ខេត្តមណ្ឌលគិរី ៖ សមត្ថកិច្ចបានឃាត់ខ្លួនយុវជនម្នាក់បញ្ជូនទៅចាត់ការតាមផ្លូវច្បាប់ ក្រោយពីនាំក្មេងស្រីម្នាក់អាយុ១៤ឆ្នាំចេញបាត់ពីផ្ទះអស់១ថ្ងៃ១យប់ ។ សមត្ថកិច្ចបានឲ្យដឹងថា កាលយប់ពីថ្ងៃទី១២ ខែមិថុនា ឆ្នាំ២០២០ នគរបាលប៉ុស្តិ៍ស្ពានមានជ័យ…
ខេត្តមណ្ឌលគិរី ៖ សមត្ថកិច្ចបានឃាត់ខ្លួនយុវជនម្នាក់បញ្ជូនទៅចាត់ការតាមផ្លូវច្បាប់ ក្រោយពីនាំក្មេងស្រីម្នាក់អាយុ១៤ឆ្នាំចេញបាត់ពីផ្ទះអស់១ថ្ងៃ១យប់ ។ សមត្ថកិច្ចបានឲ្យដឹងថា កាលយប់ពីថ្ងៃទី១២ ខែមិថុនា ឆ្នាំ២០២០ នគរបាលប៉ុស្តិ៍ស្ពានមានជ័យ បានទទួលពាក្យបណ្តឹងពីអ្នកភូមិមួយអំពីករណីបាត់ខ្លួនកូនស្រីវ័យជំទង់ម្នាក់ តាំងពីវេលាម៉ោងប្រមាណ៨និង៣០នាទីយប់ថ្ងៃទី១១ ខែមិថុនា រកមិនឃើញសោះ ដោយសង្ស័យមានមនុស្សនាំទៅ ។
នៅពេលទទួលបានពាក្យបណ្តឹងនេះ នគរបាលប៉ុស្តិ៍ស្ពានមានជ័យ សហការជាមួយនគរបាលក្រុងសែនមនោរម្យ និងស្នងការដ្ឋាននគរបាលខេត្ត ធ្វើការស្រាវជ្រាវរកអស់រយៈពេលជិត២០ម៉ោង ក៏កំណត់សន្និដ្ឋានថា ក្មេងស្រីត្រូវកម្មករដែលធ្វើការជាមួយឪពុកនាងជាអ្នកនាំទៅ ។
បើតាមសមត្ថកិច្ចថា ក្មេងស្រីដែលបាត់ខ្លួនពីផ្ទះកាលពីថ្ងៃទី១១ ខែមិថុនា តាមបណ្តឹងរបស់ឪពុកម្តាយនោះ បានរកឃើញនិងត្រឡប់មកផ្ទះវិញហើយនៅថ្ងៃទី១៣ មិថុនា ដោយនាងបានរត់តាមប្រុសស្នេហ៍ឈ្មោះ ស្វាង សាវ៉ាត់អាយុ១៩ឆ្នាំ ជាកម្មករ ធ្វើការជាមួយនឹងឪពុកនាង។
ក្រោយរកឃើញកូន ឪពុកម្តាយក្មេងស្រីដោយការកើតទុក្ខមិនសុខចិត្ត បានប្តឹងសមត្ថកិច្ចឲ្យចាត់ការតាមច្បាប់ពីបទលួងលោមអនីតិជនរួមភេទ ។ ករណីនេះ សមត្ថកិច្ចបាននិងកំពុងចាត់ការតាមនីតិវិធីដើម្បីកសាងសំណុំរឿង ៕
ចែករំលែកព័តមាននេះ