ខេត្តកំពង់ធំ ៖ សមត្ថកិច្ចនគរបាលខេត្តកំពង់ធំបានឲ្យដឹងថា ការឃាត់ខ្លួនបុរសម្នាក់ដែលតាំងខ្លួនជាមន្ត្រីតុលាការខេត្ត ដេីរញុះញង់អោយប្រធានភូមិចំនួន៥ភូមិផ្តិតមេដៃប្រជាពលរដ្ឋ ដេីម្បីទាមទារដីនៅតំបន់បីដោយខុសច្បាប់ ក្នុងភូមិសាស្ត្រសង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ធ្វើឡើងកាលពីវេលាម៉ោង១៧និង២៨នាទីល្ងាច ថ្ងៃទី១៧ មិថុនា ។
ប្រភពឱ្យដឹងថា ជនដែលត្រូវសមត្ថកិច្ចឃាត់ខ្លួនខាងលើ ឈ្មោះ ព្រំុ មិុក ភេទប្រុស អាយុ៥៤ឆ្នាំ រស់នៅភូមិព្រែកស្បូវ សង្កាត់អូរកន្ធរ ក្រុងស្ទឹងសែន ខេត្តកំពង់ធំ ។ សមត្ថកិច្ចបន្តថា ជនសង្ស័យ បានតាំងខ្លួនជាមន្ត្រីតុលាការខេត្តកំពង់ធំ ដេីរញុះញង់អោយលោកប្រធានភូមិចំនួន៥ភូមិ នៅក្នុងសង្កាត់ស្រយ៉ូវ ដេីរផ្តិតមេដៃប្រជាពលរដ្ឋដេីម្បីទាមទារដីតំបន់បីមាន តំបន់បាក់ដុំ , តំបន់គោកព្រះ, តំបន់វាលស្នងមែន ដែលបានប្រព្រឹត្តកាលពីថ្ងៃទី០៧ មិថុនា ប្រឆាំងជាមួយគោលនយោបាយរបស់រាជរដ្ឋាភិបាល និងជ្រៀតជ្រែកដោយខុសច្បាប់ ទៅក្នុងការបំពេញមុខងារសាធារណ: ។
ប្រភពបន្តទៀតថា ទើបនៅថ្ងៃទី១៧ មិថុនា សមត្ថកិច្ចនៃស្នងការដ្ឋាននគរបាលខេត្តកំពង់ធំ បានសំរេចឃាត់ខ្លួនជនសង្ស័យ មកកាន់ស្នងការដ្ឋាននគរបាលខេត្ត ដើម្បីកសាងសំនុំរឿងតាមនិតិវិធី។
ចែករំលែកព័តមាននេះ