន្តិចឡើងវិញនោះ ឃើញថា ភ្ញៀវ ទេសចរក្នុងស្រុកបានសម្រុកមកលេងមណ្ឌលគិរីឡើងវិញមែន ដែលធ្វើឱ្យអាជីវកម្មបម្រើ ក្នុងវិស័យទេសចរណ៍ក្នុងខេត្តនេះ បានចាប់ផ្ដើមដំណើរការឡើងវិញ រហូតដល់អាជីវករ ខ្លះសប្បាយរីករាយ និងមានក្ដីរំពឹងឡើងវិញបណ្ដើរៗហើយ ។
លោកបន្តថា កាលពីពេលកម្ពុជាជួបប្រទះនឹងជំងឺកូវីដ ១៩ ពេញបន្ទុក អាជីវកម្ម បម្រើក្នុងវិស័យទេសចរណ៍ក្នុងខេត្តមណ្ឌលគិរីមានកន្លែងខ្លះបិទដោយខ្លួនឯង ពោលគឺ គ្មានភ្ញៀវមកស្នាក់ទាល់តែសោះ ដែលធ្វើឱ្យម្ចាស់ផ្ទះសំណាក់ សណ្ឋាគារ មួយចំនួន សម្រេចផ្អាកការងារបុគ្គលិក ហើយបុគ្គលិកក៏ទៅធ្វើការងារអ្វីផ្សេងវិញ តែនៅពេលនេះ បុគ្គលិកទាំងនោះក៏ត្រូវបានហៅត្រលប់មកធ្វើការងារវិញ ព្រោះមានភ្ញៀវមកលេងកាន់តែ ច្រើន ជាក់ស្ដែងនៅចុងសប្ដាហ៍នេះ ភ្ញៀវមកពីខេត្តផ្សេងៗ និងភ្នំពេញជាដើម បានសម្រុក លេងច្រើនជាងសប្ដាហ៍មុន ព្រោះដោយសារតែកាលពីថ្ងៃទី ១៨ខែមិថុនានេះជាថ្ងៃបុណ្យ ឈប់សម្រាក ដូច្នេះពួកគេមកស្នាក់នៅ និងបន្តដល់ថ្ងៃអាទិត្យទើបត្រលប់ទៅវិញ ។
លោកបន្ថែមទៀតថា ទោះបីជាស្ថានភាពកូវីដ ១៩ បានធូរស្រាលក្ដី ក៏ប៉ុន្តែការ អនុវត្ត ន៍ ទៅតាមវិធានការរបស់ក្រសួងសុខាភិបាលក៏នៅតែបន្តយ៉ាងម៉ឺងម៉ាត់នៅគ្រប់
អាជីវកម្មបម្រើទេសចរ ដើម្បីចូលរួមទប់ស្កាត់ការឆ្លងជំងឺនេះបន្តទៀត ។
លោក ងិន សុវិមាន ប្រធានមន្ទីរទេសចរណ៍ខេត្តមណ្ឌលគិរី បានឱ្យដឹងផងដែរថា ជាការពិតណាស់ ភ្ញៀវទេសចរហាក់សម្រុកទៅលេងមណ្ឌលគិរីច្រើននៅរយៈប៉ុន្មានថ្ងៃចុង ក្រោយនេះ ពោល គឺតាំងពីចុងខែឧសភារហូតមកដល់បច្ចុប្បន្ននេះដែលធ្វើឱ្យការបម្រើ សេវាទេសចរណ៍ ទៅភ្ញៀវទេសចរមិនទាន់ឆ្លើយតបនឹងគ្នានៅឡើយជាពិសេសក្នុងវិស័យ ភោជនីយដ្ឋាន ព្រោះភោជនីយដ្ឋានខ្លះបានបិទ និងផ្អាកសកម្មភាពកាលពីកូវីដ ១៩ រាល ដាលនៅកម្ពុជា ។
លោកបន្តថា ខាងមន្ទីរមិនទាន់បានបូកសរុបនៅឡើយថា រយៈពេលកន្លងមកនេះ មានភ្ញៀវបរទេសប៉ុន្មាន និងភ្ញៀវក្នុងស្រុកប៉ុន្មានបានមកដល់ខេត្តមណ្ឌលគិរី ក៏ប៉ុន្តែគ្រាន់ តែដឹងថា ភ្ញៀវទេសចរមកលេងមណ្ឌលគិរីនៅពេលនេះ មានចំនួនច្រើនជាងកាលមុន ពេលកូវីដ ១៩ ផ្ទុះឡើង ។ លោកបន្តទៀតថា ដើម្បីត្រៀមទទួលភ្ញៀវមកកម្សាន្តនៅ មណ្ឌលគិរីឡើង ក៏ដូចជា ដើម្បីទប់ស្កាត់ការឆ្លងជំងឺកូវីដ ១៩ មន្ទីរទេសចរណ៍ខេត្ត មណ្ឌលគិរី បានចុះណែនាំដល់ប្រតិបត្តិករទេសចរពីវិធានការរបស់ក្រសួងសុខាភិបាល ដូចជារក្សាអនាម័យជានិច្ច មានវាស់កំដៅភ្ញៀវ មានអាល់កុលសម្រាប់លាងដៃ និងការ រក្សាគម្លាតសង្គមសម្រាប់ភោជនីយដ្ឋានផងដែរ ។
លោកបន្ថែមថា ដោយសារតែភ្ញៀវទេសចរសម្រុកមកច្រើន ការខ្វះខាតចៀស មិនផុតនោះទេ តែយ៉ាងណាអាជ្ញាធរ នឹងជំរុញវិស័យឯកជនធ្វើយ៉ាងណាទទួលភ្ញៀវទេស ចរមកលេងឱ្យទទួលបានភាពកក់ក្ដៅនិងចង់មកលេងបន្តទៀតនៅពេលអនាគត ។
គួរបញ្ជាក់ថា ក្រុមហ៊ុនទេសចរណ៍ក្នុងស្រុកក៏បាននិងកំពុងជំរុញ និងអំពាវនាវដល់ ទេសចរក្នុងស្រុកឱ្យធ្វើដំណើរកម្សាន្តតាមរមណីយដ្ឋាននានាឡើងវិញ បន្ទាប់ពីស្ថានភាព កូវីដ ១៩ មានភាពធូរស្រាលដើម្បីឱ្យអ្នកបម្រើវិស័យទេសចរណ៍ទទួលបានចំណូលខ្លះ ទប់ទល់នឹងការចំណាយ របស់ខ្លួនប្រចាំថ្ងៃក៏ដូចជាចិញ្ចឹមបុគ្គលិកអ្នកបម្រើសេវាកម្ម ទេសចរណ៍ជាដើម ៕
ចែករំលែកព័តមាននេះ