រាជធានីភ្នំពេញ ៖ បុរសជនជាតិវៀតណាមម្នាក់ កាលពីព្រឹកថ្ងៃទី១៨ ខែមិថុនា ឆ្នាំ២០២០ ត្រូវបានកម្លាំងសមត្តកិច្ចជំនាញនៃមន្ទីប្រឆាំងគ្រឿងញៀនចាប់បញ្ជូនទៅកាន់សាលាដំបូងរាជធានីភ្នំពេញ ពាក់ព័ន្ធករណីបង្ក្រាបការជួញដូរដោយខុសច្បាប់នូវសារធាតុញៀនប្រភេទកេតាមីន រាវ ជាង៣១គីឡូក្រាម…
រាជធានីភ្នំពេញ ៖ បុរសជនជាតិវៀតណាមម្នាក់ កាលពីព្រឹកថ្ងៃទី១៨ ខែមិថុនា ឆ្នាំ២០២០ ត្រូវបានកម្លាំងសមត្តកិច្ចជំនាញនៃមន្ទីប្រឆាំងគ្រឿងញៀនចាប់បញ្ជូនទៅកាន់សាលាដំបូងរាជធានីភ្នំពេញ ពាក់ព័ន្ធករណី
បង្ក្រាបការជួញដូរដោយខុសច្បាប់នូវសារធាតុញៀនប្រភេទកេតាមីន រាវ ជាង៣១គីឡូក្រាម ។
ជនសង្ស័យមានឈ្មោះ NGUYEN NGOC QUI ភេទប្រុស អាយុ៣០ឆ្នាំ មានទីលំនៅប្រទេសវៀតណាម កាន់អត្តសញ្ញាណប័ណ្ណ (វៀតណាម) លេខ 351862299 ។
ទាក់ទិននឹងការបញ្ជូនខ្លួនជនសង្ស័យម្នាក់ខាងលើនេះ លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀនបានឲ្យដឹងថា នៅវេលាម៉ោង២និង៥នាទីថ្ងៃទី១៥ ខែមិថុនា ឆ្នាំ២០២០ កម្លាំងសមត្ថកិច្ចនគរបាលជំនាញការិយាល័យទី១០ នៃមន្ទីរប្រឆាំងបទល្មើសគ្រឿងញៀនរបស់អគ្គស្នងការដ្ឋាននគរបាលជាតិ ដឹកនាំដោយលោកឧត្តមសេនីយ៍ទោ សារី បុត្រសត្យា និងលោកវរសេនីយ៍ឯក យឹម សែនឧត្តមនាយករងមន្ទីរ ក្រោមការសម្របសម្រួលពីលោក គុជ គឹមឡុង ព្រះរាជអាជ្ញារងអមសាលាដំបូងរាជធានីភ្នំពេញ ដែលមានការចង្អុលបង្ហាញពីនាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ ដោយបានបើកកិច្ចប្រតិបត្តិការបង្ក្រាបបទល្មើសគ្រឿងញៀនមួយករណី នៅចំណុចផ្ទះលេខ៥៧E1 ផ្លូវព្រះស៊ីសុវត្ថិ សង្កាត់ចតុមុខ ខណ្ឌដូនពេញ ។
ជាលទ្ធផលបានធ្វើការឃាត់ខ្លួនជនសង្ស័យម្នាក់ និងចាប់យកសារធាតុញៀនសរុបទម្ងន់៣១,៧០៥.០៦ ក្រាម(កេតាមីន រាវ) (Ketamine)ចំនួន៣០០០ដប ស្មើនឹងទម្ងន់៣១,៦ ៥០ក្រាម.២), ថ្នាំញៀន(កេតាមីន(Ketamine)ទម្ងន់៤.៤៨ក្រាម.៣), ថ្នាំញៀនប្រភេទ អ៊ិចស្តាស៊ី (MDMA) ស្មើនឹងទម្ងន់៣៣.២៨ក្រាម.៤), ថ្នាំញៀនប្រភេទ.មេតំហ្វេតាមីន.(ICE) ស្មើនឹងទម្ងន់៤.០៩ក្រាម.៥), ថ្នាំញៀនប្រភេទ. មេតំ ហ្វេតាមីន(គ្រាប់) ទម្ងន់១៣.២១ក្រាម និងចាប់យកសម្ភារៈមានរថយន្ត១គ្រឿង ទូរស័ព្ទដៃ១គ្រឿងផងដែរ ។
ក្រោយឃាត់ខ្លួន ជនសង្ស័យត្រូវបានកម្លាំងសមត្ថកិច្ច កសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ