ការលេងហ្គេមក៏អាចក្លាយជាការងារដែលនាំចូលប្រាក់ចំណូលរាប់លានដុល្លារដែរ ។ មូលហេតុគឺមកពីការងារជាអ្នកលេងហ្គេមក៏ប្រៀបដូចជាតារា និងកីឡាករផ្សេងៗដែរដែលអនុញ្ញាតឲ្យអ្នកលេងហ្គេមប្រើចំនួនអ្នកគាំទ្ររបស់ខ្លួនដើម្បីទទួលបានកុងត្រាផ្សាយពាណិជ្ជកម្ម និងការឧបត្ថម្ភផ្សេងៗពីក្រុមហ៊ុនធំៗ ។ ខាងក្រោម គឺជាមហាសេដ្ឋីដែលកសាងទ្រព្យសម្បត្តិពីការលេងហ្គេម៖
១. Ninja ឬលោក ថៃឡឺ ប្លេវីនស៍ (Tyler Blevins)
តារាក្នុងពិភពហ្គេមដែលមានទ្រព្យសរុបប្រមាណ ១៧លានដុល្លាររូបនេះមានឈ្មោះលើផលិតផលជាច្រើនដូចជាភេសជ្ជន Red Bull ស្រោមពូករបស់ Wallmart និងព្រមទាំងសម្តែងក្នុងការផ្សាយពាណិជ្ជកម្មធំៗទៀត ។ លោកក៏មានកុងត្រាជាមួយនឹង Adidas និង PSD ដែរ ។ កុងត្រាផ្តាច់មុខរបស់លោកជាមួយ Microsoft បានផ្លាស់ប្តូរពិភពហ្គេម ហើយហ្គេម Fortnite ថែមទាំងចេញអាវាតារបស់ Ninja សម្រាប់ឲ្យអ្នកលេងជ្រើសរើសថែមទៀត ។
២. PewDiePie ឬលោក ហ្វ៊ីលីជ ខ្ជេលបឺក (Felix Kjellberg)
លោកជាតារា YouTube ដែលមានទ្រព្យសម្បត្តិប្រមាណ ១៥លានដុល្លារ ដែលបានកសាងពីការលេងហ្គេមអស់ជាច្រើនឆ្នាំមុននឹងលោកផ្លាស់ប្តូរមកថតវីដេអូកំប្លែងៗវិញ ។ លោកជា YouTuber ដែលបានជួបនឹងបញ្ហាជាច្រើនព្រោះតែរឿងកំប្លែងដែលខ្លួននិយាយ ប៉ុន្តែលោកមានអ្នកគាំទ្រដ៏ស្មោះត្រង់ដែលបន្តនាំយកភាពជោគជ័យឲ្យលោក ។
៣. Preston ឬលោក ផ្រេសស្តុន អាសមិន (Preston Arsement)
លោកជាអ្នកលេងហ្គេមល្បីក្នុងហ្គេម Minecraft ដែលមានទ្រព្យសម្បត្តិសរុបប្រមាណ ១៤លានដុល្លារបើយោងទៅតាម Forbes ។ លោករកចំណូលជាច្រើនពីការបង្កើត Custom Version នៃហ្គេម Minecraft ។
៤. Markiplier ឬលោក ម៉ាក ហ្វីសបាច (Mark Fischbach)
លោកបានប្រមូលទ្រព្យសរុបបានប្រមាណ ១៤លានដុល្លារពីការធ្វើជាតារា YouTube និងលេងហ្គេមរន្ធត់ៗដូចជា Amnesia: The Dark Descent និងថែមទាំងសម្តែងក្នុងភាពយន្តប្រចាំ YouTube ដែលមានចំណងជើងថា A Heist with Markiplier ផងដែរ ៕
ចែករំលែកព័តមាននេះ