ការបញ្ឆេះរថយន្តស្ដាប់ទៅហាក់ដូចជារឿងងាយណាស់ ប៉ុន្តែសូមកុំភ្លេចថាយានប្រើលេខដៃ និងក្នុងស្ថានភាពផ្លូវឡើងទីចំណោតដែលកំពុងធ្វើដំណើរនោះគឺជាបញ្ហាចាំបាច់មួយព្រោះវាអាចនាំមកនូវគ្រោះមហន្តរាយបានប្រសិនអ្នកកាន់ចង្កូតមិនទាន់ថ្នឹក ។ ម្យ៉ាងទៀតការអនុវត្តឱ្យមានប្រសិទ្ធភាពក្នុងស្ថានភាពផ្លូវបែបនេះក៏អាចជាមេរៀនដ៏មានតម្លៃដែរ នៅពេលអ្នកកំពុងរៀបបើកបរ ។ នេះគឺជាវិធីសាស្ត្របញ្ឆេះរថយន្តលេខដៃខណៈពេលដែលរលត់នៅលើផ្លូវដែលកំពុងឡើងចំណោត ៖
វិធីទី១
-សូមចងចាំថា រថយន្តអ្នករលត់ឬឈប់យ៉ាងពេញលេញហើយគ្រានោះចូរទាញហ្វ្រាំងដៃភ្លាមៗហើយដកជើងចេញពីហ្វ្រាំងមកជាន់លើឈ្នាន់ហ្គារ៍វិញដើម្បីរក្សាចលនារថយន្តកុំឱ្យរអិលថយក្រោយ ។
-ជាន់ឈ្នាន់ហ្គារ៍ហើយដកជើងចេញពីអំប្រាយ៉ា ប្រសិនបើរថយន្តទំនងជារត់ធម្មតាវិញ ឬកំពុងត្រូវការល្បឿនដើម្បីបំលាស់ទីឆ្ពោះទៅមុខ ។
-ត្រូវថ្លឹងថ្លែងមើលថារថយន្តអ្នកអាចនឹងបំលាស់ទីទៅមុខ ទើបជាន់ឈ្នាន់ហ្គារ៍យឺតៗហើយក្នុងពេលជាមួយគ្នានោះត្រូវដោះហ្វ្រាំងដៃចេញវិញផង ។ តាមរយៈការដោះហ្វ្រាំងដៃដ៏ត្រឹមត្រូវនេះរថយន្តនឹងផលិតថាមពលពីការជាន់ហ្គារ៍ដើម្បីទាមទារនូវការបំលាស់ទីឡើងចំណោតនោះដោយពុំចាំបាច់ត្រូវការហ្វ្រាំងដៃបង្ការដើម្បីកុំឱ្យរអិលចុះមកក្រោយវិញ ។
វិធីទី២
-ជាន់ឈ្នាន់អំប្រាយ៉ាត្រឹមតែគ្រប់គ្រាន់នឹងអនុញ្ញាតឱ្យម៉ាសីុនងាកមករកល្បឿនធម្មតាវិញទៅជាការស្រេច ។
-រក្សាម្រាមជើងរបស់អ្នកឱ្យបានត្រឹមត្រូវលើឈ្នាន់ហ្វ្រាំងដោយបែរជើងស្ដាំចូលក្នុងដាក់កែងជើង(ស្ដាំ)លើឈ្នាន់ហ្គារ៍ ។ តាមរយៈការផ្អៀងជើងស្ដាំក្នុងទម្រង់បែបនេះគឺអ្នកអាចជាន់ហ្គារ៍ដោយប្រើកែងជើងនិងរក្សាការជាន់ហ្វ្រាំងជាមួយនឹងម្រាមជើងបានយ៉ាងងាយ ។
-ប្រុងប្រយ័ត្ននៅពេលអ្នកប្ដូរឬពន្លែងជើងតិចៗក្នុងស្ថានការណ៍ណាមួយតមកទៀតនោះគឺអ្នកត្រូវជាន់ឈ្នាន់ហ្គារ៍ដោយប្រើកែងជើងហើយពន្លែងអំប្រាយ៉ាយឺតៗ ។ បន្ទាប់ពីការចាប់ផ្ដើមកិច្ចការនេះមិនយូរប៉ុន្មាននោះចូរដកម្រាមជើងស្ដាំចេញពីឈ្នាន់ហ្វ្រាំង ។
-ម៉ាស៊ីននឹងបង្កើនកម្លាំងរង្វិលជុំស្ទុះទៅមុខហើយរថយន្តក៏ចាប់ផ្ដើមបំលាស់ទីដែរ ភ្លាមនោះអ្នកនឹងមានអារម្មណ៍ហាក់មានកម្លាំងរុញទៅមុខរាងញ័រ ឬកន្ត្រាក់ៗបន្តិចដូចនេះចូរផ្លាស់ទីជើងស្ដាំមកកន្លែងដើមវិញគឺឈ្នាន់ហ្គារ៍។ ម្យ៉ាងទៀតខណៈរថយន្តបោះពួយទៅមុខបានមួយរយៈនោះអ្នកនឹងអាចត្រូវការប្រើអំប្រាយ៉ាវិញផងដែរ ។ ដើម្បីចៀសវាងកើតមាននូវចលនាកន្ត្រាក់អំប្រាយ៉ាអ្នកគួរគប្បីប្រតិបត្តិការងារនោះជាមួយនឹងឈ្នាន់ទាំង៣ដោយជើងទាំងទ្វេទើបជាការប្រសើរ ។
វិធីទី៣
-ជាន់ទាំងឈ្នាន់ហ្គារ៍និងហ្វ្រាំង
-កុំពន្លែងហ្វ្រាំងតែពន្លែងអំប្រាយ៉ាយឺតៗឬពាក់កណ្ដាលរហូតដល់អ្នកមានអារម្មណ៍ដូចជាញ័រ ។ គ្រានោះសង្កេតមើលឧបករណ៍វាស់ស្ទង់ល្បឿន ឬអត្រាសន្ទុះម៉ាស៊ីនថាតើវាឡើងដល់កម្រិតណាដើម្បីលៃលកបន្ធូរឬបន្ថែមសម្ពាធ ។
-ជាន់ឈ្នាន់ហ្គារ៍ហើយពន្លែងអំប្រាយ៉ាបន្ដិចម្ដងៗឬរហូតទាល់តែជក់ម៉ាស៊ីនទើបពន្លែងទាំងស្រុងតែម្ដងជាការស្រេច ៕
ចែករំលែកព័តមាននេះ