រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា យុវជនម្នាក់ពេលកំពុងអង្គុយផឹកស៊ី ក៏ឃើញកម្លាំងសមត្ថកិច្ចស្លៀកពាក់ស៊ីវិលមួយក្រុមចុះចាប់ជនជាតិបរទេស ហើយយុវជននោះក៏បានដកទូរស័ព្ទថត ក៏ស្រាប់តែត្រូវកម្លាំងសមត្ថកិច្ចស្លៀកពាក់ស៊ីវិលនោះ បានវាយមកលើរូបគេ បណ្ដាលឱ្យហើមមុខមួយជំហៀង រួចយុវជនរូបនេះក៏រត់គេចចូលក្នុងផ្ទះ…
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា យុវជនម្នាក់ពេលកំពុងអង្គុយផឹកស៊ី ក៏ឃើញកម្លាំងសមត្ថកិច្ចស្លៀកពាក់ស៊ីវិលមួយក្រុមចុះចាប់ជនជាតិបរទេស ហើយយុវជននោះក៏បានដកទូរស័ព្ទថត ក៏ស្រាប់តែត្រូវកម្លាំងសមត្ថកិច្ចស្លៀកពាក់ស៊ីវិលនោះ បានវាយមកលើរូបគេ បណ្ដាលឱ្យហើមមុខមួយជំហៀង រួចយុវជនរូបនេះក៏រត់គេចចូលក្នុងផ្ទះ តែក៏ត្រូវកម្លាំងមួយក្រុមនោះកដេញតាមវាយដល់ក្នុងផ្ទះទៀត និងគំរាមបាញ់អ្នកដែលហ៊ានជួយជនរងគ្រោះ ទើបបង្កឲ្យមានការភ្ញាក់ផ្អើល កាលពីវេលាម៉ោង១និង១៥នាទីរំលងអធ្រាត្រ ឈានចូលថ្ងៃទី១៦ ខែមិថុនា ឆ្នាំ២០២០ តាមបណ្តោយផ្លូវ១៧៤ នៅចំណុចមុខប៉ុស្តិ៍ផ្សារថ្មី៣ ខណ្ឌដូនពេញ ។
តាមប្រភពព័ត៌មានពីយុវជនរូបនោះមានឈ្មោះ ងែត ឡុងហេង ភេទប្រុស អាយុ២០ឆ្នាំ មុខរបរបុគ្គលិកសណ្ឋាគារ ស្នាក់នៅសង្កាត់ផ្សារថ្មី៣ ខណ្ឌដូនពេញ បានឱ្យដឹងថា មុនពេលកើតហេតុរូបគេកំពុងតែអង្គុយផឹកជាមួយមិត្តភក្តិ នៅលើផ្លូវ១៧២ បានមួយសន្ទុះក្រោយមក ក៏ស្រាប់តែមានកម្លាំងសមត្ថកិច្ចស្លៀកពាក់ស៊ីវិល មួយក្រុមមានគ្នាច្រើននាក់ បានចុះទៅចាប់ជនជាតិបរទេសម្នាក់ ដែលមិនស្គាល់អត្តសញ្ញាណ ។
យុវជនរូបនេះបន្តថា ភ្លាមៗនោះដែរ មិត្តភក្តិរបស់គេបានដកទូរស័ព្ទដៃមកថត ស្រាប់តែកម្លាំងសមត្ថកិច្ចស្លៀកពាក់ស៊ីវិលនោះ បានធ្វើការហាមឃាត់មិនអោយថតរូប ថែមទាំងវ៉ៃទៅលើរូបគេ បណ្តាលអោយភ័យស្លន់ស្លោ រួចក៏រត់ទៅចូលផ្ទះអោយគេជួយ បែរជាសមត្ថកិច្ចរូបនោះបានរត់ទៅវ៉ៃរូបគេដល់ក្នុងផ្ទះទៀត ថែមទាំងគំរាមបាញ់អ្នកដែលជួយ និងបង្កអោយមានការភ្ញាក់ផ្អើលដល់អ្នកជិតខាង ទើបក្រុមសមត្ថកិច្ចស្លៀកពាក់ស៊ីវិលនោះ បានរត់គេចខ្លួនបាត់អស់តែម្តងទៅ ។
ក្រោយពេលកើតហេតុខាងលើនេះ គឺជនរងគ្រោះបានទៅដាក់ពាក្យបណ្តឹងនៅប៉ុស្តិ៍រដ្ឋបាលនគរបាលផ្សារថ្មីទី៣ ដើម្បីអោយសមត្ថកិច្ចរកខុសត្រូវអោយ ។ មិនដឹងថា ទទួលបានផលបែបណានោះទេ ព្រោះមិនដឹងថា ក្រុមសមត្ថកិច្ចដែលស្លៀកពាក់ស៊ីវិលមកពីអង្គភាពណានោះទេ ៕
ចែករំលែកព័តមាននេះ