ប្រទេសអាល្លឺម៉ង់ ៖ មនុស្សច្រើនពាន់នាក់កាលពីថៃ្ងទី១៤ មិថុនា បានលើកគ្នាធ្វើបាតុកម្មនៅក្រុងប៊ែរឡាំង ប្រឆាំងការប្រកាន់ពូជសាសន៍ និងដើម្បីឲ្យមានសមភាពកាន់តែខ្លាំង ដោយពួកគេបង្កើតជាច្រវ៉ាក់មនុស្សកាត់រដ្ឋធានីសហព័ន្ធ តែដោយគោរពវិធានការគម្លាតសង្គមការពារការឆ្លងវីរុស COVID-19…
ប្រទេសអាល្លឺម៉ង់ ៖ មនុស្សច្រើនពាន់នាក់កាលពីថៃ្ងទី១៤ មិថុនា បានលើកគ្នាធ្វើបាតុកម្មនៅក្រុងប៊ែរឡាំង ប្រឆាំងការប្រកាន់ពូជសាសន៍ និងដើម្បីឲ្យមានសមភាពកាន់តែខ្លាំង ដោយពួកគេបង្កើតជាច្រវ៉ាក់មនុស្សកាត់រដ្ឋធានីសហព័ន្ធ តែដោយគោរពវិធានការគម្លាតសង្គមការពារការឆ្លងវីរុស COVID-19 ។
បាតុករច្រើនរយនាក់ក៏លើកគ្នាដើរហែរក្បួនតាមដងវិថីដែរ ក្នុងទីក្រុងឯទៀតៗរបស់អាល្លឺម៉ង់
ដូចជាក្រុងឡឹបសិុកនិងហាមបួរក៏ទោះបីមានភ្លៀងធ្លាក់ខ្លាំង តាមការអំពាវនាវរបស់ចលនាចម្រើនជឿនលឿន UNTEILBAR ។ អ្នកនាំពាក្យម្នាក់របស់ចលនានោះអះអាងថា មនុស្សជាង២០.០០០នាក់ បានចូលរួមក្នុងការបង្កើតច្រវ៉ាក់មនុស្សនៅក្រុងប៊ែរឡាំង ។ ច្រវ៉ាក់មនុស្សក្នុងរដ្ឋធានី គឺចាប់ពីមាត់ទ្វារវិមាន BRANDEBOURG កាត់តាមប៉មទូរទស្សន៍នៃសម័យកាលកុំមុយនីស្ត ហើយត្រូវបន្លាយវែងតទៅទៀតមកពីមនុស្សមកចូលរួមកាន់តែច្រើន ។
កាលពីចុងសប្ដាហ៍កន្លងទៅមនុស្សជាង១០.០០០នាក់បានប្រមូលផ្ដុំគ្នានៅក្រុងប៊ែរឡាំង ក្រោមទង់ចលនា BLACK LIVES MATTER ជាប្រតិកម្មតបចំពោះការស្លាប់កាលពីថ្ងៃទី២៥ឧសភា នៅក្រុងមីននីប៉ូលីសសហរដ្ឋអាមេរិកបុរសស្បែកខ្មៅ លោក GEORGE FLOYDដោយសារប៉ូលិសស្បែកសម្នាក់យកជង្គង់សង្កត់ករពេលចាប់ខ្លួនគេដល់ដាច់ខ្យល់ ៕ ដកស្រង់ចេញពីវេបសាយ ៖ yahoo (កែសម្រួលដោយោ ៖ បុប្ផា)
ចែករំលែកព័តមាននេះ