ប្រទេសកូរ៉េទាំង២ ៖ ទីភ្នាក់ងារព័ត៌មានកូរ៉េខាងជើង KCNA រាយការណ៍នាថ្ងៃទី១៦ មិថុនាថា កងទ័ពកូរ៉េខាងជើងត្រៀមធ្វើសកម្មភាព ប្រសិនបើបណ្ដាក្រុមជនរត់ចោលជួរបន្តយុទ្ធនាការឃោសនាតាមរយៈការបញ្ជូនខិតប័ណ្ណពីដែនដីកូរ៉េខាងត្បូងមក ។ កងទ័ពប្រជាជនកូរ៉េប្រកាសថា…
ប្រទេសកូរ៉េទាំង២ ៖ ទីភ្នាក់ងារព័ត៌មានកូរ៉េខាងជើង KCNA រាយការណ៍នាថ្ងៃទី១៦ មិថុនាថា កងទ័ពកូរ៉េខាងជើងត្រៀមធ្វើសកម្មភាព ប្រសិនបើបណ្ដាក្រុមជនរត់ចោលជួរបន្តយុទ្ធនាការឃោសនាតាមរយៈការបញ្ជូនខិតប័ណ្ណពីដែនដីកូរ៉េខាងត្បូងមក ។
កងទ័ពប្រជាជនកូរ៉េប្រកាសថា ខ្លួននឹងសិក្សាពីបណ្ដាផែនការសកម្មភាព ដែលអាចឲ្យខ្លួនវិលមកកាន់តំបន់ហាមមិនឲ្យមានកងទ័ពឡើងវិញ បន្ទាប់ពីការចុះហត្ថលេខាលើសន្ធិសញ្ញាអន្តរកូរ៉េឆ្នាំ២០១៨មួយ ។
ភាពតានតឹងរវាងកូរ៉េទាំង២បានកើនឡើងវិញជាថ្មី ខណៈខិតប័ណ្ណឃោសនានានាដែលរិះគន់
មេដឹកនាំកូរ៉េខាងជើង លោកគីម ជុងអ៊ុនដោយចោទលោកជាពិសេសថា រំលោភបំពានសិទ្ធិមនុស្សត្រូវបានបង្ហោះមកកាន់កូរ៉េខាងជើង ។
កូរ៉េខាងត្បូងគ្រោងចាត់បណ្ដាវិធានការប្រឆាំងក្រុមអ្នករត់ចោលជួរកូរ៉េខាងជើង២ក្រុម ដោយវាយតម្លៃថា សកម្មភាពរបស់ពួកគេបង្កើនភាពតានតឹងរវាងប្រទេសទាំង២ ហើយនាំឲ្យមានគ្រោះថ្នាក់ដល់បណ្ដាអ្នកដែលរស់នៅតាមព្រំដែន ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ