ថ្ងៃទី២០ ខែមិថុនា នេះ គឺជាខួបលើកទី៤៣ឆ្នាំ ថ្ងៃដែលសម្តេចនាយករដ្ឋមន្ត្រីចាកចេញពីប្រទេសកម្ពុជា ចូលទៅប្រទេសវៀតណាម ដើម្បីស្វែងរកការគាំទ្រពីកម្លាំងបរទេស និងអ្នកស្នេហាជាតិផ្សេងៗទៀត មករំដោះប្រទេសជាតិពីរបបប៉ុលពត ។…
ថ្ងៃទី២០ ខែមិថុនា នេះ គឺជាខួបលើកទី៤៣ឆ្នាំ ថ្ងៃដែលសម្តេចនាយករដ្ឋមន្ត្រីចាកចេញពីប្រទេសកម្ពុជា ចូលទៅប្រទេសវៀតណាម ដើម្បីស្វែងរកការគាំទ្រពីកម្លាំងបរទេស និងអ្នកស្នេហាជាតិផ្សេងៗទៀត មករំដោះប្រទេសជាតិពីរបបប៉ុលពត ។
នៅទីបំផុតកម្លាំងស្នេហាជាតិដែលមានការគាំទ្រពីប្រទេសវៀតណាមផងនោះបានវាយរំលំរបបប៉ុលពតនៅថ្ងៃទី៧ ខែមករា ឆ្នាំ១៩៧៩ នាំមកនូវជីវិតទី២ ជូនពលរដ្ឋកម្ពុជា ។
នៅក្នុងឱកាសខួប៤៣ឆ្នាំ ថ្ងៃចេញតស៊ូនេះសម្តេចតេជោ ហ៊ុន សែន បានលើកឡើងថា «ខ្ញុំសម្រេចចិត្តដោយការឈឺចាប់យកជីវិតធ្វើដើមទុន ដើម្បីតស៊ូរំដោះប្រជាជនកម្ពុជាចេញពីរបបប្រល័យពូជសាសន៍ ប៉ុល ពត ។ ទោះបីពេលនេះខ្លួនខ្ញុំ និងប្រជាជនកម្ពុជាកំពុងទទួលបាននូវសេចក្តីសុខ តែខ្ញុំមិនដែលភ្លេចនូវទឹកភ្នែករាប់ម៉ឺនរាប់សែនដំណក់ នៅពេលដែលខ្ញុំឈានជើងចេញពីមាតុភូមិចោលប្រជាជនកម្ពុជាដែលកំពុងរងគ្រោះ ពិសេសចាកចេញចោលភរិយាដ៏កំសត់ដែលកំពុងមានផ្ទៃពោះ »។
តាមទំព័រហ្វេសប៊ុកផ្ទាល់ខ្លួន សម្តេច នាយករដ្ឋមន្ត្រីបានលើកឡើងបន្តថា «ខ្ញុំអត់មានជម្រើសឲ្យល្អជាងនេះទេ ព្រោះយើងមិនអាចសុំការអាណិតពីពួក ប៉ុល ពត បានឡើយ ។ ជម្រើសប្រកបដោយគ្រោះថ្នាក់ និងទឹកភ្នែកនោះហើយ ដែលនាំមកនូវសេចក្តីសុខ និងការរីកចម្រើនរហូតសព្វថ្ងៃនេះ »។
ក្នុងឱកាសខួប៤៣ឆ្នាំ នៃការចេញរំដោះប្រទេសជាតិរបស់សម្តេចតេជោ ថ្ងៃនេះមានរៀបចំពិធីរំលឹកពីពលីកម្មរបស់សម្តេច នៅឯភូមិកោះថ្ម ឃុំទន្លូង ស្រុកមេមត់ ខេត្តត្បូងឃ្មុំផងដែរ ។ ច្រកកោះថ្ម ដែលសម្តេចបានឈានជើងចេញពីប្រទេសកម្ពុជាចូលប្រទេសវៀតណាមទាំងទឹកភ្នែក ពេលភរិយាពពោះកូនក្នុងផ្ទៃ កាលពី៤៣ឆ្នាំមុននោះ ៕
ចែករំលែកព័តមាននេះ