ខេត្តកណ្តាល ៖ ឪពុកបង្កើតបានចាប់រំលោភកូនស្រីខ្លួនឯងដែលមានអាយុ៨ឆ្នាំ បានសម្រេចជាច្រើនលើក ទើបបែកធ្លាយត្រូវបានសមត្ថកិច្ចចាប់វាយខ្នោះ ក្រោយទទួលពាក្យបណ្តឹងពីជីដូនកុមារីរងគ្រោះ លោកអធិការនគរបាលក្រុងតាខ្មៅបានដឹកនាំកម្លាំងផ្ទាល់ ដើម្បីទៅចាប់ជនសង្ស័យតែម្តង ។ ហេតុការណ៍នេះ បានកើតឡើងនៅថ្ងៃទី១៨ ខែមិថុនា ឆ្នាំ២០២០ វេលាម៉ោង១២និង០០នាទី នៅចំណុចផ្ទះជនសង្ស័យ ក្រុងតាខ្មៅ ខេត្តកណ្តាល ។
ក្មេងស្រីរងគ្រោះមានអាយុ៨ឆ្នាំ ជនជាតិខ្មែរ មានទីលំនៅ ក្រុងតាខ្មៅ ខេត្តកណ្តាល មុខរបរជាសិស្ស ។ ចំណែកជនសង្ស័យឈ្មោះ ម៉ាន ម៉ូវ អាយុ២៥ឆ្នាំ ជនជាតិខ្មែរ មានទីលំនៅក្រុងតាខ្មៅ ខេត្តកណ្តាល មុខរបរមិនពិតប្រាកដ ។
នគរបាលក្រុងតាខ្មៅបានអោយដឹងថា កាលពីវេលាកើតហេតុខាងលើជនរងគ្រោះ និងជនសង្ស័យបាននៅផ្ទះជាមួយគ្នា និងហូបបាយជុំគ្នារួច ជនសង្ស័យក៏បានផឹកប៊ីយ៉ែ ហើយមានសភាពស្រវឹងក៏នឹកចង់រួមភេទ ដោយខ្លួនជាបុរសពោះម៉ាយ ដោយសារប្រពន្ធរត់ចោលជាយូរឆ្នាំមកហើយ ភ្លាមនោះបានបង្ខំកូនស្រីបង្កើត របស់ខ្លួនរួមភេទរហូតបានសម្រេច ។
រហូតមកដល់ម៉ោងប្រហែល ប្រាំបីយប់ ពេលជីដូនជនរងគ្រោះត្រឡប់មកពីធ្វើការវិញ ជនរងគ្រោះបាននិយាយប្រាប់ថា «ប៉ាបានចាប់ខ្ញុំរំលោភ» ពេលលឺដូច្នេះ ជីដូនខឹង ហើយបានរត់មកដាក់ពាក្យប្តឹងនៅប៉ុស្តិ៍នគរបាលដើមមៀន ចុះជួយអន្តរាគមន៍ឃាត់ខ្លួនជនសង្ស័យ រួចបញ្ជូនមកកាន់អធិការដ្ឋាននគបាលក្រុងតាខ្មៅ ដើម្បីធ្វើការសាកសួរ និងចាត់ការបន្តតាមនីតិវិធី ។
នៅចំពោះសមត្ថកិច្ចជនសង្ស័យបានឆ្លើយសារភាពថា ខ្លួនពិតជាបានរំលោភកូនស្រីបង្កើតរបស់ខ្លួនពិតប្រាកដមែន ហើយធ្លាប់រំលោភបានចំនួនបីដងមកហើយ និងធ្លាប់បានប្រើប្រាស់គ្រឿងញៀនអស់រយ:ពេល១ឆ្នាំមកហើយ ៕
ចែករំលែកព័តមាននេះ