ខេត្តស្វាយរៀង ៖ កម្លាំងកងរាជអាវុធហត្ថខេត្ត កាលពីវេលាម៉ោងប្រមាណ១២និង២០នាទីថ្ងៃត្រង់ថ្ងៃទី១៤ ខែមិថុនាកន្លងទៅ បានបង្ក្រាបសង្វៀនបញ្ជល់មាន់មួយកន្លែងនៅភូមិស្វាយក្ងោ ឃុំស្វាយជ្រំ ស្រុកស្វាយជ្រំ ។ មន្ត្រីសមត្ថកិច្ចឲ្យដឹងថា…
ខេត្តស្វាយរៀង ៖ កម្លាំងកងរាជអាវុធហត្ថខេត្ត កាលពីវេលាម៉ោងប្រមាណ១២និង២០នាទី
ថ្ងៃត្រង់ថ្ងៃទី១៤ ខែមិថុនាកន្លងទៅ បានបង្ក្រាបសង្វៀនបញ្ជល់មាន់មួយកន្លែងនៅភូមិស្វាយក្ងោ ឃុំស្វាយជ្រំ ស្រុកស្វាយជ្រំ ។
មន្ត្រីសមត្ថកិច្ចឲ្យដឹងថា នៅក្នុងការបង្ក្រាបនេះ បានឃាត់ខ្លួនអ្នកលេងមានប្រុសមានស្រីចំនួន៩នាក់ រួមមាន ៖ ១-ឈ្មោះ យិន សាត ភេទប្រុស អាយុ៥១ឆ្នាំ នៅភូមិអង្គកប្បាស ឃុំស្វាយជ្រំ ២-ឈ្មោះ ស៊ិន ឡានី ភេទប្រុស អាយុ៥៥ឆ្នាំ នៅភូមិព្រែកទប់ ឃុំស្វាយជ្រំ ៣-ឈ្មោះ សុខ សាវី ភេទប្រុស អាយុ៤៨ឆ្នាំ នៅភូមិវាលយន្ត សង្កាត់ស្វាយរៀង ក្រុងស្វាយរៀង ៤-ឈ្មោះ ចាន់ ហាត់ ភេទស្រី អាយុ៥១ឆ្នាំនៅភូមិវាលយន្ត សង្កាត់ស្វាយរៀង ៥-ឈ្មោះ ព្រំ ចិន្តា ភេទប្រុស អាយុ៥៣ឆ្នាំ នៅភូមិស្វាយចេក ឃុំព្រៃឈរ ស្រុកកំពង់ត្របែក ខេត្តព្រៃវែង។
៦-ឈ្មោះ ឈួន ចឹក ភេទប្រុស អាយុ៥២ឆ្នាំ នៅភូមិតាប៉ក ឃុំត្រពាំងស្រែ ស្រុកកំពង់ត្របែក ៧-ឈ្មោះ សោម យ៉ាក ភេទប្រុស អាយុ៣២ឆ្នាំ នៅភូមិឈើទាល ឃុំឈើទាល ស្រុកស្វាយជ្រំ ៨-ឈ្មោះ វ៉ា គុណ ភេទប្រុស អាយុ៤៣ឆ្នាំ នៅភូមិទួលខ្ពស់ ឃុំចំបក់ ស្រុកស្វាយជ្រំ និង៩-ឈ្មោះ ទង វណ្ណៈ ភេទប្រុស អាយុ៣៨ឆ្នាំ នៅភូមិប្រធាតុ ឃុំប្រធាតុ ស្រុកកំពង់ត្របែក។
ជាមួយនឹងការឃាត់ខ្លួននេះ សមត្ថកិច្ចក៏បានដកហូត រថយន្ត១គ្រឿង ម៉ូតូ៤គ្រឿង អាគក
១៧ក្បាល ប្រាក់ដុល្លារក្លែងក្លាយចំនួន៥,៦០០ដុល្លារ ប្រាក់ដុល្លារ២៩០ដុល្លារ ប្រាក់រៀល
ចំនួន៦.៤៨៥.០០០រៀល ប្រាក់ដុល្លារកូពីចំនួន៥.៦០០ដុល្លារ និងជញ្ជីង១គ្រឿង។
ប្រភពដដែលឲ្យដឹងទៀតថា ការចុះបង្ក្រាបនេះក្រោមការសម្របសម្រួលពីលោក ស៊ន មុនី ព្រះរាជអាជ្ញារងអមសាលាដំបូងខេត្ត និងក្រោមបញ្ជាផ្ទាល់ពីលោក សែ វុទ្ធី មេបញ្ជាការកងរាជអាវុធហត្ថខេត្ត ដឹកនាំផ្ទាល់ដោយលោក ស្រី វុត្ថា មេបញ្ជាការរងកងរាជអាវុធហត្ថខេត្ត មេបញ្ជាការកងរាជអាវុធហត្ថស្រុកស្វាយជ្រំ និងមេបញ្ជាការកងរាជអាវុធហត្ថក្រុងស្វាយរៀង ។
នៅថ្ងៃទី១៥ ខែមិថុនា ក្រុមអ្នកញៀនល្បែងបញ្ជល់មាន់ទាំង៩នាក់ រួមទាំងវត្ថុតាងត្រូវបានបញ្ជូនទៅបញ្ជាការដ្ឋានកងរាជអាវុធហត្ថស្រុកស្វាយជ្រំ ដើម្បីកសាងសំណុំរឿងបញ្ជូនទៅសាលាដំបូងខេត្ត ៕ (កែសម្រួលដោយ ៖ បុប្ផា)
ចែករំលែកព័តមាននេះ