ខេត្តបន្ទាយមានជ័យ ៖ បឹងបុរាណមួយកន្លែង ដែលត្រូវបានឈ្មួញជីកដឹកយកដីលក់ បានប្រែក្លាយជាកន្លែងកំសាន្តពេលល្ងាចរបស់បងប្អូនប្រជាពលរដ្ឋ ដោយ១ថ្ងៃមានមនុស្សទៅ លេងកមក្សាន្តចាប់២០០នាក់ រហូតដល់ទៅ៣០០នាក់ឯណោះ ដែលទីតាំងស្ថិតភូមិត្របែក ឃុំបន្ទាយនាង…
ខេត្តបន្ទាយមានជ័យ ៖ បឹងបុរាណមួយកន្លែង ដែលត្រូវបានឈ្មួញជីកដឹកយកដីលក់ បានប្រែក្លាយជាកន្លែងកំសាន្តពេលល្ងាចរបស់បងប្អូនប្រជាពលរដ្ឋ ដោយ១ថ្ងៃមានមនុស្សទៅ លេងកមក្សាន្តចាប់២០០នាក់ រហូតដល់ទៅ៣០០នាក់ឯណោះ ដែលទីតាំងស្ថិតភូមិត្របែក ឃុំបន្ទាយនាង ស្រុកមង្គលបូរី។
បើតាមមេឃុំបន្ទាយនាង បានប្រាប់នៅល្ងាចថ្ងៃទី១៨ ខែមិថុនា ឆ្នាំ២០២០នេះថា បឹងបុរាណដែលត្រូវគេបានស្តារនេះ មានបណ្តោយប្រវែង៣០០ម៉ែត្រ ទទឹងប្រវែង២០០ម៉ែត្រ និងជម្រៅ១២ម៉ែត្រ ដែលត្រូវបានកាយយកដីចាប់ខែកុម្ភៈ ដល់ខែមិថុនា ឆ្នាំ២០២០ ហើយទំហំដែលកាយដីនោះមានផ្ទៃដី៤៣.៣០០ម៉ែត្រការ៉េ។
មេឃុំបានបញ្ជាក់ថា បឹងបុរាណនេះ គឺអាជ្ញាធរភូមិ និងឃុំបន្ទាយនាង បានសម្រេចឱ្យឈ្មួញស្តារ និងកាយយកដីទៅលក់ ហើយឃុំទឹកទុកសម្រាប់តម្រូវការប្រជាពលរដ្ឋនៅពេលដែលខ្វះទឹកប្រើប្រាស់ និងសម្រាប់ស្រោចស្របដំណាំកសិកម្ម និងស្រូវ នៅពេលតម្រូវការចាំបាច់ផងដែរ ។ ហើយមេឃុំនឹងសម្រេចចិត្តធ្វើរបងជុំវិញ តែឈ្មួញនឹងកសាងផ្លូវនិងរបងជុំវិញបឹងចាស់ដែលបានស្តារហើយនេះ។
ក្រោយពេលស្តារបឹងបុរាណហើយ គឺឃើញមានបងប្អូនប្រជាពលរដ្ឋនាំគ្នាទៅលេងកំសាន្តនៅពេលល្ងាច និងចុះលេងក្នុងបឹងដែលស្តារនោះ ហើយក៏អ្នកបើករថយន្ត និងម៉ូតូចុះលេងខាងក្រោម និងមានទាំងល្បែងក្មេងលេងទៀតផងដូចជា លតប៉ុង និងលក់ដូរ ហើយក៏មានប្រជាពលរដ្ឋទៅលេងកំសាន្តជាលក្ខណៈគ្រួសារផងដែរ ដោយក្នុង១ថ្ងៃចាប់ពី២០០ទៅ៣០០នាក់ជារៀងរាល់ថ្ងៃ៕
ចែករំលែកព័តមាននេះ