ក្រឡាប់ចាក់ហើយ! ពេលនេះTaylor Swift ផ្តើមរិះគន់រឿងការរើសអើងពូជសាសន៍
អាមេរិក ៖ ក្នុងអាជីពរបស់នាង Taylor Swift ស្រីស្អាតម្នាក់នេះត្រូវបានគេស្គាល់ថានាងមិនដែលនិយាយអ្វីពាក់ព័ន្ធឆាកនយោបាយឡើយ ។ តែពេលនេះ Taylor Swift…
អាមេរិក ៖ ក្នុងអាជីពរបស់នាង Taylor Swift ស្រីស្អាតម្នាក់នេះត្រូវបានគេស្គាល់ថានាងមិនដែលនិយាយអ្វីពាក់ព័ន្ធឆាកនយោបាយឡើយ ។
តែពេលនេះ Taylor Swift ដែលអ្នកគាំទ្រនៅជុំវិញពិភពលោក រួមទាំងកម្ពុជាផងនោះនិយមពេញចិត្តលើបទចម្រៀងល្បីៗមួយចំនួន ដូចជាបទ shake it off, 22 , Love story ជាដើមនោះ ត្រូវបានផ្លាស់ប្តូរក្នុងរយៈពេលប៉ុន្មានខែចុងក្រោយនេះ។ នៅក្នុងសារបង្ហោះតាម Twitter ចុងក្រោយរបស់នាងជាច្រើន នាងបានរិះគន់យ៉ាងខ្លាំងៗ ដោយបញ្ចេញសារថា វិមាន Confederate នៅរដ្ឋ Tennessee គឺជាអ្វីដែលធ្វើឲ្យនាងធុញថប់បំផុត ។
នាងបានបង្ហោះសារឡើងរសើបថា «ក្នុងនាមជាពលរដ្ឋនៅរដ្ឋ Tennessean វាធ្វើឱ្យខ្ញុំឈឺដែលមានរូបសំណាកជាច្រើនកំពុងឈរនៅក្នុងរដ្ឋរបស់យើងដែលអបអរដល់ឥស្សរជនក្នុងប្រវត្តិសាស្ត្រជាតិនៃការរើសអើងពូជសាសន៍ដែលបានធ្វើរឿងអាក្រក់ជាច្រើន ។ ក្នុងនោះ Edward Carmack និង Nathan Bedford Forrest គឺជាឥស្សរជនដែលមិនគួរឱ្យជឿនៅក្នុងប្រវត្តិសាស្ត្ររដ្ឋរបស់យើង ហើយគួរតែត្រូវបានគេចាត់ទុកជាមនុស្សបែបនោះ» ។
នៅក្នុងការបង្ហោះសារជាសេរីជាង ១០ លើ Twitter ដែលបានផ្សាយកាលពីថ្ងៃសុក្រនោះ នាងTaylor Swift បានរៀបរាប់លំអិតអំពីប្រវត្ដិសាស្ដ្ររបស់ Carmack និង Bedford ដោយអំពាវនាវដល់មន្ដ្រី Tennessee បញ្ឈប់ការ«ប្រយុទ្ធដើម្បីវិមាន ឬរូបសំណាកទាំងនេះ»។
នាងបានបន្ថែមថា «ការយករូបចម្លាក់ទាំងនោះចេញនឹងមិនអាចដោះស្រាយនូវការគៀបសង្កត់ អំពើហិង្សា និងការស្អប់ខ្ពើម ដែលកើតជាប្រព័ន្ធរាប់សតវត្សដែលមនុស្សស្បែកខ្មៅត្រូវតែស៊ូទ្រាំនោះទេ ប៉ុន្តែវាអាចនាំយើងអោយដើរមួយជំហានទៀតកាន់តែខិតជិតដើម្បីធ្វើអោយប្រជាជននិងអ្នកទេសចរនៅរដ្ឋ Tennesseans មកកាន់រដ្ឋរបស់យើងមានអារម្មណ៍មានសុវត្ថិភាព គ្រប់ពណ៌សំបុរ មិនមែនតែជនស្បែកសទេ» ។
នាង Taylor Swift ពេលនេះបានក្លាយជាអ្នកសិល្បៈដែលបាននិយាយយ៉ាងច្រើនជុំវិញបញ្ហាការរើសអើងពូជសាសន៍ស្បែកខ្មៅ បន្ទាប់ពីការរក្សាភាពស្ងាត់អស់រយៈពេលជាច្រើនឆ្នាំ។
កាលពីខែឧសភា លោកស្រីបានអំពាវនាវដល់លោកប្រធានាធិបតី ដូណាល់ ត្រាំ ចំពោះការបញ្ចេញសារតាម Twitter វេលាយប់ជ្រៅមួយរបស់លោកដែលគំរាមប្រើអំពើហិង្សាប្រឆាំងនឹងក្រុមបាតុករនៅក្នុងរដ្ឋ Minnesota ដោយនិយាយថា លោកកំពុង «បង្កឱ្យមានបញ្ហានៃឧត្តមភាពនៃជនពណ៌សនិងការរើសអើងជាតិសាសន៍ (ក្នុងអាណត្តិជាប្រធានាធិបតី) របស់លោក» ៕
ចែករំលែកព័តមាននេះ