បើមានឱកាស Ronaldo ថានឹងចុះហត្ថលេខាយកកីឡាករម្នាក់នេះឱ្យទាល់តែបាន
3 ឆ្នាំ មុន
អន្តរជាតិ ៖ វីរៈបុរសបាល់ទាត់ប្រេស៊ីល Ronaldo Nazario បានបង្ហើបថា បើលោកមានឱកាសក្នុងការនាំយកកីឡាករម្នាក់សម្រាប់ក្រុម Real Madrid លោកនឹងចុះហត្ថលេខាលើខ្សែប្រយុទ្ធបារាំង…
អន្តរជាតិ ៖ វីរៈបុរសបាល់ទាត់ប្រេស៊ីល Ronaldo Nazario បានបង្ហើបថា បើលោកមានឱកាសក្នុងការនាំយកកីឡាករម្នាក់សម្រាប់ក្រុម Real Madrid លោកនឹងចុះហត្ថលេខាលើខ្សែប្រយុទ្ធបារាំង Kylian Mbappe ឱ្យទាល់តែបាន។
ក្រុម Real Madrid បច្ចុប្បន្នកំពុងសម្លឹងមើលកីឡាករឆ្នើមលំដាប់ពិភពលោកជាច្រើន ដើម្បីនាំយកមកកាន់ទឹកដី Santiago Bernabéu នៅទីផ្សារដោះដូរកីឡាកររដូវក្តៅខាងមុខនេះ។ ដើម្បីធ្វើការប្រកួតប្រជែងពានរង្វាន់សម្រាប់រដូវកាលក្រោយ។ ក្នុងនោះខ្សែប្រយុទ្ធ Kylian Mbappe របស់ក្លិប PSG ក៏ស្ថិតក្នុងបញ្ជីកីឡាករទិញចូល ក្រោមការដឹកនាំរបស់លោក Zinedine Zidane ផងដែរ ។
នៅពេលត្រូវសួរ ដោយអ្នកសារព័ត៌មានពីកីឡាកររូបណា ដែលលោកនឹងចុះហត្ថលេខាសម្រាប់ក្រុម Real Madrid លោក Ronaldo Nazario ដែលបច្ចុប្បន្នមានវ័យ ៤៣ឆ្នាំបានឆ្លើយថា“ ខ្ញុំនឹងចុះហត្ថលេខានាំយក Mbappe ឱ្យទាល់តែបាន»។
វីរបុរសក្លិប Real Madrid និងប្រេស៊ីលរូបនេះបានបន្តទៀតថា «គេ (Mbappe) បានរំលឹកខ្ញុំ ឱ្យនឹកឃើញពីរូបខ្ញុំ។ ដោយសារល្បឿនរបស់គេ។ របៀបនៃការបញ្ចប់ទី និងពីរបៀបស៊ុតបញ្ចូលទីរបស់គេ។ គេបានរំលឹកខ្ញុំ ពីពេលវេលាជាកីឡាករបាល់ទាត់របស់ខ្ញុំ»៕ (ដកស្រង់ចេញពី Marca)
ចែករំលែកព័តមាននេះ