ប្រទេសចិន ៖ ក្រុងប៉េកាំងកាលពីថ្ងៃទី១៥ មិថុនា បានបង្កើនការខិតខំប្រឹងប្រែងប៉ុនប៉ងខ្ទប់រលកថ្មីនៃការឆ្លងវីរុស COVID-19 ក្នុងទីក្រុងនោះដែលមានអ្នកឆ្លកថ្មី៧៩នាក់ទាក់ទិននឹងផ្សារបោះដុំធំមួយដែលរកឃើញរួចហើយ ។ បែបនេះនាំឲ្យមានវិធានការបង្ខាំងថ្មី បណ្ដាតំបន់រស់នៅនិងបង្កើនយុទ្ធនាការធ្វើតេស្តថែមទៀត ។
អ្នកទទួលខុសត្រូវជាន់ខ្ពស់ម្នាក់នៃខណ្ឌHAIDIAN រាយការណ៍ពីការរកឃើញបណ្ដាមនុស្សដែលឆ្លងវីរុសក្នុងផ្សារបោះដុំធំមួយទៀតគឹផ្សារ YUQUANDONG នាភាគពាយ័ព្យរដ្ឋធានីចិន ។ ផ្សារនោះនាថ្ងៃទី១៥មិថុនាត្រូវបានបិទទ្វារ ។ អាជ្ញាធរបានសម្រេចបិទទីតាំងនោះព្រមទាំងបណ្ដាសាលារៀននៅជុំវិញ និងបញ្ជាឲ្យមានការបង្ខាំងមនុស្សនៃតំបន់រស់នៅ១០ដែលស្ថិតនៅក្បែរ ។ ដោយហាមប្រជាជនមិនឲ្យចេញចូលក្នុងចំណោមមនុស្សដែលប៉ះពាល់ផ្ទាល់ជាមួយអ្នកឆ្លងវីរុសទាក់ទិននឹងផ្សារ YUQUANDONG មួយចំនួនត្រូវបានដាក់ឲ្យនៅដាច់ពីគេ ហើយអ្នកដទៃទៀតត្រូវដាក់ជាប់ខ្លួនឧបករណ៍វ៉ាស់កម្ដៅស្វ័យប្រវត្តិ ដើម្បីអាចត្រួតពិនិត្យមើលកម្ពៅខ្លួនឯងជាប្រចាំ ។ សង្កាត់ចំនួន១១នៅជុំវិញផ្សារស៊ីនហ្វីឌីត្រូវបានបង្ខាំងរួចហើយ ។
ក្រសួងសុខាភិបាលចិនរាយការណ៍នាថ្ងៃទី១៦ មិថុនា ពីមនុស្សឆ្លងវិរុសថ្មី៤០នាក់ទៀតនៅចិនទល់នឹង៤៩នាក់នាពេលមុននេះ ។ ក្នុងចំណោមអ្នកឆ្លងថ្មីទាំង៤០នាក់នោះ ២៧នាក់ទាក់ទិននឹងផ្សារបោះដុំសីុនហ្វាឌីខាងត្បូងក្រុងប៉េកាំងដែលនាំឲ្យមានការភ័យខ្លាចដល់រលកទី២នែការ
ឆ្លង ។
អ្នកនាំពាក្យសាលាក្រុងប៉េកាំងបានព្រមាននាថ្ងៃទី១៦ មិថុនាថា សភាពការណ៍នៃការឆ្លងវីរុសនៅក្រុងប៉េកាំង ពិតជាធ្ងន់ធ្ងរបំផុតដោយមនុស្ស ជាង១០០នាក់បានឆ្លងចាប់តាំង ពីសប្ដាហ៍មុនមកក្នុងរដ្ឋធានីចិន ។ តុល្យការនៃការឆ្លងនៅប៉េកាំងរយៈពេល៥ថ្ងៃចុងក្រោយនេះឡើងដល់១០៦នាក់ ។
ក្រុងប៉េកាំងចាប់តាំងពីប៉ុន្មានថ្ងៃមកហើយបានធ្វើយុទ្ធនាការធ្វើតេស្តក្នុងទ្រង់ទ្រាយធំ ។ តេស្តពិសេសធ្វើលើបណ្ដាមនុស្សដែលធ្វើការក្នុងផ្សារបោះដុំធំទាំង២ ព្រមទាំងបណ្ដាអ្នកដែលរស់នៅក្បែរនិងបណ្ដាអ្នកទើបចូលផ្សារទាំង២នោះ។
អង្គការសុខភាពពិភពលោក WHO ប្រកាសកាលពីថ្ងៃទី១៥ មិថុនាថា អ្នកឆ្លងវីរុសថ្មីដល់ទៅជាង១០០នាក់ឯណោះត្រូវបានរកឃើញក្នុងរដ្ឋធានីចិន ចាប់តាំងពីជំងឺនោះលេចជាថ្មីកាលពីសប្ដាហ៍មុនមក ។ អគ្គនាយក WHO លោកTEDROS ADHANOM GHEBREYESUS ក្នុងសន្និសីទសារព័ត៌មានមួយគូសបញ្ជាក់ថា កាលពីសប្ដាហ៍មុនចិនរៀបរាប់ពីប្រភពថ្មីនៃការចម្លងវីរុសនៅក្រុងប៉េកាំង ក្រោយជាង៥០ថ្ងៃ ដែលគ្មានអ្នកឆ្លងណាម្នាក់ក្នុងទីក្រុងនោះ ។
ប៉ុន្តែពេលនេះមានអ្នកឆ្លងដល់ជាង១០០នាក់ត្រូវបានអះអាងនៅក្នុងរដ្ឋធានីចិន ។ លោកបានព្រមានថាក៏ទោះបីបណ្ដាប្រទេសដែលបង្ហាញពីសមត្ថភាពរបស់ពួកគេក្នុងការលុបបំបាត់ការឆ្លងវីរុសនេះ តែពួកគេក៏ត្រូវប្រយ័ត្នចំពោះលទ្ធភាពផ្ទុះការឆ្លងថ្មី ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ