ខេត្តសៀមរាប ៖ មិនមាននរណាដឹងថា កូនក្រពើនេះរួចចេញពីអាងចិញ្ចឹមណាមួយនោះទេ ហើយក៏មិនដឹងថា មានកូនក្រពើផ្សេងទៀតបានរួចពីក្នុងអាងចិញ្ចឹមដែរឬយ៉ាងណាឡើយ ។ អ្នកខ្លះនិយាយថា នេះសំណាងហើយដែលក្រពើរួចចេញពីអាងនោះជាកូនក្រពើ ប្រសិនបើជាក្រពើធំនោះប្រហែលជាអាចបង្កឱ្យមានគ្រោះថ្នាក់ដល់មនុស្សជាមិនខានឡើយ…
ខេត្តសៀមរាប ៖ មិនមាននរណាដឹងថា កូនក្រពើនេះរួចចេញពីអាងចិញ្ចឹមណាមួយនោះទេ ហើយក៏មិនដឹងថា មានកូនក្រពើផ្សេងទៀតបានរួចពីក្នុងអាងចិញ្ចឹមដែរឬយ៉ាងណាឡើយ ។ អ្នកខ្លះនិយាយថា នេះសំណាងហើយដែលក្រពើរួចចេញពីអាងនោះជាកូនក្រពើ ប្រសិនបើជាក្រពើធំនោះប្រហែលជាអាចបង្កឱ្យមានគ្រោះថ្នាក់ដល់មនុស្សជាមិនខានឡើយ ។
សូមរំលឹកថា ព្រះពិរុណ១មេធំ បានធ្លាក់យ៉ាងគំហុក កាលពីល្ងាចថ្ងៃទី១៤ មិថុនា ធ្វើឱ្យមានការជន់លិចនៅតាមដងផ្លូវនានាស្ទើរគ្រប់ទីកន្លែងក្នុងក្រុងសៀមរាប ។ នាព្រឹកថ្ងៃទី១៥ មិថុនា ឆ្នាំ២០២០ ក៏ស្រាប់តែមានហេតុការណ៍មួយបង្កឲ្យមានការភ្ញាក់ផ្អើលយ៉ាងខ្លាំងនៅក្នុងមន្ទីរពេទ្យបង្អែកខេត្តដោយសារតែកូនក្រពើញី១ក្បាល បានបង្ហាញខ្លួននៅក្នុងបរិវេណមន្ទីរពេទ្យ ដែលមិនដឹងថា ចូលមកតាំងពីពេលណា និងមិនដឹងថាមកពីណានោះទេ ។
ការផ្អើលនៅមន្ទីរពេទ្យបែបនេះ ព្រោះជារឿងចម្លែកមួយដែលមិនធ្លាប់មានពីមុននោះទេ និងបានក្លាយទៅ ជាការនិយាយកំប្លែងថា អតិថិជនពិសេសមករកពេទ្យព្យាបាលហើយ ។ យោងតាមគណនីហ្វេសប៊ុកគ្រូ ពេទ្យម្នាក់ឈ្មោះ Sanin Sy បានបង្ហោះស្វែងរកម្ចាស់ក្រពើបែបជាការលេងសើចថា «ដំណឹងស្វែងរកសាច់ញាតិ បើបងប្អូនណាដែលបានបាត់សាច់ញាតិដូចនៅក្នុងរូបនេះ សូមអញ្ជើញទំនាក់ទំនងតាមរយៈហ្វេសប៊ុកនេះ» ។
ទោះជាយ៉ាងណា កូនក្រពើនោះត្រូវបានគេចាប់យកទៅឱ្យអ្នកចិញ្ចឹមរក្សាទុកក្នុងអាងវិញ តែមិនមានម្ចាស់អាងណាមួយទទួលទេ ដែលទីបំផុតត្រូវបានរក្សាទុកដោយសន្តិសុខមន្ទីរពេទ្យ។ តាមប្រភពព័ត៌មានថា កូនក្រពើញី១ក្បាលនេះក្រោយពីភ្លៀង១មេធំនោះបានវារចូលតាមលូមកដល់វាលស្មៅខាងក្រោយមន្ទីរពេទ្យ។
ចែករំលែកព័តមាននេះ