ខេត្តបាត់ដំបង ៖ យាយម្នាក់បានបាត់បង់ជីវិតពេលបញ្ជូនដល់មន្ទីរពេទ្យ ក្រោយត្រូវបុរសម្នាក់ដែលជិះម៉ូតូលឿនដូចហោះបានជ្រុលទៅបុកគាត់ពេញទំហឹង ពេលកំពុងអង្គុយធ្វើស្មៅនៅខាងមុខផ្ទះ កាលពីវេលាម៉ោង៦និង៣០នាទីព្រឹកថ្ងៃទី១៧ មិថុនា នៅក្នុងភូមិកំពង់ពិល ឃុំវត្តតាមិម ស្រុកសង្កែ…
ខេត្តបាត់ដំបង ៖ យាយម្នាក់បានបាត់បង់ជីវិតពេលបញ្ជូនដល់មន្ទីរពេទ្យ ក្រោយត្រូវបុរសម្នាក់ដែលជិះម៉ូតូលឿនដូចហោះបានជ្រុលទៅបុកគាត់ពេញទំហឹង ពេលកំពុងអង្គុយធ្វើស្មៅនៅខាងមុខផ្ទះ កាលពីវេលាម៉ោង៦និង៣០នាទីព្រឹកថ្ងៃទី១៧ មិថុនា នៅក្នុងភូមិកំពង់ពិល ឃុំវត្តតាមិម ស្រុកសង្កែ តែបុរសនោះក៏ត្រូវបានសមត្ថកិច្ចឃាត់ខ្លួនផងដែរ ។
យោងតាមរបាយការណ៍សមត្ថកិច្ចបានឲ្យដឹងថា ជនបង្កគ្រោះថ្នាក់ឈ្មោះផាច សារឿន អាយុ៣៦ឆ្នាំ រស់នៅភូមិអូរស្រឡៅ ឃុំវត្តតាមិម ស្រុកសង្កែ ជិះម៉ូតូម៉ាកហុងដាឌ្រីមធុនC125 ពណ៌ខ្មៅសេរី២០១៩ ពាក់ស្លាកលេខមបាត់ដំបង1AI 5452។ ដោយឡែក ជនរងគ្រោះឈ្មោះកឺ គាន ភេទស្រី អាយុ៦៣ឆ្នាំ រស់នៅភូមិកំពង់ពិល ឃុំវត្តតាមិម ស្រុកសង្កែ ។ សមត្ថកិច្ចបានប្រាប់ថា ជនបង្កនោះ ទំនងជិះលឿន តែពេលមកដល់ចំនុចកើតហេតុ មិនដឹងយ៉ាងម៉េច បានជាជ្រុលទៅបុកគាត់ ពេលដែលគាត់កំពុងអង្គុយធ្វើស្មៅនៅខាងមុខពេញទំហឹងតែម្ដង។
តាមការបំភ្លឺនានាពីអ្នកភូមិថា ពេលបុកដំបូងជនរងគ្រោះដេកសន្លប់ឈឹង ហើយក្រុមគ្រួសារបានដឹកទៅសង្គ្រោះនៅមន្ទីរពេទ្យភ្លាមៗដែរ តែជាអកុសល បន្តិចក្រោយមកជនរងគ្រោះក៏បានស្លាប់តែម្ដង។
ប៉ុន្តែយ៉ាងពាក៏ដោយ ក្រោយពីពិនិត្យកន្លែងកើតហេតុ សមត្ថកិច្ចបានឃាត់ខ្លួនអ្នកជិះម៉ូតូបង្កគ្រោះថ្នាក់នោះភ្លាមៗដែរ។ ពេលនេះ សមត្ថកិច្ចកំពុងសាកសួរជនបង្ក នៅអធិកាស្រុកសង្កែ តែចំណាត់ការបែបណាគេមិនទាន់ដឹងច្បាស់នៅឡើយទេ ។
ចែករំលែកព័តមាននេះ