អ្នកចាត់ការទូទៅក្លិបម្នាក់ចង់ឱ្យ Pogba ធ្វើរឿងមួយពេលការប្រកួតត្រឡប់មកវិញ
ប្រទេសអង់គ្លេស ៖ លោក Ole Gunnar Solskjaer អ្នកចាត់ការទូទៅក្លិប Manchester United បាននិយាយថា…
ប្រទេសអង់គ្លេស ៖ លោក Ole Gunnar Solskjaer អ្នកចាត់ការទូទៅក្លិប Manchester United បាននិយាយថា Paul Pogba ត្រូវតែបង្ហាញភាពជាអ្នកដឹកនាំនៅលើទីលាន ដូចដែលគេបានធ្វើជាមួយក្រុមជម្រើសជាតិបារាំង ដែលឈ្នះពានរង្វាន់ World Cup ក្នុងឆ្នាំ ២០១៨ នៅពេលដែលគេវិលត្រឡប់មកជួយក្រុមបិសាចក្រហម ក្នុងការប្រកួតក្របខណ្ឌ Premier League វិញ។
មុនការប្រកួតតទល់ជាមួយក្រុម Tottenham Hotspur ក្នុងរាត្រីនេះ លោក Solskjaer បានឱ្យដឹងថា «គេគឺជាអ្នកឈ្នះពានរង្វាន់បាល់ទាត់ពិភពលោក ហើយយើងក៏ចង់ឱ្យគេបង្ហាញភាពជាអ្នកដឹកនាំ នៅលើទីលានសម្រាប់ក្រុមនៅពេលឆាប់ៗនេះ» ។
គួររំលឹកថា Pogba ទើបតែជាសះស្បើយ ១០០ភាគរយពីបញ្ហារបួសកជើង ដែលមានរយៈពេលយូររបស់ខ្លួន និងបានធ្វើឱ្យគេឃ្លាតឆ្ងាយពីទីលាន បន្ទាប់ពីបានបង្ហាញខ្លួនត្រឹមតែ៧ប្រកួតប៉ុណ្ណោះសម្រាប់រដូវកាលនេះ។
អ្នកចាត់ការសញ្ជាតិន័រវែស ដដែលបានបន្ថែមថា «ពិតណាស់ Paul មានរដូវកាលដ៏លំបាកនៅឆ្នាំនេះ ជាមួយនឹងការរងរបួសជាច្រើន ប៉ុន្តែខ្ញុំអាចមើលឃើញពីចិត្តគំនិត និងការផ្តោតអារម្មណ៍របស់គេ។ ឥឡូវនេះគេបានត្រៀមខ្លួន ដើម្បីលេងម្តងទៀត និងបង្ហាញពីទម្រង់លេងដ៏អស្ចារ្យរបស់គេ» ៕ (ដកស្រង់ចេញពី Reuters)
ចែករំលែកព័តមាននេះ