ខេត្តកណ្តាល ៖ លោកឧត្តមសេនីយ៍ត្រី គង់ ស៊ីដន ស្នងការរងទទួលផែនគ្រឿងញៀននៃស្នងការដ្ឋាននគរបាលខេត្តកណ្តាល បានប្រតិបត្តិការណ៌ចុះបង្ក្រាបក្រុមជួញដូរគ្រឿងញៀនឆ្លងខេត្ត ដោយបានជនសង្ស័យ១០នាក់ និងថ្នាំញៀនជាង១គីឡូ រួមនិងវត្ថុតាងមួយចំនួនទៀតប្រើរយៈពេល២ថ្ងៃប៉ុណ្ណោះ…
ខេត្តកណ្តាល ៖ លោកឧត្តមសេនីយ៍ត្រី គង់ ស៊ីដន ស្នងការរងទទួលផែនគ្រឿងញៀននៃស្នងការដ្ឋាន
នគរបាលខេត្តកណ្តាល បានប្រតិបត្តិការណ៌ចុះបង្ក្រាបក្រុមជួញដូរគ្រឿងញៀនឆ្លងខេត្ត ដោយបានជន
សង្ស័យ១០នាក់ និងថ្នាំញៀនជាង១គីឡូ រួមនិងវត្ថុតាងមួយចំនួនទៀតប្រើរយៈពេល២ថ្ងៃប៉ុណ្ណោះ ។
ដោយអនុវត្តន៍តាមការចង្អុលដឹកនាំរបស់លោកឧត្តមសនីយ៍ត្រី ឈឿន សុចិត្ត ស្នងការនគរបាលខេត្តកណ្តាល ដោយមានការដឹកនាំសម្របសម្រួលនីតិវិធីដោយផ្ទាល់ពី លោក លីវ ស្រេង ព្រះរាជអាជ្ងា អមសាលាដំបូងខេត្តកណ្តាល ។ ការចុះបង្ក្រាបនេះ ធ្វើឡើងនៅថ្ងៃទី១៣ មិថុនា ឆ្នាំ២០២០ វេលាម៉ោង១៤និង៤៥នាទី នៅចំណុចផ្ទះជនសង្ស័យឈ្មោះ ជួន ដារ៉ូ ហៅតុល ស្ថិតក្នុងភូមិសាលាកាត់សក់ ឃុំវិហារលួង ស្រុកពញាឮ ខេត្តកណ្តាល និងគោលដៅទី២វេលាម៉ោង ១៧និង៣០នាទី នៅចំណុចផ្ទះជនសង្ស័យឈ្មោះ មៀច វិចិត្រ ស្ថិតក្នុងភូមិទន្លេកន្ទឹល ឃុំសំរោងទង ស្រុកសំរោងទង ខេត្តកំពង់ស្ពឺ ។
ការឃាត់ខ្លួនជនសង្ស័យសរុបចំនួន១០នាក់ គឺជាជនជាតិខ្មែរ និងដកកសម្ភារវត្ថុតាងចាប់យកសរុបរួមមាន៖គ្រឿងញៀនប្រភេទមេតំហ្វេតាមីន (Ice) ចំនួន ៣៨កញ្ចប់=ទម្ងន់១០៤៤,៥ក្រាម(ជាង០១គីឡូក្រាម) ។ ជញ្ជីងសម្រាប់ថ្លឹងគ្រឿងញៀន០៥គ្រឿង ម៉ូតូ ០៦គ្រឿង និងរថយន្ត ០១គ្រឿង។ ទូរស័ព្ទ ១១គ្រឿងវិទ្យុទាក់ទង០២គ្រឿង (ប្រភេទID ០១គ្រឿងនិងអាយកូម០១គ្រឿង)និងសម្ភារៈវេចខ្ចប់ចែកចាយ ជួញដូរ និងប្រើប្រាស់គ្រឿងញៀន រួមទាំងសម្ភារៈពាក់ព័ន្ធមួយចំនួនទៀត ។
ឆ្លងតាមការស្រាវជ្រាវស៊ើបអង្កេតតាមជំនាញ នៅថ្ងៃទី១៣ ខែមិថុនា ឆ្នាំ២០២០ វេលាម៉ោង ១៤និង៤៥នាទី កំលាំងជំនាញការិយាល័យប្រឆាំងគ្រឿងញៀនខេត្ត បានសហការណ៍ជាមួយកំលាំងអធិការដ្ឋាននគរបាលស្រុកពញាឮ បានបើកកិច្ចប្រតិបត្តិការចាប់បង្ក្រាបករណីជួញដូរដោយខុសច្បាប់នូវសារធាតុញៀន ឃាត់ខ្លួនជនសង្ស័យឈ្មោះ កង ប៊ុនមករា ហៅជ្រូក និងឈ្មោះ ជួន រ៉ាដូ ហៅតុល ឆែកឆេរចាប់យកបានថ្នាំញៀនចំនួន៣០កញ្ចប់, ជញ្ជីងសម្រាប់ថ្លឹងគ្រឿងញៀន ០១គ្រឿង រួមនឹងសម្ភារៈពាក់ព័ន្ធមួយចំនួន ។
តាមចម្លើយសារភាពរបស់ជនសង្ស័យឈ្មោះ កង ប៊ុនមករា ដោយបានការអនុញ្ញាតពីលោកឧត្តមសេនីយ៍ស្នងការ និងលោកព្រះរាជអាជ្ញា ខេត្តកណ្តាល ថ្ងៃ.ខែ.ឆ្នាំដដែល កម្លាំងសមត្ថកិច្ចយើង (ការិយាល័យ និងស្រុកពញាឮ) បានបន្តនិតិវីធីពន្លាតដែនដី នាំជនសង្ស័យទៅចង្អុលបង្ហាញទីតាំងចំណុចផ្ទះជួលជនសង្ស័យជួញដូរគ្រឿងញៀនឈ្មោះ មៀច វិចិត្រ ស្ថិតក្នុងភូមិទន្លេកន្ទិល ឃុំសំរោងទង ស្រុកសំរោងទង ខេត្តកំពង់ស្ពឺ ដោយមានការសហការណ៍ល្អជាមួយ កម្លាំងនៃស្នងការដ្ឋាននគរបាលខេត្តកំពង់ស្ពឺ យើងបង្ក្រាបចាប់ឃាត់ខ្លួនជនសង្ស័យបាន ចំនួន ០៤នាក់ ឆែកឆេរចាប់យកថ្នាំញៀនចំនួន ១៦កញ្ចប់ រួមនឹងសម្ភារៈពាក់ព័ន្ធមួយចំនួន ។
ផ្អែកតាមចម្លើយសារភាព របស់ឈ្មោះ មៀច ពិសិទ្ធ ដោយបានការអនុញ្ញាតពីលោកឧត្តមសេនីយ៍ស្នងការ និងលោកព្រះរាជអាជ្ញា ខេត្តកណ្តាល កម្លាំងសមត្ថកិច្ចយើង (ការិយាល័យ ស្រុកពញាឮ និងស្រុកអង្គស្នួល) បានបន្តនិតិវីធីពន្លាតដែនដី នៅថ្ងៃទី១៤ខែមិថុនា ឆ្នាំ២០២០ វេលាម៉ោង១៥និង៣០នាទី បាននាំជនសង្ស័យទៅចង្អុលបង្ហាញទីតាំងរោងគោរបស់មុខសញ្ញាជួញដូរគ្រឿងញៀនឈ្មោះ យ៉ាត កុយឡេត នៅចំណុច ភូមិដកពរ ឃុំវល្លិសរ ស្រុកសំរោងទង ខេត្តកំពង់ស្ពឺ ដោយមានការសហការណ៍ល្អជាមួយ កម្លាំងនៃស្នងការដ្ឋាននគរបាលខេត្តកំពង់ស្ពឺ យើងបង្ក្រាបចាប់ឃាត់ខ្លួន ជនសង្ស័យបានចំនួន ០៤នាក់ ចាប់យកថ្នាំញៀនចំនួន ០២កញ្ចប់ និងសម្ភារៈ វត្ថុតាងមួយចំនួនទៀត រីឯមុខសញ្ញាមេក្រុមជួញដូរគ្រឿងញៀនឈ្មោះ យ៉ាត កុយឡេត បានរត់គេចខ្លួន ។
ចែករំលែកព័តមាននេះ