គ្រោះថ្នាក់មួយចំនួនសម្រាប់អ្នកបើករថយន្ត គឺបណ្តាលមកពីការធ្វេសប្រហែសក្នុងការបត់សំដៅទិសដៅដែលខ្លួនតាំងចិត្តឆ្ពោះទៅនោះ ដោយពួកគាត់បើកបត់ទាំងកំរោល គឺវាយស៊ីញ៉ូភ្លាមបត់ភ្លាម ឬក៏ពុំបានឱ្យសញ្ញាក៏មាន ។ ខាងក្រោមនេះ គឺជាវិធីសាស្ត្របើករថយន្តបតឆ្ពោះទៅគោលដៅប្រកបដោយ
គ្រោះថ្នាក់មួយចំនួនសម្រាប់អ្នកបើករថយន្ត គឺបណ្តាលមកពីការធ្វេសប្រហែសក្នុងការបត់សំដៅទិសដៅដែលខ្លួនតាំងចិត្តឆ្ពោះទៅនោះ ដោយពួកគាត់បើកបត់ទាំងកំរោល គឺវាយស៊ីញ៉ូភ្លាមបត់ភ្លាម ឬក៏ពុំបានឱ្យសញ្ញាក៏មាន ។ ខាងក្រោមនេះ គឺជាវិធីសាស្ត្របើករថយន្តបតឆ្ពោះទៅគោលដៅប្រកបដោយសុវត្ថិភាពដូចតទៅ៖
១-ត្រៀមខ្លួនក្នុងការបើកបត់ឆ្វេងឬស្តាំដៃនៃផ្លូវ ។ បន្ថយល្បឿនខណៈពេលរថយន្តបោះពួយខិតជិតដល់ចំណុចផ្លូវកាច់ជ្រុងឬផ្លូវកែង ។ ពិនិត្យមើលកញ្ចក់មើលក្រោយ ដើម្បីឱ្យច្បាស់ថា រថយន្តនៅខាងក្រោយកំពុងធ្វើដំណើរមិនកៀកពេកនឹងរថយន្តអ្នកទ្បើយ មុនពេលសម្រេចចិត្តបង្អន់ល្បឿន ។
២-បង្អន់ល្បឿនឈប់មុនពេលបត់និងពិនិត្យមើលតាមទិសដៅនីមួយៗ ដើម្បីឱ្យច្បាស់ថា អ្នកនឹងមិនកំពុងតែបើកជែងកាត់មុខរថយន្តដទៃទ្បើយ ។
៣-ភ្លាមនោះមធ្យោបាយដែលអ្នកប្រតិបត្តិក្នុងការបត់ ត្រូវតែច្បាស់លាស់ ពោលគឺបំលាស់ទីចេញតាមសម្រួលពីផ្លូវកាច់ជ្រុង ដែលអ្នកកំពុងស្ថិតនៅ គឺក្នុងកម្រិតល្បឿន១៥គីទ្បូម៉ែត្រក្នុងមួយម៉ោង ។ ប៉ុន្តែទោះជាយ៉ាងណាកុំព្យាយាមបើកលឿនតាមអារម្មណ៍ដែលអ្នកយល់ថា ប្រកបដោយសុវត្ថិភាព ជាពិសេសចំពោះអ្នកបើកបរថ្មីថ្មោង ។
៤-បើកបត់ចូលទៅក្នុងចំណែកឱ្យសមគួរ កុំព្យាយាមរំលោភបំពានចំណែកផ្លូវយានដទៃឱ្យសោះ ។
៥-ខណៈពេលដែលអ្នកងាកចេញពីការបត់ចូរតម្រង់ទិសដៅមកធម្មតាវិញ គឺយកចង្កូតងាកកង់មកតាមសម្រួល ។
៦-បង្កើនល្បឿនយ៉ាងរលូនរហូតដល់រថយន្តឈានដល់ល្បឿនមួយដែលគេចផុតពីការបង្អាក់ដល់រថយន្តដទៃ ដែលអាចនាំឱ្យកើតមានគ្រោះថ្នាក់ចៃដន្យនោះ ៕
ចែករំលែកព័តមាននេះ