តាមប្រភពព័ត៌មាន CNN បានឱ្យដឹងថា ក្រសួងសុខាភិបាលប្រេស៊ីល បានរាយការណ៍ពីករណីឆ្លងថ្មីនៃជម្ងឺកូវីដ១៩ ចំនួន ៥៤,៧៧១ករណី កាលពីថ្ងៃសុក្រ ដែលជាចំនួនកើនឡើងជារៀងរាល់ថ្ងៃ ដែលបានធ្វើឱ្យចំនួនករណីសរុបទូទាំងប្រទេសកើនដល់…
តាមប្រភពព័ត៌មាន CNN បានឱ្យដឹងថា ក្រសួងសុខាភិបាលប្រេស៊ីល បានរាយការណ៍ពីករណីឆ្លងថ្មីនៃជម្ងឺកូវីដ១៩ ចំនួន ៥៤,៧៧១ករណី កាលពីថ្ងៃសុក្រ ដែលជាចំនួនកើនឡើងជារៀងរាល់ថ្ងៃ ដែលបានធ្វើឱ្យចំនួនករណីសរុបទូទាំងប្រទេសកើនដល់ ១,០៣២,៩១៣ករណី ។
ករណីដែលបានរាយការណ៍ថ្មីៗនេះ បានធ្វើឱ្យប្រេស៊ីលក្លាយជាប្រទេសទី២ នៅលើពិភពលោក ដែលបានកត់ត្រានូវករណីឆ្លងកូវីដជាងមួយលានករណី បន្ទាប់ពីសហរដ្ឋអាមេរិកដែលបានឡើងដល់កម្រិតនៅនៅកាលពីថ្ងៃទី២៨ ខែមេសា។
ប្រទេសប្រេស៊ីលក៏បានរាយការណ៍ផងដែរនូវការស្លាប់ថ្មីចំនួន ១,២០៦នាក់ ដោយសារកូវីដ ដែលធ្វើឱ្យប្រទេសនេះមានចំនួននាក់ស្លាប់សរុបដល់ ៤៨,៩៥៤នាក់។
ចំនួនអ្នកស្លាប់ដោយសារកូវីដនៅប្រេស៊ីល មានចំនួនច្រើនជាងនៅចក្រភពអង់គ្លេសត្រឹមតែបន្តិចប៉ុណ្ណោះ។ ក្រសួងសុខាភិបាលនិងថែទាំសង្គមរបស់អង់គ្លេស បានរាយការណ៍ថា មានអ្នកស្លាប់ដោយវីរុសចំនួន ៤២,៤៦១នាក់៕
ចែករំលែកព័តមាននេះ