ប្រទេសបារាំង ៖ ក្រៅពីថ្នាំច្រើនសិបមុខកំពុងធ្វើការសាកល្បង វ៉ាក់សាំងប្រមាណជា១០០មុខ ក៏កំពុងមានកម្រោងដើម្បីប្រឆាំងវីរុស COVID-19 ។ បណ្ដាអ្នកស្រាវជ្រាវបានដុតដៃដុតជើង ហើយមានការរីកចម្រើនទៅមុខលឿន ក៏ទោះបីគេនៅមិនទាន់រកឃើញថ្នាំឬវ៉ាក់សាំងគួរឲ្យជឿជាក់ដើម្បីផ្លាស់ប្ដូរចរន្តឆ្លងនៃវីរុសនោះក្ដី…
ប្រទេសបារាំង ៖ ក្រៅពីថ្នាំច្រើនសិបមុខកំពុងធ្វើការសាកល្បង វ៉ាក់សាំងប្រមាណជា១០០មុខ ក៏កំពុងមានកម្រោងដើម្បីប្រឆាំងវីរុស COVID-19 ។ បណ្ដាអ្នកស្រាវជ្រាវបានដុតដៃដុតជើង ហើយមានការរីកចម្រើនទៅមុខលឿន ក៏ទោះបីគេនៅមិនទាន់រកឃើញថ្នាំឬវ៉ាក់សាំងគួរឲ្យជឿជាក់ដើម្បីផ្លាស់ប្ដូរចរន្តឆ្លងនៃវីរុសនោះក្ដី ។
បណ្ដាអ្នកស្រាវជ្រាវអង់គ្លេសកំពុងបន្តពិនិត្យប្រសិទ្ធភាពថ្នាំ DEXAMETHASONE ដែលអាចជួយទប់ការស្លាប់របស់អ្ន្កជំងឺឆ្លងវីរុសធ្ងន់ធ្ងរ ដោយថាវាអាចជួយកាត់បន្ថយបាន១ភាគ៣នៃអត្រាស្លាប់របស់បណ្ដាអ្នកជំងឺធ្ងន់ ។ មិនសូវជាថ្លៃហើយងាយស្រួលរកថ្នាំក្នុងគ្រួសារ STEROIDEនោះ មកដល់ដំណាក់កាលនេះជាថ្នាំតែមួយគត់ ដែលហាក់ដូចជាមានប្រសិទ្ធភាព ជួយអ្នកជំងឹឆ្លង COVID-19 ធ្ងន់ ។ តែថ្នាំនោះប្រើតែចំពោះបណ្ដាអ្នកជំងឺធ្ងន់ដល់ថ្នាក់ប្រើជំនួយឧបករណ៍ដកដង្ហើម ។ ក្នុងការសាកល្បងគី្លនិក របស់ក្រុមហ៊ុនអង់ក្លេស RECOVERY ថ្នាំនោះជួយកាត់បន្ថយអត្រាស្លាប់របស់អ្នកជំងឺធ្ងន់បាន១ភាគ៣ ។ រដ្ឋាភិបាលអង់គ្លេ្លសប្រកាសថា ថ្នាំ
នោះនឹងប្រើក្នុងការព្យាបាលបណ្ដាអ្នកជំងឺក្នុងពេលឆាប់ៗ ។
ចំណែកថ្នាំ REMDESIVIR របស់សហរដ្ឋអាមេរិកក្នុងការសាកល្បងមានប្រសិទ្ធភាពមធ្យម ។ ថ្នាំប្រឆាំងវីរុសនោះត្រូវបានអាមេរិកប្រកាសជាផ្លូវការ កាលពីដំណាច់ខែមេសាថាវា ជួយកាត់បន្ថយពេលអ្នកជំងឹធ្ងន់ ឲ្យឆាប់គ្រាន់បើវិញ ប៉ុន្តែសម្រាប់ពេលនេះប្រសិទ្ធភាពរបស់ថ្នាំREMDESIVIR នៅមិនទាន់គួរឲ្យភ្ញាក់ផ្អើលនៅឡើយ ព្រោះវាមិនជួយកាត់បន្ថយរយៈពេលឲ្យអ្នកជំងឹបានគ្រាន់បើឆាប់ គឺកាត់បន្ថ្យបានពី១៥ថ្ងៃមកត្រឹម១១ថ្ងៃប៉ុណ្នោះគិតជាមធ្យម ។ ការប្រើថ្នាំនេះនៅកន្លែងសង្គ្រោះបន្ទាន់ត្រូវបានអនុញ្ញាតនៅសហរដ្ឋអាមេរិក ជប៉ុន ហើយអឹរ៉ុបកំពុង
សិក្សាសំណើដាក់លក់នៅតាមទីផ្សារ ។
ចំណែកថ្នាំគ្រុនចាញ់ HYDROXYCHLOROQUINE ដែលប្រធានាធិបតីអាមេរិកលេបការពារការឆ្លងវីរុស ថ្នាំនោះពុំផ្ដល់ក្ដីសង្ឃឹម ហើយទាំងអង្គការសុខភាពពិភពលោកស្នើឲ្យដកវាចេញពីការបន្តសាកល្បងគ្លីនិក ។ តាំងពីដើមខែមិថុនាមកការសាកល្បងគ្លីនិករបស់ក្រុមហ៊ុនRECOVERY បានសន្និដ្ឋានថា ថ្នាំនេះពុំមានឥទ្ធិពលប្រឆាំងវីរុស COVID-19 ឡើយ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ