ខេត្តកណ្តាល ៖ យ៉ាងហោចវីដេអូឃ្លីបចំនួន៣ ត្រូវបានបង្ហោះចែកចាយតាមរយៈគណនីហ្វេសប៊ុកមួយឈ្មោះ Kalito Kalito បានបង្ហាញអោយឃើញជាក់ស្តែង រថយន្ដមួយគ្រឿងម៉ាក Ford Ranger…
ខេត្តកណ្តាល ៖ យ៉ាងហោចវីដេអូឃ្លីបចំនួន៣ ត្រូវបានបង្ហោះចែកចាយតាមរយៈគណនីហ្វេសប៊ុកមួយឈ្មោះ Kalito Kalito បានបង្ហាញអោយឃើញជាក់ស្តែង រថយន្ដមួយគ្រឿងម៉ាក Ford Ranger បើកមិនប្រុងប្រយ័ត្ន ឆ្លងកាត់ផ្លូវរថភ្លើងមិនផុត ត្រូវរថភ្លើងបុកចំផ្នែកខាងក្រោយពេញទំហឹង អូសរាប់សិបម៉ែត្រ ប៉ុន្ដែសំណាងល្អ អ្នកជិះនៅក្នុងរថយន្តមិនមានរងគ្រោះថ្នាក់ទេ ។
ហេតុការណ៍គួរឲ្យដ៏រន្ធត់រថភ្លើងបុករថយន្ដឆ្លងផ្លូវនេះ កើតឡើងកាលពីម៉ោង៣រសៀល ថ្ងៃទី១៩ មិថុនា ២០២០នេះ នៅក្នុងស្រុកអង្គស្នួល ខេត្តកណ្តាល ។
តាមរយៈវីដេអូ នេះបានបង្ហាញថា រថយន្ដនៅខាងមុខបានឈប់ ដើម្បីឲ្យរថភ្លើងមួយខ្សែឆ្លងកាត់ ស្រាប់តែរថយន្ដមួយគ្រឿង ម៉ាក Ford Ranger ពណ៌ទឹកប្រាក់ ពាក់ផ្លាកលេខភ្នំពេញ 2AC-2252 មិនបានឈប់នោះទេ ដោយព្យាយាមបើកទៅមុខឲ្យផុត ដើម្បីបានទៅមុនរថភ្លើង ប៉ុន្ដែមិនបានសម្រេចក៏ត្រូវរថភ្លើង បើកចំផ្នែកខាងក្រោយពេញទំហឹងអូសរាប់សិបម៉ែត្រ រថយន្ដបានធ្លាក់ទៅម្ខាងទៀតនៃកំណាត់ផ្លូវដែក ដោយរងការខូចខាតពេញទំហឹងផ្នែកខាងក្រោយ ប៉ុន្ដែសំណាងល្អខ្លាំងណាស់ ដោយក្នុងរថយន្ដនោះ មានស្ត្រី និងកូនក្មេង មិនបណ្ដាលឲ្យនរណាម្នាក់ រងគ្រោះថ្នាក់ នោះទេ ។
សូមទស្សនាវីដេអូឃ្លីប មានដូចខាងក្រោម ៖
ចែករំលែកព័តមាននេះ