ប្រទេសអង់គ្លេស ៖ ក្របខណ្ឌ Premier League នឹងចាប់ផ្តើមសកម្មភាពប្រកួតប្រជែងរបស់ខ្លួនឡើងវិញក្នុងសប្តាហ៍នេះ ពោលគឺនៅថ្ងៃទី១៧ ខែមិថុនា ដែលតម្រូវឱ្យការប្រកួតលេងដោយបិទទ្វារកីឡដ្ឋាន។ បើទោះជាត្រូវលេងដោយបិទទ្វារកីឡដ្ឋានយ៉ាងក្តី…
ប្រទេសអង់គ្លេស ៖ ក្របខណ្ឌ Premier League នឹងចាប់ផ្តើមសកម្មភាពប្រកួតប្រជែងរបស់ខ្លួនឡើងវិញក្នុងសប្តាហ៍នេះ ពោលគឺនៅថ្ងៃទី១៧ ខែមិថុនា ដែលតម្រូវឱ្យការប្រកួតលេងដោយបិទទ្វារកីឡដ្ឋាន។
បើទោះជាត្រូវលេងដោយបិទទ្វារកីឡដ្ឋានយ៉ាងក្តី ប៉ុន្តែក្របខណ្ឌកំពូលអង់គ្លេសមួយនេះ បានសម្រេចអនុញ្ញាតឱ្យអ្នកគាំទ្រអាចទស្សនាការប្រកួតបាន ដោយផ្សាយផ្ទាល់តាមរយៈប្រព័ន្ធអនឡាញជាមួយកម្មវិធី Zoom Call ។ ខណៈកីឡាករក្នុងទីលានប្រកួត ក៏អាចមើលឃើញអ្នកគាំទ្ររបស់ខ្លួន លើអេក្រង់យក្សដែលមានក្នុងកីឡដ្ឋាន។
បើយោងតាមការចុះផ្សាយពី BBC បានឱ្យដឹងថាក្រុម Tottenham Hotspur នឹងផ្តល់ឱ្យអ្នកគាំទ្រមួយចំនួនរបស់ពួកគេ នូវឱកាសដើម្បីក្លាយជាផ្នែកមួយក្នុងការប្រកួតតាមរយៈវីដេអូផ្សាយផ្ទាល់នេះ អំឡុងការប្រកួតក្នុងផ្ទះរបស់ខ្លួន នៅថ្ងៃសុក្រ ទី១៩ ខែមិថុនាខាងមុខទល់នឹងក្រុម Manchester United ។
របាយការណ៍ពីក្រុម Spurs បានឱ្យដឹងថា វីដេអូអ្នកគាំទ្រនឹងត្រូវបានផ្សាយផ្ទាល់យ៉ាងទៀងទាត់នៅការប្រកួតក្នុងផ្ទះទាំងអស់ ដូច្នេះកីឡាករនឹងដឹងថា អ្នកគាំទ្រកំពុងមើលនិងលើកទឹកចិត្តពួកគេ» ។
តាមពិតទៅប្រព័ន្ធប្រតិបត្តិការណ៍ខាងលើ ត្រូវបានប្រើប្រាស់រួចមកហើយ និងដំបូងគេនៅក្របខណ្ឌ Danish Superliga របស់ប្រទេសដាណឺម៉ាក អំឡុងពេលបាល់ទាត់ត្រូវលេងដោយបិទទ្វារកីឡដ្ឋាន។
ដោយឡែកការប្រកួតនៅលីគកំពូលអាល្លឺម៉ង់ និងអេស្ប៉ាញ ក៏បានប្រើសំលេងអបអរសិប្បនិម្មិតរបស់អ្នកគាំទ្រ និងបានព្រីនរូបអ្នកគាំទ្រដាក់នៅកៅអីដែលទំនេរផងដែរ៕ (ដកស្រង់ចេញពី៖ BBC)
ចែករំលែកព័តមាននេះ